[طوق الياسمين]

[ALIGN=CENTER][TABLETEXT="width:70%;"][CELL="filter:;"][ALIGN=center]


مرحبا يابنات ..

عندي قوالب السيلكون واحترت في الحشوات .. دخلت منتديات كثير ولقيتهم طايحين في حشوة بسكوت الاوريو مع الكيري وحليب نستله ، عاد نبغى نخلي هالمتصفح للتجارب انتوا اعطوني اختراعاتكم وانا باجرب واللي تطلع حشوتها مب مضبوطة باعطيها بالطاسة على راسها واللي تطلع حشوتها اوكي بنصفق لها

شوفوا الصورة ..




المتوفر عندي الآن 3 اصابع زبدة وثلاث باكيتات شوكولاته خام (ابيض وغامق وفاتح)
علبة شوكولاته تشبه النوتيلا كوكتيل ابيض وغامق
كرتون بسكوت اولكر ، كيك جاهز ، مارشملّو ، 3 علب قشطة ، علبة حليب مركز
باكيت كيري ، 4 اصابع فليك ، كيسين مالتيزرز
وفي خلف الكواليس واللي امتنعوا عن التصوير لاسباب مجهولة
جوز هند وبسكوت اوريو وحليب بودرة واشياء اخرى



الطريقة اللي ابغاها ..
الخطوة الأولى :
راح اذوّب الشوكليت الخام بالماكرويف وادهن فيها قوالب السيلكون اسفل القالب وجدرانه
الخطوة الثانية :
ندخل القوالب للفريزر حتى تجمد الشوكليت
الخطوة الثالثة :
راح نختار نوع او نوعين وحتى ثلاثة انواع من الحشوات المتناسقة في الطعم ونحشي فيها القالب بعد تجمد الشوكليت ونغلقه من اعلى بالشوكليت المذوبة
مثال :
بعد ماندهن القالب بالشوكليت نحشيها بكرات المارشملّو وشوكولاتة النوتيلاّ
أو
نحشيها بخلطة الحليب المركز مع الكيري ونحط بداخلها كرات المالتيزرز ... الخ



بليز بنات اللي عارفة حشوة مضمونة تعطينا اياها ونستفيد منها ونتبادل تجارب حلوة بالحشوات حتى لو كانت مقاديرالحشوة مو موجوده بالصورة نوفرها من البقالة في غضون خمس دقايق بالتوصيل >>



ياللا .. عساكم عالقوة ومنتظرة تفاعلكم




ملاحظه /



اكيد كلنا نعرف أن قوالب السيلكون مسوية ضجة بالمطبخ هالايام لأنها بالنهاية يطلع شكل القالب مثل الحلويات الجاهزة
جميلة جدا في التقديم ونقدر نتفنن بالحشوات على حسب اذواقنا ونقدر بعد ندخلها الفرن ونصنع فيها كيك أو تشيز كيك أو اي نوع من الحلى سواء كان طبقة أو عدة طبقات ..
فما اقول إلا الله يكثر من امثاله هاللي اخترع القوالب ويعافيه ويعفي عنه [/ALIGN][/CELL][/TABLETEXT][/ALIGN]