[حكــ حنين ــآية]

وعليكم السلام ورحمة الله وبركاته ...

حيا الله الزلزال يامرحبا هيل عد السيل ...

انا عاد اسمع بخرافت كثيره زمان ولاهو بزمان زمان كانت موجوده لاقريبا قبل عشرين سنه وانا صغيره تقول اميه ان صادنيه بكيه في احد الايام بالليل وقومت كل اهل البيت وابيت اسكت مع حد قامت جدتيه خذتنيه تنقس عليه علشان اسكت مدري تعرفون التنقيس والا لا بس انه تقوم المنقسه وتاخذ سبع حاجات اتوقع يالبان ياشي ثاني وتقوم تاخذ كل واحده وتلف به على راس الجاهل بيدها من فوق وتقول شي اضن من ضمنها قراءت الفاتحه قد علمتنيه جديه بس نسيت اذا تعرفها يبو محمد اشرحها لنا لاهنت والا استعين بجدتي وارجع اشرحها لكم اذا تبغون ...
يقولون اني بعد التنقيس سكت مدري عاد اخاف من العجبه وهم يدورون فوق راسيه سكت والا احسبهم يتلعبون معيه انبسطت وفرحت وسكت ههههههه

اما الخرافه الثانيه فتقول جدتيه الغاليه انهم كانوا يتبركون بقبر السيد واحد صالح عندهم بالقريه ومات ويغدون عند قبره ويتبركون به ويتقربون الى الله به ...

والثالثه ان الكهيل عندنا في شهر رجب يغدينه يعتمرنه ويعتبرنها مباركه في رجب زي الشيعه ذلحين ..

وبعد في رمضان كانوا لاجايو يتسحرون والقريه صغيره ومتقاربه بيوتها والمسجد قريب من بيتهم يتداعون كلهم للسحور ولاجاء ياذن المؤذن للفجر يقول اصبر يافلان باقي فلان ماتسحر خلنا ندعيه يتسحر واذن وماعليهم لاكن لين تشرق الشمس المهم ان الموذن ماياذن الا لاقالوا له اهل القيه هيه اذن ذلحين كلنا تسحرنا هههههههههههه...


وباقي الخرافات نعمة الله زمان لاتحضرني كلها الان برجع لجدتي واجي اعلمكم بالباقي ....


الله يعطيك العافيه يبو محمد على هاذا الموضوع الحلو ... تقبل مروري ...