ماجاء على بالي خطاك إنت بالذات
لاتعتــــــــــذر كافي يجي منك أكثر
::
مات الغـــــرام اللي لك بداخلي مات
ماعــد ينفعك العذر لو تعــــــــذر
::
ماأقدر خلاص أتحمل اليوم غلطات
ماأكذب عليك أنا بديت أتغيــــــــــر
::
بسكات أنا جيتك وأبروح بسكات
أببتـعد وأقول هذا مقـــــدر
::
قصرت وسواتك معي ماهي سواة
هذا مع إني فيك ما كنت أقصر
::
طوفت لك مرة ومرة ومرات
صبرت بس اليـوم ماأظني أصبر
::
واليوم أنا نادم على كل ما فات
لا تعتذر ما دام عذرك تأخر
::
هذا جزاي أعطي ولا أقول لك هات
أنا اللي أستاهل يجي منك أكثــــــــــــر...