[حسين المعنى]

الحب بلوى ماوراه الراحه
ماغيره العاشق سبب لجراحه
يعذبه يشقيه ويتعب له
يوهب له احزانه بسحب افراحه
طيرن يطير وكل من هو صاده
يرحل عنه لو ماكسر لجناحه
ياوجد روحي وجد من يسمع به
ينسى مراده بالعمر واطماحه
وجد الذي شيب وروح جهده
وهو من اول ضلع من نطاحه
عقيد قومن من يوقف قبله
لو هو شدا من بعد بيده زاحه
من شدت عود لضعفه محزن
نسم الهوى لاهب حوله طاحه
لطاح من كبره وقابل خصمه
اخذ سلاحه واعدمه باسلاحه
على حبيبن خذ جميع افكاري
والقلب قفل له وخذ مفتاحه
انا اشهدني بالفعل حبيته
حبي ورب البيت لرض الباحه
لنه مزاجي والمنى والذوقي
ضاهره روحي صدق له مرتاحه
واللي تخفا ماقدرت آفسره
الا بشين داهمتني اشباحه
يقطع وياصلني على رغباته
يكلني اليمون والتفاحه
احيان يجلسني بصدر المجلس
واحيان يجلسني بوسط الساحه
واحيان ادق الباب مايفتح لي
واحيان يفتح ريحته فواحه
بالحب والاشواق مستنضرني
يضمني واللي بجوفي صاحه
واحيان نتهرج بهرج اهل الحب
وحيان كنا في قناة الساحه
واحيان يتهرج معايه بالجد
واحيان هرج العالم المزاحه
واحيان يحزني ليامن جاني
واحيان يسعد خاطري مرواحه
تعبت من كثر التحمل والصبر
ماغيره اللي من فوادي باحه
دامه يبي الفرقا ويتمناها
جعله يعود يشتكي ذباحه
واقول مات الحب وانت اسبابه
كلن يحسب ماخسر وارباحه
مع السلامه عايش اللي غرك
الوقت ربي وكله مساحه