دار الزمان ومالنا عنه دارين
واعمارنا من لف الايام راحت
وبعض البشر قامت تقول السلاطين
لكنها مالت ومالت وطاحت
واللي ورى حب المظاهر مساكين
ياليتها زانت لها واستراحت
وباللي يجمع في رصيدة ملايين
ضيع رصيده والملايين باحت
غروه بين الناس عدة شياطين
وراحت فلوسه ولادرى كيف راحت
واهل التعاسه والفقر والمساكين
ماحد يلبي صوتها يوم صاحت
تشوفهم في عجة الدهر ماشين
ماهما لو ريحة الفقر فاحت
اهل القناعه والرضى والمحازين
اهل الديون اللي بها مأاستراحت
في المجتمع ياكثر ماشافدت العين
اشيا تخلي دمعة العين طاحت
واشيا تسر الروح لكن لاوين
خايف يدور الوقت والوقت ناحت
والله يستر لايجي بعد يومين
وتلقى النفوس الشامخه كيف طاحت
وبعدها ماللبقايا عنواين
ايامنا دارت والاعمار راحت