السلام عليكم ورحمه الله وبركاته
وبعد
وش رايكم لو نتكلم شوي وناخذ هالمساحه الضيقه لنعبر فيها عن ماتجول به خواطرنا من اراء
لمسناها وعشناها بخصوص كاس العالم والدوشه الكبيره والاهتمام الهائل والمفرط من الجميع
لانزكي احد فكلنا نفرح ونسعد بمناسبه كبيره كتلك ولكن الا ترون ان الافراط في متابعته
بشكل اقرب للادمان مضر ومهدره للوقت والصحه
واحد من اخوياي الله يهديه يصحى الصبح على قناه الجزيره صباح المونديال الى اخر اليوم
ولايأبى ان يفارق تلك الشاشه الا اكرمكم الله لدخول الحمام حتى الاكل يجيه قدام الشاشه
طيب خلونا شوي نبعد عن كاس العالم
يوم يجي رمضان الخير رمضان العباده تختلف الصوره تمام
نرى البعض وليس الكل يقضي يومه في النوم الى المغرب يفطر وهاتك يامسلسلات الى الفجر وهاتك ياطلعتا ووو
طيب هذا مو شي يقهر
يعني شهر عباده وصوم ووالله ان الانسان ليندم على مافرطه في تلك السنوات
زمان ايام المراهقه كنت اتسحر وانام للعصر وبعدها سوق للمغرب وفطور وبعد مانصلي التراويح هاتك ياكوره والا طلعات ولا زيارات
مافيه احد خالي من الذنوب بس لما كبرنا وعينا وعرفنا الصح والغلط وعرفنا اللي لنا واللي علينا
طيب برمضان ليه مانتسمر قدام الشاشات الدينيه والبرامج الاسلاميه زي مانتسمر قدام كاس العالم
عموما
كاس العالم اخذ حجم بالمتابعه اكبر من حجمه بكثييير هل المشكله في اسس افكارنا وعدم الوعي الكافي اللي ينخر في عقولنا
ام ان الحدث يستحق ان نتسمر بالساعات قدام الشاشات ومواكبه كل صغيره وكبيره في المونديال
بالنسبه لي يعلم الله ماتابعت يمكن حول خمس مباريات من المونديال مع اني اعشق كره القدم ولكن الاشغال والارتباطات الاخرى لم تتح لي الوقت لاتسمر امام الشاشات ولو اتيحت لي الفرصه وكنت فاضي ماتابعت الا المباريات اللي لها صداها فقط
تقبلوا تحياتي
اخوكم/ابواحمد