[البرنسيسة]

[glow1=#FFFF00]
كتبت حرفين وانساني الالم= باقي علومي زمان المدرسه

من سطوة الهم كسرت القلم= حتى الورق صرت ما ادنى ملمسه

قالوا من العين ما هو من عدم= وقالوا من العشق جاته وسوسه

والناس ما هم هناك ولا هلم= يا حبهم للفتن والدسدسه

ادلوا بهقواتهم كلٍ سهم= وفصلوا الثوب و انا اللي البسه

جابوا فقيهٍ خبيث في النسم= فوق الكرى زاد ميه دحلسه

ولا عرف علتي الا ما فهم= كتب كتاب الهبال وقرطسه

جابوا لي كهله وكروتها غنم= تاقف على الما تطير بمكنسه

قالت بنكويه في بطن القدم= وبين عينيه ، هاتوا المحمسه

والا اوقدوا له بجمرٍ من سلم= بين العشاوين فحمه يلحسه

يا مال طبك ويا مال الندم= واللي وصف قبلك الله م انجسه

ما به رجاوي ولا فيكم عشم= اعلام اهل الكهانه... منكسٌه

وافكار ربعي مثل رجل العتم= شيٍ تتقا وشيٍ تدعسه

وان كنت ما بينهم مالي رقم= لاني عدو الكذب والغطرسه

وان كان طول عدانا واحتدم= ما احب كثرة نفاق و مرأسه

قدام عيني تطاول ما انهدم = بيتٍ بعيني اشوف والمسه

وانا كتبته نهار ارعى البهم= والله يا قدر نفسي ما ابخسه

ذي فلسفه من جنون المتهم= ماني مراجع علوم المدرسه[/glow1]

[glow1=#F900FF]
الشاعر العرنين**
صح لسااانكـ ملااااااييييين,,
أبيات رائعة وتصوير أكثر من رااائع
يدل على ابداااعكـ وذوقكـ الراااقي
<<ابداع دااائم كما عودتنـــــــــااااا
تقبل مني أرق تحية,,,[/glow1]