[ابو سلطان333]

هذه القصيدة في رثاء عمي ( عوض بن احمد الجميل ) يرحمه الله من أعيان قرية بني سار والذي توفاه الله في ليلة الجمعة 26 / 5 / 1428 هـ 0 أسأل الله أن يتغمده بواسع رحمته وأن يلهمنا الصبر والسلوان .
وانا لله وانا إليه راجعون

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=1 align=center use=ex num="0,#400000"]

الله من قلبٌ به الجرح ما طاب =في كل عام يمر تلقاه محزون
على رجالٌ فارقوا كل الاحباب = من فقدهم والقلب كونٌ على كون
لا عاد يومٌ ما حسبنا له حساب =فيه الخبر جانا مؤكد ومضمون
قالوا ترى عمك رحل قلت الاسباب =قالوا مقدر جاه والرب ممنون
هليت دمعٌ كنه السيل صبّاب = (بيّحت من كثر البكا كل مكنون)
يا وجد روحي وجد مكسور ما طاب =خلوه ربعه وابعدوا عنه يمشون
عليك يا من سيرته كل ترحاب = للضيف والعاني تراحيب وصحون
وعِزاه يا صقرٌ نزل راس مرقاب =والصقر في حب المراقيب مفتون
الّلي غدا لاهل الشيم باب وزهاب =في صحبته تسعد وترتاح وتمُون
تلقاه في كل المطاليب ما غاب =يصبر على الزلات لو كان مطعون
نبكي عليه صغار وكبار واجناب =والشعب كله لو دروا عنه يبكون
يوم العزا شفنا طوابير واسراب =كم واحدُ يذكره والقلب مغبون
يا عيد مالك طعم والدمع غلاب =عيد بلا عمي تناهيد وحزون
العام بين أهله وربعه والاصحاب =واليوم في وسط الثرى صار مدفون
عساه في الجنة وسيعات الابواب =في خيمة ٌبيضا بها كل مزيون
وصلاة ربي عد يونس والاحزاب =على النبي الهاشمي سيّد الكون[/poem]أبو سلطان : ( صالح بن عبدالرحمن الجميل)

في : 10 / 10 / 1428 هـ