لبيه
لبيه يالصوت الذي مهما سمعته مايمل
له مسمعي والياسمعه كل مابي يسمعه
صوت القماري مايجي جنبه ولا صوت الحجل
صداه في قلبي يخضه لين بيده ينزعه
لامن سمعته صار في جسمي كما قرص النحل
من زود حبي له غدت روحي واحاسيسي معه
فديت روحه فرحة ايامي وناسي والاهل
اللي على شانه فوادي قام يذرف مدمعه
ماعاد في قلبي ترك لروح والعالم محل
سيطر على قلبي وفكري لو نثرته يجمعه
يرحل ولاكن في عيوني يعلم الله مارحل
يصد عني والمشاعر والجوارح تتبعه
عيا يجيني الياس في قربه ولا فيني امل
اني اعيش العمر في راحه بدونه يقطعه
لو حدني فوق المعاند والتحدي والزعل
ماضيق منه وكل شين منه ياجي نبلعه
المر لامنه وصل حبه يحول له عسل
والضيق من زود الغلا يحتدني فوق السعه
اشوف زوله لارحل عن ديرته والا نزل
وسمعه شدى صوته يحاكيني بوسط المعمعه
ـــــــــــــــــــــــــــــــــــــ
|