[ماجد الزندي]

[align=center]مساكم الله بالخير .. وكل عام وانتم بخير
اول موضوع في مخيم العيد نتذكر فيها موقف او مواقف مع خروف العيد

انا بابدأ قصتي

زمان وانا صغير شفت خروف في حلقة الغنم كان اجمل خروف اشوفه في حياتي
لون عيونه خضر وفروته برنزية ومربرب .. شكله فيه عرق لبناني
المهم انا بصراحة طحت عند الخروف والوالد ( الله يرحمه ) يقول امش يا ماجد ( يوه نسيت وقلت اسمي )
المهم انحرج الوالد واشتراه مجبر اخاك لا بطل
وصلنا البيت واشوف الوالد ماسك الخروف ورايح به للحوش الثاني مع شوية الغنم اللي معانا
وانا اشوف خروفي من فئة vip وقوم اصرخ واصيح وابكي ( واترجى عيوني لاتبين له فضوحي )
وافق الوالد ينام الخروف معاي في الغرفة
والله ياخوان كنت اشربه ببسي ويشرب واعطيه بطاطس (شيبس) وياكل
يمكن وقتها كنت اطبق دعاية ( دلل خروفك مع لورباك )
المهم شوي شوي وبدأ الخروف يكبر ويسمن ما كنت اعرف ان الغريبه فيها السعرات الحراريه مرتفعة
وتطورت الصداقه بينا .. واصبحت الف به في الحارة اذا وقفت وقف واذا مشيت مشى واذا حطيت رجلي جاك يجري وراي
مشاء الله كان صديق وفي ( حمه الله ) مالكم في الطويلة وخذوا الزبده
يوم جاك العيد قرر الوالد نحر الخروف واتفق مع واحد مصري بذبحه في حوش المصري الخبل
للاسف مايتقن الذبح قطع راس الخروف كليا
وبالصدفة كان باب الحوش مفتوح وقام الخروف وطلع الشارع تخيلوا خروف بدون راس
ويصرخ في الشارع يقول ماااااااااااا ومره يصفر ومره يغني
وكل عام وانتم بخير[/align]