المشاركة الأصلية كتبت بواسطة انا السليمي
يالله وياسلام على التكيه الحجازيه الحلوه مع الحفيده وجدتها . بعدينا يابت بقولك شغلانه انتي بتقولي انيس منصور هوا عدو الانثي والراجل بينحت ويعيَط كل يوم وليله عند قبر امه فهو بكل الاحوال اكيد ذهبت عداوته للانثى والكل منا يعرف منى الانثى وهي الام والاخت والزوجه والبنت . بعدين ياسلام على ايام الحاره والذكريات الحلوه واللمه مع عيال حارتنا ونلعب ونشتري البليله والبطاطس وندخل بيت الجيران وكاننا واحد من اولادهم ونتفرج على التلفاز وماخذين راحتنا وحتى جارتنا تهاوشني اذا غلطت وتضربني والشي هذا عادي ولما اروح البيت الوالده برضو تضربني تقولي ليش غلطت في بيت خالتك الله على الزمان الحلو واليوم لو اي وحده تضرب ولد جارتها انقلبت الدنيا هواش بين الكبار . وياساتر يمكن توصل لمركز الشرطه . اختي شذى لازلت اتابع تكيتنا بكل هدؤء وتامل واحيانا انشغل بالقرءه ولا يسعفني الوقت لاكتب شي ولكن الاستفاده الحلوه والذكريات القديمه هي الاهم ويعجبني في مواضيعك اختي شذى لانها تتكون من عدة مواضيع وعدة محاور .ومايميز مواضيعك ان لها بداية وفي هذي البدايه حكم وامثال وفوائد كثيره حتى ينتهي الموضوع . كل شكري وتقديري لجهودك الرائعه والمميزه .