[فيصل فيصلي]

وفقكم الله جميعا ومشكورين على هذه الاضافات القيمة


والله يذكرك بالخير يالمفضلي...ذكرتنا بالحقينة..وهي بالفعل لبن حقيقي فيه كل فوائد اللبن.. ماهو لبن العلب اللي أساسه عبارة عن بودرة مصنعة
وبالمناسبة..شاهدت برنامجا تحدث فيه بعض الاطباء وأخصائيي التغذية عن فوائد اللبن وزبدة كلامهم أن لبــــــــــــن الماعز هو أفضل أنواع اللبن وأكثره فائدة للانسان

وبالنسبة للانتفاع بالغنم فهذا صحيح...فالغنم بركة فهي مصدر اللحم واللبن والسمن وحتى مخلفاتها تستخدم كسماد عضوي للبلاد
وأيضا صوفها كان يستخدم لصناعة اجود واثقل انواع الملبوسات..ومنها((الجباب)) حيث كانت الجبة تصنع من الصوف وهي غاية في الثقل والمتانة...ومن يلبسها ويتحرك بها فانه كمن يمارس الرياضة مرتديا الثقالات

واما المسميات للغنم فهذا صحيح...حيث كان لها اسماء...وخصوصا الفحول ((هيه يانطاح من كثر ماسمعت عنه تمنيت لو اني انولدت قبل مولدي الفعلي بثلاثين سنة عشان الحق عليه..هههه))

واثني الترحيب بابن سعدي..ومرورك سرنا ..وفي ماقلته فائدة ولكن اغلب الناس يجهلونها خاصة الشباب
يارجل اعرف لك واحد((مدرس وعنده عيال!!!))..جوه ضيفان..فشمر عن ساعده واتجه للمجلبه جاب لهم ذبيحه
ويوم وصل للمطبخ عطاهم الذبيحة وهو يوصيهم باجادة طهي الطلي رد الحضرمي يضحك!!!!
طلع المربي الفاضل مضحوك عليه..حيث أعطاه السوداني رخله على انها طلي؟؟؟ هههههههههههه
لكن ماينلام في جده ومتعود مايضيف الا سمك

نعم ياحوران..والله انك اسم على مسمى
فالاولين على كثرة غنمهم مايعرفون اللحمه الا بالمناسبات..او عند ورود الضيفان..وحتى في هذه المناسبات عيال البيت ما يصلهم الا البقايا بعد الكبار...
والذبايح غالبا كبيرة في السن وسمينة((هذا ذوقهم زمان)) اما اليوم فما يدورون الا الصغار للذة طعمها وسهولة هضمها
ولكن لكل شي ضريبة...وضريبة توافر اللحم انك تجد شباب في منتصف العشرينات ومصابين بالنــــقرس!!!

حياك الله يانسيم..واش تالقصيدة الزينة:
ياليتني راعي غنم وأشهد الله ******** وأرعى مع الرعيان والراعي الله
رعي الغنم ماهو سهل...تلقين الراعي ينحرم من اشياء كثيرة...ويقوم قبل الشروق..والنهار كله يبلق عن قفى الغنم تشبه الشموس وتخابطبه المعاصير..هذا غير رد الغنم عن الخلاف في بلاد الناس
ومع ان للامر بعض الـــمتعه الا ان فيه الكثير من الشقاء
أما عن طريقتكن في صنع القشطة البلدي فهي غاية في الذكاء((والله يحلل بيتر على الاقل كان يشرب الحليب مباشرة ماهو مثلكن يسوي به قشطة؟؟))...
أما نحن عندما كنا نرعى الغنم فما ينولنا الا التعب...ونفكر في كل شي يخطر على البال الا ان نشرب من حليبها((بله))
كالعيس في البيداء يقتلها الضما....والماء فوق ظهورها محمول

اررررررررحب ياعساف
أما التملص فهويه وانا خوك..والله مالي في تاعك الغنم ولا شعره..وليتكم تاخذونها كلها عزير
والا اقولك...لازم تطور أساليب معاقبة الرعيان في المتنزهات...حيث تكتب على الغنم مخالفه وتدبسها جوف اذنها..مع استخدام تقنية التصوير لتحديد الغنم المخالفة..وعلى صاحبها التسديد والحذر من التكرار والا تصادر منه وتذبح وتوزع مجانا للمتنزهين