الموضوع: مايخيب ظني
عرض مشاركة واحدة
  #1  
قديم 11-09-2022, 05:58 PM
ألمحيط ألمحيط غير متواجد حالياً
 






ألمحيط is on a distinguished road
افتراضي مايخيب ظني

مايخيب ظني في الأحبه والأصحاب = ظني بهم مثل الجبال الرواسي
ولا لنا عن موقف الطيب مجناب = واهل الوفا هم صحبتي تاج راسي
اخترتهم من يوم يومي وانا شاب = ولليوم فيهم ما تغير قياسي
منزالهم عندي على راس مرقاب = عز الصديق ملينة كل قاسي
ربعي بني عمي قريبين واحباب = مكسب محبتهم معي شى اساسي
راياتهم ترفع على كل الأقطاب = و تاريخهم في كل موقف حماسي
يالله ياغالب على كل غلاب = تجعل لهم نصرة على كل آسي
وتفتح لهم يالله مغاليق الأبواب = وفي جنة الفردوس نجمع سواسي



راشد الجمعان ( المحيط )

ـــــــــــــــــــــــــــــــــــــ
التوقيع
طفت المحيطات عرض وطول = وعندي ركوب الخطر عادي
وعندي لها سيطره واسطول = من يوم تاريخ ميلادي
أخر مواضيعي
رد مع اقتباس