[@بن عايده@]

بسم الله الرحمن الرحيم..وبعد

المعذرة عن طول الغياب..وعزائي في مقابلة كرام يعفون عند المقدرة..

وهذي لابن سعدي بدون قصور فالباقين..

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=3 line=1 align=center use=ex num="0,black""]
البدع/بن عايده=
=
انا لي صاحب" ونعم وبين القبايل له مقام=
صاحب يعرف الواجب ويدري بعادات القبايل=
وان حضر فالمجالس خلّد المجلس اللي كان فيه=
بالقصيدة وبالقصة والاخلاق واشراك الحضور=
صاحبي عن قناعة بالصلة والرحم ناسب قريبه=
وقريبه من رجال" مطاليق وعياله كماه=
غير يوم" من الايام جاني مكدّر خاطره=
قلت له وش حصل وانته سعد من معه خاطر مكدّر=
قال لاعاده الله يوم ناسبت انا فيه القريب=
قلت لاجل المره قال المره ما بها الا كل شيمه=
قلت اجل وش حصل دام المره واهلها ماشي قصور=
قال لاجل القرابه والميانه عطوني بعض قدري=
يوم اجي ضيف بين ضيوف كني من آقل الضيوف=
والعشا مابقا الا اقوم واغرف لهم صحني واشيله=
والمفطّح جزوا بالخير لو ورّدوني عاللسان=
كل هذا برغم اني تجمّع بي حقوق" ثلاثه=
النسب والضيافه والقرابه ولا ادري وش بقي=
قلت له لاتعمم وانا عندك مثال اقرب مثال=
انا ناسبت عمي والنعم فيه ونعم في عياله=
واحمد الله على ما مدني به من انواع النعم=
الخطا شي وارد وابني ادم ماهو بافضل من ادم=
لكن اصبر عسى الميزان يعدل وترجح كفتك=
وللا خذ بنتهم واقتص بالمثل في قدر اهلها=[/poem]