[غلا الشيخي]

غـنيت لحـروف القصـيده مــواويــل
والمـفـرده جتـني جيـوش وسـرايا

والليـله اشعل من حروفي قنـاديل
تقـديـر والمــضمون طــهــر النــوايا

واسـكب تراحيب الغـلا في فناجيل
للــي عـطا مــن مفـرداته عطـــايا

يا الشـاعره والوضــع محتاج تحليل
بانســـان يجـعــل للمــزايا مـــزايا

معبود فاتـن فيـه للحسن تكــميل
انسان مـن وصــفه تغـار الـمرايــا

جذاب في فـن الدلـع سـيد الجيل
والـورد يـاخذ مـن خـدوذه هـدايـا

والعين له رمـش لخـدوده مظــاليل
والوجه بــدر ن مكتمل في سمايـا

والشعر شلال ن خذا عتـمة الليل
ما اقصد التشويق والا الدعايــه

لاعــوه عنـي مكثــرين ألاقــاويـــل
زادو على بحــــر الخطايــا خطـايــا

وش الهــدف والفايــده والمـحاصيل
راحــت تبـــاريح المشـاعر ضــحايـا

اذا سكتنا فاض من صبرنا الكيل
واذا حطينا وش تفيد الحكايا

اقفى وهو يشكي عذاب وغرابيل
والقلب من جرحه عظيم السجايا

معقول ! في ايامنا اللي مقابيل
يرجع ويتحقق بوصله رجايا ؟!

يا الشاعره والوضع من دون تطويل
غـــلاه يسكن في صمــيم الحنايـا