حي صوته
حي صوته كلما نادى سهى قلبي معاه
التفت يمه وأشوف اللي على قلبي سما
والله أني من عرفته ذاب قلبي في هواه
اعشقه حد الجنون ومير عني ما درى
علموه أن كان جاهل ان به ناسا تباه
لا يغض الطرف والا يستعيب من الهوى
وان درى عن لوع قلبي لايزو د في عناه
ان تجمل في فوادي والا مات من الجفا
ادري انه يستحي وأموت في كثرة حياه
ماذبحني فيه كود انه يموت من الحيا
ودي اتجاهل وجوده غير قلبي وش بلاه
كلما صديت عنه كن في قلبي بلا
اعتقد لو كنت احبه كان قلبي ماخفاه
لكن أنا فيه ميت وهذا علما ما خفي
علموه ان المحبه والهوى ماهي سلاه
والله انه لو يذق الحب عمره ماسلى
والسهر ماذوب الا كل عيناً في حراه
تنتظر حضرة جنابه لامتى هذا الجفا
يامحمد والله انه ما عن الغالي غناه
ولا على الدنياحسافه كان عني اغتني
بشره مادام قلبي حي وبعروقه حياه
مستحيل انساه لو انه على قلبي قسى
استبيح القلب قتله كأن جنب عن هواه
واستفز النفس حتى تستفيق من الهوى
والزهور اللي نديه عطرها كانه زهاه
والله اني لقطف الورده مع قطر الندى
غير كان الحظ ماجابه ولا يمي رماه
كيف اسوي فيك ياحظ الشقاوة والعنا
حبها مزروع في قلبي ومن عرقي سقاه
وعشقها ممنوع وادري عشقها يمكن خطا
والهوى ماهو على كيف قلبي ومبتغاه
يعشقه حد الجنون وغير عني ما درى
والغرام اللي على شانه عنا قلبي معاه
لامتى قلبي على شانه يحمله العنا
خبروها كان تجهل سالفة موت الحياه
الحياه عيونها بالوصل والموت الجفا
ليتها تدري عن اللي في غلاها وش رماه
في هواها ذاب قلبه ومن هواها اكتوى
عاشها بالحب قلباً ماتعذر عن مداه
كم تحمل في غلاها حتى لو طال المدى
ـــــــــــــــــــــــــــــــــــــ
|