[عبدالله الحديبي]

‏يا مساء الخير يا غلطة صديقي
اللي قبل العام في عيوني وضعته

لا يحسب اني من اغلاطه غريقِ
و الزعل لو هو بحر فانا شرعته

وغلطة الاصحاب ما تخفي بريقي
ومعدني عن هيّن العالم رفعته

ولا سمعت الزله اللي من رفيقي
اتحاشاها وكني ما سمعته

وان نشب لي واعترض لي في طريقي
حيلة الله ،، وش بقالي ما صنعته

والله ان الجاش والصبر الحقيقي
لادعاك ابليس شر و ما تبعته

‏والله أن الفرحة اللي تبل ريقي
لاطلبني صاحبي شي واستطعته

يالله ياللي عالم سعدي وضيقي
لا تغيرني بمعروف زرعته

وانا مالي فضل في نفعة صديقي
نفعة الله جاتني وانا نفعته

عبدالله الحديبي
10/3/1439ه