اكواب الجليد
اكواب الجليد
ياغلى من عيوني ومن نبض الوريد
ياراحتي من بعد مشوار العنا والبهذله
ياقصة ماتنتهي ياضحكة الطفل السعيد
ياسيرة الحب الجميل من غير اية معظله
ابعتذر عن كل شي ان كان عذري لك يفيد
وان ماعذرتيني ترين هذي اكبر مشكله
البارحه ماردني غير التعب وحمل الحديد
واللي شغلني عنك شيا جوف صدري احمله
ثارت همومي في الخفايا والمشاكل من جديد
وانهد حلما في عيوني كم تمنيت أوصله
ماضمت ايدي في غيابك غير اكواب الجليد
ولاحضن صدري سوى جمر الفراق ومشعله
ولعت في صدري ضلوعي واصبحت مثل الجريد
لين استوى من نار شوقي لك خفوق و مقتله
تبغين اقولك عن حياتي لافقدت اللي اريد
والله اني كلما غبتي اعيش بمشكله
يابنت احبك حب يسري في مسارات الوريد
يمشي مع دمي وسري في العروق وتحمله
من كثر ما أحبك احس اني انولدت من الجديد
واشوف حبك في عيوني حلم لازم توصله
ـــــــــــــــــــــــــــــــــــــ
|