[عفص بن الحارث]

السلام عليكم جميعاً كيف حالكم طيبين

كلنا طبعاً تعوّد على توقيت الـ 12 ساعه

والمشكله انه صارت اكثر القنوات تعرض برامجها بتوقيت الـ 24 ساعه ,, وانا بصراحه توقيت الـ 24 ساعه يحوسني لكن الحمدلله طلع الموضوع اسهل من كذا ان شاء الله ..وحصلت له طريقه تفكنا من التشتيت شوي

أولاً توقيت الـ 24 ساعه ... بتوقيت السعوديّه من الساعه 13 إلى الساعه 20 ,, عشان مانلخبطكم


مثلاً جا برنامج و كتبو ان وقت عرض البرنامج الساعه 15:00 بتوقيت مكه المكرمه معناته البرنامج الساعه 3:00 العصر ... كيف اعرف؟؟ الموضوع سهل

مثلاً الساعه 15 تتكون من رقمين آحاد و عشرات اللي هي 5 و 10 اللي يهمنا الآحاد رقم 5 , العشرات ماتهمنا ,
نجي ناخذ رقم الآحاد اللي هو 5 و ننقص منه -2 .,,,. 5 - 2 تطلع النتيجه 3 وهذا هو وقت البرنامج بنظام توقيت الـ12 ساعه المعتااااد ..

الآن نستخدم الطريقه هذي مع الارقام من 13 إلى الرقم 20 .. ناخذ الآحاد فقط وننقص منه اثنين -2
بإختصار الآحاد -2

انا بكتب لكم جميع الساعات من الساعه 13 إلى الساعه 20 عشان يصير الموضوع واضح معكم اكثر
الساعه 14 = 4 - 2 = 2 ظهراً .......... الساعه 15 = 5 - 2 = 3 عصراً
الساعه 16 = 6 - 2 = 4 عصراً ......... الساعه 17 = 7 - 2 = 5 عصراً
الساعه 18 = 8 - 2 = 6 المغرب ........ الساعه 19 = 9 - 2 = 7 المغرب
الساعه 20 = 10 - 2 = 8 العشاء ...... << الصفر يحل مكانه العشره



ثانياً توقيت الـ 24 ساعه ... بتوقيت جرينتش من الساعه 13 إلى الساعه 20 ,, وتحويله لتوقيت مكه بنفس الوقت
المعروف ان توقيت مكه المكرمه هو +3 يزيد بثلاث ساعات عن توقيت جرينتش


مثلاً جا برنامج و كتبو ان وقت عرض البرنامج الساعه 17:00 بتوقيت جرينتش معناته البرنامج الساعه 8:00 العشاء بتوقيت السعوديه ... كيف؟؟ الموضوع سهل نفس الشي

طبعاً لأن توقيت السعوديه أو توقيت مكه المكرمه يزيد عن جرينتش +3 بثلاث ساعات وكنا من أول ننقص -2 على أي رقم من 13 إلى 20 هنا لما أزيد فارق التوقيت اللي هو +3 و انقص منه -2 ساعتين لظبط توقيت الإثنين يبقى معنى +1 ساعه زياده


وعلى أساسه أي ساعه من الساعه 13 إلى الساعه 20 الي هو مكون من رقمين آحاد و عشرات
ناخذ الرقم الأول ونزيد عليه +1
بإختصار جرينتش = أول رقم +1

وهذا هو المثال مع كل الساعات بتوقيت جرينتش ومعرفتها مباشره بتوقيت مكه المكرمه

الساعه 13 = 3 + 1 = 4 عصراً ........ الساعه 14 = 4 + 1 = 5 عصراً
الساعه 15 = 5 + 1 = 6 المغرب ....... الساعه 16 = 6 + 1 = 7 المغرب
الساعه 17 = 7 + 1 = 8 العشاء ........ الساعه 18 = 8 + 1 = 9 العشاء
الساعه 19 = 9 + 1 = 10 المساء ...... الساعه 20 = 10 + 1 = 11 المساء

هذا بالنسبه لتوقيت جرينتش من 13 إلى 20 مع تحويله لتوقيت مكه المكرمه



وفي حال حبينا نبسطها ونحفظها بسرعه من الساعه 13 إلى الساعه 20
بتوقيت مكه المكرمه : أول رقم -2
بتوقيت جرينتش : أول رقم + 1


لاتنسون هذا من الساعه 13 إلى الساعه 20 لايجي واحد يحطها على الساعه 22 ويقول حاسنا


وشكراً يعطيكم العاافيه