[حسين المعنى]

قال المعنى وفد الاشواق ساقته
سوق القدم للي مضيع لناقته
توحدت بي وانهكت كامل الجسد
لكل ديره جمع الافكار باقته
اجي على المشراف واخيل الدير
والقلب ماحصلت في دار فاقته
حضي بلاني به وانا مبتلش معه
حملني وحملت له فوق طاقته
مايعشق السهله ولا يترك النشب
يبغي على كيفه يكون علاقته
ابى يهون عن مراده ورغبته
ماينفتح بابه لغيره وطاقته
اقول بالله استمعلي وطيعني
روحي من اسبابك عنا الوقت ذاقته
انته مطولها والايام جاريه
صبرن بلا منتوج مبغي رفاقته
عمري تناصف وانت صبرك مطولي
ماكل واحد يهدي الود باقته
بغى يكسر لي ضلوعي من الزعل
واعود اهدي له ابشئ راقته
هدى وانا ولعت واقول لا متى
ابقى لحالي منه وشلون شاقته
وهي عليه ابعد من الارض لسما
الله واكبر كيف لو كان لاقت
وش عاد يسوي في بين الخلايقي
اضن يتلف للعمر من حماقته
بصبر على شانه وبتحمل الشقا
الين من فوقه تحول طباقته
والله يعين الروح فيما ورطت به
والله يجيب اللي تجمل صداقته