[عثمان الزهراني]

[align=center]بسم الله الرحمن الرحيم في كل بدايه
والحمدلله رب العالمين في كل نهايه


رجعت لكم بعد كومت مشاكل وغيبه اتمنى ماتتكرر


قصيده لها فتره عندي مو قديمه كثير مناسبتها

في بنك الراجحي اكتتابات ينساب


((ينساب))[/align]

[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

لــبــيه يانــظـــره بملــــيون ترحاب = ولبــيــه ياقلـــبٍ خـفـــق مـن يشيله

انا اشـهـد اني ضعت ياكل الأسباب = ضيــعــت دربي ياهــي اكبر فشيله

احوس وارجع من ورى ظهر ذا الباب = ودي بنــظـــره ثـــانـيـــــه يابخيله

اصبحت صايب في صويبٍ ومنصاب = اصبحت ضــايع فـــي ضياع الدليله

تكفين ردي واطـربي قلبي إطراب = من بــعــد مادحــدر على قل حيله

خلـيه يـــرجــع للـوعي بعد ماغاب = شوفي لحـــالـــه حــالـــته ينبكيله

ان كـــان ودكِ بسّــــوالف وتنساب = الروح مـــن كـــــل السوالف عليله

عندي ســواليفٍ بــهــا حب شياب = من عهد جـــدانـكِ وجــــدي وجيله

ون كـــان ودكِ بالقصايد ترى طاب = ليلٍ علــــى كــل القـــصـايد جزيله

يابنت ردي يابـــــعــد كل الأحباب = قولي احبك !!!!!! ادري مزحه ثقيله

جيـــت اكتتب والله مــــــانيب لعّاب = جــيت اكتتب مع ذا الوجيه الفضيله

المعـذره يالراجحي كـان لي كتاب = اهدوه صــاحب طــــرف عينٍ كحيله

ابنسحب وش جـــابــنـي للعنا جاب = ابنسحب تـــراهـــا خـيــــر الوسيله

حصيلتي قلـــبٍ جــــــريحٍ ومرتاب = وامــرٍ علـــى قلبي استدامه قليله

ان كان فيكم خير سواه ((ينساب)) = ماظـــن خـيـــره يـابشر جابنيله[/poem]