[~ بنـ ـت مطـ ـير ~]

السلام عليكم ورحمة الله وبركاته

مســاكم الله بالخير جميعا

مادري عادي اكتب عن قبيلتي شوي ولا المنتدى خاص بزهران ..؟


يالله عاد كلها كم سطرح مابتضر

اليكم قصيده لحد الشعراء في مدح رجل من قبيله مطير





مقــدمه :


يسعدني ان انشر هذه المشاركة عن رجل من ابناء القبيلة يستحق الكثير والكثير
ليس الا ، ولكن لما عرف عنه من قبل القبائل الآخرى ......

الخير وعمل الخير لازال صفة يتصف بها هذا الشعب الكريم ، ولكن ما يثلج الصدر أن ترى أبناء القبيلة لهم السبق واليد الطولى في ذلك وها هو أحد أبناء قبيلتنا العزيزة يمد يد العون والمساعدة للقاصي والداني وهذا ليس بمستغرب على رجالات القبيلة ، وعمل الخير ليس حكراً على قبيلة مطير فحسب وأنما القبائل الاخرى فيهم من الرجال الخييرين كذلك ، فهذا هو الشيخ صلبي ابن حسين الغنيم الوسمي أحد أبناء القبيلة ومن سكان مدينة النعيرية وله من الأعمال الخيرة ما يشفع له وما يجعلنا نكتب عنه بـأحرف من ذهب عن هذا الرجل الكريم في بيته وفي جاهه وفي قضاء حاجة المحتاج مما حد بكثير من أفراد القبائل الأخرى في العنوه اليه لقضاء حاجاتهم عند القبائل والدوائر الحكوميه ...
والقبيلة فيها الكثير من أمثال الشيخ صلبي فهناك من فتح بيته طوال اليوم لاكرام الضيوف وتقديم العون لهم فهنيئاً لنا بهذه النماذج المعطائه الكريمة وهذا ليس بغريب على بناء هذا القبيلة العربيه لان ذلك من صفات وقيم العرب التي ورثوها عن أبائهم وأجدادهم ....

فهذة جريدة الوطن الكويتية تنشر لنا ما قيل عن هذا الرجل في عددها رقم 9468 الموافق يوم الجمعه 10/ 4/ 1423هـ
فالمدح من الأغراض الشعرية التي عرفها العرب .... وأظهرت لكثير من المواقف الخالدة للرجال الذين يستحقون هذا المدح .... قصيدة كتبها الشاعر مطلق بن فايز العتيبي .. مادحاً رجل المواقف النبيلة صلبي بن حسين الغنيم لما عرف عنه بالطيب والكرم والأخلاق وحب الخير للناس ... فهو من الرجال الذين يستحقون الثناء والتقدير لصفاته الحميدة التي أثنى عليها كل من عرفه أو سمع عنه وهذا هو نص القصيده :





مبداي بالي تسجد الخلق لرضـاه

ربا خلق خلقـه وبيـده قدرهـا

ومن يبتدي بالله بيوتـاً مسـواه

عانه على زين البيوت وسطرهـا

سر ياقلم وكتـب بيوتـاً منقـاه

وأختر نوادرها وطيـب دررهـا

بالطيب اللـى نادراتـاً سجايـاه

شيخ عسى الله يحفظه من خطرها

هذاك ابو نايف زبـون المجـلاه

ريف الرجال اليا لفت من سفرها

اصلبي ولد حسين ياسعد من جاه

نفسه على درب المراجل صخرها

سبـاق للعليـا ولحـدن تـعـداه

عنه افعول الخيـر كـلاً ذكرهـا

له مجلس بيـن الـدلال المركـاه

امبهراتا والرطـب فـي نحرهـا

هذي اتصب وذيـك والله مـوداه

امن الزل تمـلا وترجـع بثرهـا

يلقى ابونايف من بغاه اوتنصـاه

يقظي لزوم اهل الوفاء ما عتذرها

كم فك مسجون من السجن واعفاه

خلاه عقب المظلمـات ابسفرهـا

دور غريمه لين يلقـاه ورضـاه

قضيتـه قبـل المحاكـم حكرهـا

من لابةً تاطى على الموت تاطـاه

يوم العصور الماضيات نخبرهـا

مطران حمران النواظـر مسمـاه

عدوهم يشـرب حثايـل كدرهـا

بيتـه امبيـن بالبيـوت المبنـاه

فيه الرجـال الطيبـه محتظرهـا

يوم بعض الناس يوم الله اعطـاه

مراجله دوبـه النفسـه حجرهـا

والا بو نايف تدفق السمن يمنـاه

خصايلا ولـه المـورث ذخرهـا

وين ابو نايف ياعسى الرب ياقاه

امن اليـال المقبـلات وقشرهـا

رجلا اليا جيتـه تباشـر امحيـاه

يضحك ونظراته تباشـر نظرهـا

سلايل اللي ياعسى الخلد مثـواه

احسيـن جعلـه جنـان وثمرهـا

عساه بالفردوس والـرب يحمـاه

امن السعير اليا تطايـر شررهـا

عواد ذخر عـواد قليلـه حلايـاه

يحفظه حفاظ الايـات ابصورهـا

المدح بأهـل واللـي لهـم جـاه

مثل ابو نايف زاد شبره اشبرهـا

للمرجله دائم وهو تقـدم اخطـاه

ماهمه اللـي ياجماعـه قصرهـا

شبحه بعيد وماطمن تحت ماطـاه

ابعد من انجوم السما عن قمرهـا

هـداج تيمـا عانيـه لاعدمانـاه

مبعد عن العين السهيرة سهرهـا

فيه الكرم والجود بلـى ابملقـاه

ذبـاح حيـلا والمطايـا نحرهـا

كريم كطائي سويـه هـو وايـاه

كم مشكلة ربعه نصوه واجبرهـا

وصلاة ربي عد ما ينتثـر مـاه

على جميع الارض ونبت زهرهـا

على رسول الحق ختمـت مبـداه

شفيع خلقه يوم جمعـت بشرهـا



الشاعر/ مطلق بن فايز العتيبي


ولا تهـــوون زهــران وباقي القبايل

كلكم على عيني وراسي


للأمــانه .. الموضوع منقوول