قصيدة (لعب نسوان)
على القارئ أن يقرأها بلهجة العـامّـة
؛
قدّام كنا نشيل الشغل مالصبح لـــ الليل
ولا يكون بيجينا كسوة من غير طِـلبه
يوذن الفجر وانحن في جبال عنيّـه
ونجلب الماء من الأبيار وعلى السواني
نصرم ونحصد وياكثر التعب والشقاوة
وفوق هذا بعد تعبه وياجي هراوة
والليل مانرقده من همّ بكره وبعده
والصفه الاوله صالت عصور عنيه
يالله تعاوض في الجنات روضه هنيه
واليوم وش تشتكين يابنت والا تضيقين
ولاعاد الا رقاد لين تجي الساعه وحده
تقوم عن الدجاجه والبصل والطماطم
مانسمع الا الزفير والنفخ جوف المطابخ
من ضيقها كسرت كل الصحون والمواعين
ولارحم والديه يجيبها من المحلات
الناس متريحين واما انا شدّوا عليّـه
يجيب شغاله والا يقتضي مالمطاعم
ماني بشغاله لأخوانه ولأمه ولابوه
ولابدى زوجها مالباب ماتلتفت له
يقول وش زعلك يازهرتي والسعاده
يقول وش تطلبين يالهيل وانحن نجيبه
تقول حلني عن اخوانك وعن كهلة الجن
يقول هيه ابشري لكنّ هات ابتسامه
تبسمت له وهو يبكي وعصر عيونه
من حزنها جوف قلبه واكثر الضيق على امه
قالت تغدى وهيه ننزل السوق عصرا
خل العصر هو ويالمغرب جماعه وقصرا
وتندر السوق قدامه وهو عن قفاها
تقول خذ لي شريط واستاد فوقه مجله
تقول حاسب وباقي مطلبي عصر بكره
وترجع في البيت تقرأ في المجلة وتسمر
تقول رح جيب عشاء اسماك ودجاج مشوي
يقول ماعاد معي في المحفظة الا ريالين
تقول تدين من اصحابك وخذ واعط معهم
والا اطلب امك وقول يايمه انحن نحبك
ويروح يجيب العشاء سرقه يدسه عن امه
وهي تسجل مطاليب الفرح والعزايم
ولاسرحت العمل في سيرتك قفل الباب
والساعه تسعه تعلني بالتميسه وشربات
جاب التميسه وهو من الباب يمشي ويقطي
يقول ماودي اصحيك يانور عيني
افطرت؟ والا بعد يانور عيني وماها
وان كان سمح خاطرك خل ندعي امي تجينا
وجايت الكهله بالقهوه وبراد شاهي
يانافدى من بدى واليوم ريته دعاني
وتقول ياعمه عندي شغله اليوم مقدر
وساعديني في المطبخ وغسل المواعين
تقول تعلني بسواق وجوال سباح
كلن يسجل مطاليبه وعيني تشوفه
والكهله تبكي تقول مانعرف الا نغني
باعود ادرس وبا اتعلم واسوي كماهم
لكن ماعاد بي الا العمر قصر وولى
والله اني ازوع هيض القلب كنه محلى
يالله دعيتوك في الجنات تعاوض عليه
واحسن لي الخاتمه والموت حق عليه
؛