[الراس الصغير]

[align=center]السلام عليكم واخيرا خرجت من الاستراحه حقت بنت الوادي مابغينا نخرج اعذبالله من الشيطان



قبل ما اتهرج وش رايك في لون خطي انا اخترته لانه يعبر عن الماضي




جيت هنيه افزع افزع وافزع واتفطن ورايه قلت لا يكون أحد يطردنيه



شفت عنوان الموضوع بعد كرت الدعوه الذي وصلني من نسيم السروات ( الله مخرطنيه لا كرت دعوه ولزنه هههههه

الا باعلم هويه. ترا نسيم السروات جايت عندنا في الاستراحه تقول تعالوا هنيه شي درجه وفرجه وانفرق وانت زيدي هههههه
هذي اللي كنت احفظه من الماضي

وقعدت جوف مجلس بنت الوادي تقول انا دخيلك تعاله وانا والله ما قدرت ارفض لها طلبن

وماهب من عوايديه اني ارفض طلب اي واحد كان

ومادريت الا ولاونيه قعدت اتعجب من هذي الصبيه ومن هروجها والله لكشرت فيها وفي معارفها

وانها تسوى عشر رجال من هرج وحرفنه في الكلام وما هب بعيده لو اقول انها ماشي كماه بين الغلايم كلهنه .

ها اما ذاحين باقول اللي عندي

ما اطول عليكم في الهروج لان راسي صغيرن وما يتحمل اني اجلس اهذري



الحاصل يا حباني اني كنت مربوط في الاستراحه وكان فيه موضوع لبنت الوادي الله يحفظها . واسم موضوعها كح كح تهرجوا . ( يا بنت الوادي ترا عذي دعايه لموضوعك ابغى الفلوس كاش لا تنسين الاتعاب حقتي



اتعابي تجيبين لي كيس بوسن وعدد اربع كراتين صلصه وبس ابغي اسوي فريقه


الله يازمن الفريقة كان لها طعم تعرفون الفريقة مافيها كلام .



ويوم انيه خرجت وبعد ما فك قيدي هاوي زهران لانه له نهارين جوف الغرفه يحاول يفك الحبل الذي ربطتنيه به بنت الوادي

ها انا هنيه جيت افزع حتى ما امدانيه اكوي الثوب والعمامه الكريشيه وشكلها معفطه بس اسمحونا كانت تحت الوساده .

لان زمان اول ماكان عندنا مكوى لكوي اللبس واذا بغينا نكوي الثوب والعمامه نحطها تحت اكبر وساده في المجلس ونخليها من الليل الين الصباح هههههههه مااحلها تيك الأيام .


وش رايكم في الحركه جديده عليكم صح .

ماقد سويتموها وخاصة ليلة العيد ؟

آآآآآآآييه يا زمن

انا محنقن فوق تذكرت الماضي

امهم وين وصلت انا ان الكلام شعبن على قولت شيباننا .


ايه تذكرت فيوم اني جيت بثوبيه وعمامتيه الكريشيه في هذا المكان لكي اقول :-


بسم الله الرحمن الرحيم


اولا اشكرك اختي على الموضوع النادر والذي يشرح الصدر بذكريات الماضي .وكان


والماضي على اسمه ماضي ومضى
لو كان الماضي يعود كان صار علوم


لو نتذكر قل ما صار في ماضينا لبكينا على السنين اللي مضوا وراحوا وعلى الشقى الذي كان وما احلى شقاه.

ذكريات الماضي واحداثها كثيره والحقيقه كل واحد لديه كم هائل من القصص والذكريات الجميلة بس مالها الا نجزئها ونكتب كل يوم ماذا كنا نفعل وما احداث حياتنا التي مرت علينا .


انا لست قحمن هنا بين الاعضاء ولكن هناك قحمان وكهيل يستطيعون ان يتحفونا بما عندهم من الماضي

اللي عندي سوف اسرده هنا بقدر ما استطيع من قوة ومن رباط الخيل ( وشهو حرب يا الاخ ؟


لا اقصد انني سوف اكتب بما كنت اعيشه قبل 40 سنه


ترا لحقت على الحرث والصرام والدياس ونقل الرفه الى السفل وكانت هذي الاخيره متعبه جهدا جهدا

واخس شي اذا انتهوا من الدياس وجمعوا الرفه وقالوا يلا ايها العبد اللعين اكرف ههههههه

انقلوا الرفه الى السفول ( مخزن استراتيجي لجمع العلف وتستخدم الرفه للهوش والغنم وقت الشتاء واحيانا يدلعون الغنم وياهبون لها شوية رفه بعد ماترعى من الوادي . الغنم ماتشبع

لان الغنم يرعى في الوادي واذا جاء ذاك الشتاء والهطيل والبرد القارص والضريبه التي تخطه فيجي دور الرفه ههههه

نقدما حساء للغنم مع صحن ماء

فهمتوا يا حباني


سوف نعبي لك هذي الصفحه من ماضينا لا تستعجلين باقي تشوفين العجب


ها ذلحين بدا راسي يحوم بيه

بغدي اتفاول [/align]