[نايف علي الزهراني]

أخوي عبدالرحمن
صح بدنك وملاحظاتك على عيني وراسي
وشرفني مرورك
القصيدة حدث فيها خطأ أثناء التنسيق
البيت الأخير :
اليأس طفى شمع الآمال وأبتدى
ظلام في دار الأماني يسودها


(يد الوقت)

أذكر ليالي جعل ربي يعودها
في ديرتن ماكل واحد يرودها
فيها الحبيب اللي له القلب مسكني
محبته بالصدق شيد عمودها
فيه الجمال اللي عن الغير يفرقه
زودن على طيبه تعدت حدودها
أهواه وأحبه ولاأبغى مفارقه
أفراح وقتي هو سبب في وجودها
أهداني الإلهام وأهدى محبته
وأهديته القيفان وأجمل ورودها
لكن دوام الحال صعبن تحققه
مادام يد الوقت تبذل جهودها
تغيرت مع جور الأيام حالتي
والهم والأحزان جتني وفودها
إلين صرت الليل ماأنام وأسهره
والعين جافت فالليالي رقودها
ياكيف أبتهنى وذا الحزن ماأنتهى
وأحلام عمري ماوفتلي وعودها
اليأس طفى شمع الآمال وأبتدى
ظلام في دار الأماني يسودها