آلسلام عليكم . .
قصه اع ـجبتني وحبيت انقلها لــكم . .
\
/
في عام ألف وأربع مئة ومدري كم
كان هناك رجلا ً يدعى ( سعود )
هذا السـعود سعيد الحظ ( وأشك في ذلك حاليا ً ) ، ملتزم بشؤون بيـته ومحافظ على تقاليده الأسرية الجميلة والمتينة
إحدى عاداته وتقاليده
أنه يتجه كل صبيحة جمـعة إلى سوق ( الغنم ) لشراء زاد أهله الأسبوعي
ويفضل غالبا ً التـيوس !
كذلك من سمات سعود أنه شخص كريم ، حاتميّ الترحيب ، إلا أنه لا يستسيغ الغـرباء أوليّ الإبتسامة الصفراء ، المتسكعين غالبا ً على أرصفة الطرقات
لذا إن رأهم يكتفي أن يجاملهم بإبتسامة عابرة من مبدأ ( إن ما نفعت ما ضرّت )
في الطرف الآخر أو في طرف الرصيف القابع في قريته يوجد ثلاثة أشخاص يكنون لـسعود زخما ً من الكره ،
والزخم هنا كما يقول لسان العرب ( زخم : الزخمـة : الرائحة الكريهة )
فهـم يحسدونه على النعمة التي أكرمه الله بها
وهم يريدون أن يحطموا عاداته وتقاليده قبل جدار بيته !
كل ذلك حتى ( يتبـع ملتهم ) !
ويكون فقـيرا ً ، عائلا ً ، على قارعة الطريق
هؤلاء الثلاثة
أعياهم الجوع ، وأنهكهم التعب ، ولا يملكون من المال ما يوفر لـهم قوت يومهم
أولهم وهو كبيرهم رغم صغر سنه يدعى ( سامي ) وفي رواية ( العم سام )
زعيم عصابتهم ، ماهر في النشل والسـرقة ، ومتميز في التخطيط لعمليات السطو المسلـح الذي يسبقه تبريرات تقنع أصحاب القرية أحيانا ً ، واحيانا ً ( الشق أكبر من الرقعة )
ثاني أطراف العصابة يدعى ( بـرجس ) ويدلعونه ( بـريجـيس ) وفي رواية ( بريتش )
يملك بلاغة ً في ( الحكي ) وله سطوة لسان لا يجرؤ أحدا ً على مجابهتها
علاوة ً على أنه ضليع في السرقة وكان الزعيم الأسبق للعصابة لتاريخه الحافل في ذلك لكن ( سامي ) أستلم زمام العصابة بعدما فشلت بعض عمليات برجس الليلية
ثالث الأطراف يدعـى ( فــِـراس ) أو ( ابو عيون زرقـاء )
أحيانا ً يظنون أهل القرية أنه رجل كويس ، وذلك لأن هندامه الجميل الذي يشبه الأناقة الفرنسية في عصرنا توحي لهم أنه لا يعيش على الأرصفة أبدا ً
ولو علموا ما يفعله خلف أسوار قريتهم لـ تراجعوا عن ظنهم
أجتمعوا الثلاثة ( سامي ، برجس ، فـِـراس )
في ساحة سوق الغنم صباح الجمعة ( حسب طلب فـِـراس )
قائلا ً لهم ( يمكن يشوفنا أحد من أهل القرية ويشتري له ذبيحة ونسلم عليه ، وأكيد راح يعزمنا عليها ) !
فعـلوا مثل ما أقترح عليهم فـِراس ، لكن أهل القرية لم يعزموا احدا ً منهم !
في هذا الوقت تضجّر ( برجس ) وقال لهم
( أنا قايل لكم هذه القرية مافيها خير ، خلونا بس نخربها ونهجم ونسرق مثل أول ونتقاسم بيننا القرية ! مو نتهاوش في ما بيننا ونخسر مثل ما صار قبل ! )
رد سامي
( أنت يالأفدغ تبي تضيعنا وتطردنا برا القرية !
ما ضيّعنا الا أنت وسواياك اللي قبل !
بس ماعليه لقيت فكره ! )
وبحماس قالوا وش هي !
قال أنتم خابرين سعود !
قالوا أيه !
قال شوفوا تراه كل جمعه يجي للسوق ويشتري تيس !
واول مايشتري التيس ويرجع لبيته
تقابله أنت يا فراس وتسلم عليه وتوسوس له ان اللي معه كلب و مو تيس !
يعني تستغرب انه يشتري كلب !
ثم تروح وتتركه
ثم يجي دورك يا برجس وتسوي نفس الطريقة
والأخيره خلوها علي ّ
قالوا يعني ( نظام وسوسه )
قال لا يالفدغان هذا يسمونه ( الغزو الفكـري ) شعرفكم أنتم يالله أطلعوا من السوق قبل لا يجي !
وبعد ذلك أتى سعود للسوق ( ويحلفون انه ما قرأ اذكار الصباح )
أشترى تـيسا ً ( إنما أيه )
وأتجه لبيته وهو ينـشد
أنا سعود اللي من عقل وافي
************* منــوة كحــيل العيــن ودقــيّــق العـــود
الغــير ينقـص وآنا كامل وضــافي
************* وآقــول ( ارفع راسك اليوم يا ســـعـــود )
وبينما هو ينشد إذا بـ فراس يخرج عليه من بين أزقة القرية
قائلا ً
السلام عليكم ياسعود ! اليوم اشوفك طربان
رد سعود
وعليكم السلام !
انا دوم طربان
فراس : عساه دوم ! بس ماخبرت احد يطرب ومعه كلب !
سعود : وش تقول أنت !
فراس : تجر لك كلب وتغني ! والله ما خبرتك كذا ياسعود !
يلقت سعود في هذه اللحظه ويرى تيسه ويقول لا هذا تيس !
يرد فراس : الله يستر عليك شكلك مضيع
المهم مع السلامة !
وقف سعود في مكانه متئملا ً تيسه !
ويردد في نفسه ! شكل فراس مضيع الطاسه !
ثم أكمل سعود مسيرته وهو ينشد البيتين اعلاه
وبعد فترة ليست بالطويلة يخرج عليه برجس ( أبو لسان طويل )
قائلا ً السلام عليكم وين الغيبات ياسعود !
سعود : وعليكم السلام ابد مشاغل الدنيا
برجس : أي والله الدنيا تسوي كثير !
ولا أنت يا سعود تربي كلاب ! وين المعاهدات الدولية قصدي معاهدات القرية في عدم تربية الكلاب !
سعود : أي كلاب انت علامك !
برجس : وذا اللي قدامك وش هو !
سعود : تيس
ضحك برجس بعنف ويقال أن ضحكته ( هق هق هق ) وليست ( ههههههههه )
هذا يسمونه الشيزوفرينيا !
سعود : وش هالشيزريرينا << يقولها مرتبكا ً ومتلعثما ً وبالع نص الكلام
برجس : هذا شيء يجي مخ الإنسان يخليه يشوف الشيء ويحسبه شيء ثاني
تدري انا بروح ذبحتني بالضحك الله يقطع بليسك !
وقف سعود متسمرا ً مكانه وهو ينتف شعر لحيته شعره شعره ويقول في صدره ( كلب ، لا مو كلب ، كلب ، لا مو كلب )
ثم بدا يجر تيســه وهو على هذه الحال
وحينما قرب من عتبة بيته خرج عليه سامي !
مقطب الجبين ، ونظراته حادة ،ويتمتم بكلام في صدره
قال سعود : وش فيك تناظرني كذا !
قال سامي : مدري وش اقول لك ، اسأل الرب أن يهديك ،
سعود : لحظه وين رايح وراك تقول كذا
سامي : لا ولا شيء
سعود : طيب انا ابي اسألك امانه هذا وش ( تيس ولا كلب )
سامي : هذا كلب اقول فكه لا احد يشوفك ثم قسم يقولون مربي كلاب !
وخصوصا ً اهل بيتك لا شافوك تجر كلب والله ليصكون عليك الباب ويسوون حرب أهلية قصدي عصيان مدني
هنا فك سعود بـغباء تيــسه ودخل بيته وهو يقول ( شيزرينيا )
وأخذ حينها سامي التيس
واتجه لأحد الأودية القربية من القرية وتعشا عليه مع بقية الأصدقاء
برجس وفـراس
ويقال كان افضل عشاء تعشوه في ذلك الزمن
السؤال . .
كم سعود يوجد في مجتمعنا !
والسؤال الأهم . .
\
كم تيسا ً فقدنا ؟
آرج ـوا ان تـح ـوز ع ـلى رضاكـم
مـــ ع خالص ودي ’