[مشعاب عتم]

أخاف من الجهال خوفي من الداب
أخــــــاف يبدي الناب و أنا مقفي

مقطعين الوصــل في ود الأصحاب
مثل الســموم اللي تهــد العـوافي

و أن جيت اسيّر و أدهج البــاب
عند الرفيق اللي هروجـه نظــافي

نضحك على الدنيا و للهيل صباب
شروى الكريم اللي على القــوم لافي

وابو(عـتــم) ماهوب للـدل ربــاب
راعي ســماحة بين ناس ٍ تجافي

ويا ما نهيت القلب لا شك ما تاب
عن صحبة الأقراب و الجو صافي

هذي تواليها وفي الظهر منصـاب
من هرجة جتني تســـم الخــوافي

و أهل الحماقــة يا (عـتم )مثل سفناب
لامن ترجرج طــاش فوق الحوافي

بارت بهم كل المعــارف و الأطباب
رغم التقدم في علــوم المشــافي

يسلم لســـانك يوم رديت بجــواب
حطيت نقطــة فوق سـود الحروفي

أقابله بالطيب و الجد و أحــباب
وأن صـد عني ما عليه الحــسوفي

وهذي بيوت الشعر من رأس مشعاب
و أن جيتني تبشر بشــاهي وكافي

ــــــــــــــــــــــــــــــــــــــــــــ
ــــــــــــــــــــــــــ

مشعاب عتم ( مكسور )