[احمد صعمود]

/

/

/

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشظايـا بقلبـي نارهـا مضرمـه=والحنايا بصـدري كنهـا موقـدي
كلما طاب جرحي والامـل لملمـه=بالجديد الغليظ المر يشـرق غـدي
انهكتني صحاري ليلتـي المظلمـه=والعواصف مثيره ماعرفت اهتـدي
سيفي ابطى بغمده والصـدا ثلمـه=والخوي في زمنـا عـاد مايسنـدي
وانا بعض البشر طبعه عجزت افهمه=كلما لاح نجمن صـار بـه يقتـدي
الحيا مات غـدر بطعنـة العولمـه=والضماير اسيـره مالهـا مفتـدي
صارت البنت تغري الشاب وترقّمه=بين بوسه وهمسه ليلهـا سرمـدي
ساليه في هواهـا مغرمـه مفعمه=خل يهوى خليله والبسـاط احمـدي
من ينادي بثو ب الطهـر للمسلمـه=عند بعض العرب مرضان ومعقدي
بعضنا بات جايـع مالقـا مطعمـه=والمنقط في البارات شهم اجـودي
الليالي حمـر وراوحهـم مفعمـه=لم ينغص عليهـم صفوهـا معتـدي
غنو اهل الترف والعشق والشرذمه=للكرسمس وعيد الحـب والمولـدي
بيننا احيو طقوس الامـه المعجمـه=وعيدنا ماطرا له ذكر في المعبـدي
تاسع الحـج لبينـا امـم محرمـه=وناقص الدين طاف القبر والمرقدي
بات الاسلام تحت القهر والمظلَمه= وكل ليله مع الاحزان له موعدي
قدسنا حلمنا اللي لـم نعـد نحلمـه=صار كاس الامم هو حلمنا الاوحدي
مسرحيه هزيلـه افكارهـا معدمـه=والعيون الجريحه ملـت المشهـدي
حسبي الله على من فكرنـا سمـمه=واعلن الحسم قبل المعركـه تبتـدي
ليت لما خسرنا الحرب والملحمـه=احتفظنا بمجـد اخلاقنـا السـؤددي [/poem]

مع التقدير
.