[ابن روزه]

الشاعر علي الخزمري



اول غياب يهزني واعترف له
وابوح له بالخافي اللي فضحني
غياب!!! لو سرّ القدر ينكشف له
يعلم دروب الرجا وش ذبحني
ارجيه وادري ان الزمن ما وقف له
ابكيه وبدمع العنا لو جرحني
لو هو غصب قمت انحني واعتكف له
ولو هو رضا.. خسران لو ماربحني
يا اول غياب!!... السالفه عين طفله
تعزف حسايف من تعابير لحني
"وا لوعتي من زائرٍ مرّ غفله"
وصوب رماح الغدر وارتمحني
حرمان والحرمان ما ينوصف له
حالي.. وفوق الوصف لو هو لمحني
يا اول غياب.. الوقت محدٍ عرف له
سمح لي ارقى لين هاج وطرحني
ويا طفلتي...تسوين لي الف طفله
ماعاد يعني لو غيابه جرحني