[صالح بن فارس]

بسم الله الرحمن الرحيم


كلمته !
بعد ما عدت لليالي ..
كلمته !
فرحه الأول وتالي ..
كلمته !
كان بيعاتب ولكن !
كل حرف ٍضل ساكن ..
وانتظر يمكن تقول ..
آسف إن خنت الضنون !
وقبل ما تنطق شفاته .. بالعتب .. ردت لهاته !
وقام ينثر كل شوقه ..
والحكي زان بعذوقه ..
آهْ يا شوقه .. آهْ يا شوقه !
لو هو يقدر .. كان شاله من عروقه !

***

كلمته !
كثر ما غابت وردت ..
كلمته !
كثر ما صاحت وهدت ..
كلمته !
تحكي أشواق وهيام ..
وأحلى ألوان الغرام ..
بس مع بعضه ملام !
كلمته !
ولمحت له بالفراق !
وحان وقت آخر عناق !
قبل ما يطرا الرحيل ..
ويدمع الطرف الكحيل !

***

كلمته !
ولجلها آخر محطه ..
شال فرقاها وحطه !
قام يشهق فيه شوقه ..
وصك جواله وخطه !
وابتدا دمع ٍ بعينه ..
وانتهت رحله حزينه ..
كلمته !
هامسه له بالوداع ..
وصوتها فيه التياع !
كلمته !
وكان آخر اتصال ..
بعدها كان الفصال ..
رغم كل واحد بقلبه ..
حافظ ٍ أغلى وصال ..
كلمته !
وليتها .. ما كلمته !




مع ودي

؛؛؛؛