[صقر برقا]

السلام عليكم ورحمته الله وبركاته

هذه القصيده كتبتها في أعز صديقي لي وهو ((موسى))

سبب كتابتي للقصيده؟

غيابه المتكرر عني.....اليكم القصيده


تكفون يابرقا وتكفون ياروق
ياعزوتي ياتاج راسي عتيبه

خالد طلبكم وارفعوا رايته فوق
تكفون ياربعي تلبوا الطليبه

خالد غدا قلبه ترى اليوم محروق
من صاحبه موسى عسى الله يجيبه

ماهمني في دنيتي أي مخلوق
لاغاب موسى عن حياتي مصيبه

واليوم ياربعي غدا الفكر مسروق
جلست أفكر فالحياه العجيبه

قبل أمس يرسلي رسايل عن الشوق
واليوم أنا ذقت المراره صعيبه

لجله أجر الصوت في كل طاروق
وأنا نصيبي يعتبر من نصيبه

المشكله بمحبته مابها بوق
لا لا بعد مافيه شكه وريبه

من شافني كني على الحبل مشنوق
في غيبته درب المنيه قريبه

وأنا أشهد أن القلب هاليوم محروق
من يوم موسى ماسئل عن صحيبه





وسلامتكم


صقر برقا