[الوضاح]

اشكر الجميع على تناولهم هالموضوع الهام جدا جدا جدا ... وخصوصاً حين ترى شباب في مراحل الثانوية والمتوسطة

تمارس هذه العادة السيئة .. ولا يبالون ولا يستحون من فعل ذلك ...

يااخوان والله انتشرت العادة هذي هالايام انتشاار مرعب .. حتى تكاد تقوول أن 99% من الشعب السعودي يدخن .. مبالغة

ولكن هل تتوقعون أن المدخن لا يعرف اضراره الصحية ومايحتويه هالسم الهاري .. من مركبات وغازات سامة .. ؟؟؟

لا والله يعرفون ويمكن أكثر مني ومنك .. لكن الاقلاع عن التدخين ليس مجرد مبتدأ ( الإقلاع ) وحرف جر ( عن ) واسم مجرور ( التدخين ) ..

المشكلة الادمان .. ويمكن جل المدخنين أو أغلبهم يبي يقلع عن هالشر .. لكن يفتقد العزيمة والإصرار والأخذ بيده ومعاونته ..

تعالوووا شوفوا العائلة إذا اكتشفت مثلا أن ابنها يدخن .. وش يا ترى ردة الفعل .. أكيد مليووون بالمية ( طرد ، حرمان ، اضطهاد ، شتم ، دعاوي اخر الليل ، وعلى هالمنوال .. )

وهذا خطأ كبير ولا تلام الاسر في ذلك .. لأنها نظرة المجتمع ككل للمدخن ..

خذ علي سبيل المثال .. ( فلان الله يصيبه فوق زيقارته ذيك غدا كما المدخنة ،، والله الادمي هذا ماخير ووسخ وقليل حيا زقارة في طيز زقارة (( عفوا على الجرأة )) ،، ومن الشتيمة والسباب الشيء الكثير )

يا اخوان - مع احترامي للجميع - المدخن ما يحتاج الدش والكلام الكثير والأضرار والفتاوى والمكونات و..و..و... !!

يحتاج منا كلنا أن نقف معه لأن هذا ابتلاء من الله سبحانه .. يحتاج الاخذ بيده .. نفسياً وجسدياً .. لا نكرهه لذاته نكره البلاء اللي يشربه ..

مساندته نفسياً .. مهمة جدا يالربع ..

يحتاج المدخن طرق الاقلاع النفسية والعضوية .. كيف يترك التدخين بالتفصيل .. ؟؟ ..

صدقوني يا اخوان لو وقفنا كلنا مع المدخنين وقفة مساندة ومحبة وأخووة .. صدقوني أن الغالبية راح تتركه ..

تبقى وجهة نظر .. وننتظر الخطوات الجدية الفاعلة في ذلك ..

تقبلوا تحياتي وتقديري خصوصا للاخ ابراهيم السعدي .. وعذراً على الإطالة

أخوكمـ المحبـ .. الوضاحـ