يامل قلبن بالهواجيس مرهج
شين يقلبها وشين طواها
البارحه وانا لحالي آتفرج
شفت الذي بالجسم محدن كماها
استغفر الله يوم تضحك وتهرج
لا واعذاب الروح لا واشفاها
لو شافها البراق ساعة تغنج
صفاه يتفتت بعد مايراها
ولو شافها سيلن بوادي تثلج
كله يوقف بالوله في حزاها
والريح لامرت عليها تدوج
ماتتجه تقعد توصف حلاها
وان شافها العاقل على طول يرتج
واللي به الرجه يروح معاها
وشلون عزابي ولا قد تزوج
يخلف على من خلفه من لماها
كنه كما اللي فوق ثلج تزلج
الارض مايدري بها من سماها
جرحن توقض له وجرحن تبنج
عينن تفتحها وعين عماها
من شاف مثلي راح عمره يدوج
اللي الحلا من وجهها لا قفاها
ياليتها ترعى وحولي تدرج
واقول ديرتنا حلاك حماها
هذي السحايب فوق راسك تخرج
من شان عينك تستلذ بحياها
شجره رويه مابها اللي تخمخ
ثمارها ياسعد من هو جناها
الله يعفينا ويعفي المبرمج
كم واحدن ليله جلس في حراها
استغفر الله قبل روحي تعرج
ان ادري ان اللي حصل من خطاها
واستغفر الله كان شعري تبرج
هذي جروح الروح مدري عناها