البارت التاسع والعشرون
وتبقى [ صرخة ] الدهشه
تتـرجم للأسى عـنوان ..
تترجم ~ صدمتي ~
بـ إنسان هقيته / مخلص و وافي /
امه تبكي: يايمه يافيصل لا تحرق قلبي انت ولدي وملاك بنتي ..ويش بينكم خلونا نحل المشكله يمكن المشكله ماتستاهل كل هالشيء اللي صار
فيصل بقهر وهو مولع : ماتبي شيء يربطنا ...هذي الكلمه قتلت ملاك
ابوه: ويش قصدك ؟؟؟
فيصل : مـــــلاك ماتبي مني عيـــــــــــــــــــــــــــــــال
ابوه منصدم : ويش قصدك يا فيصل
فيصل يطالع ملاك بكره ويطلع حبوب منع الحمل : هذا الدليل ...حبوب منع حمل ما تبي أي شيء يربطنا
الكل:...!!!!!!!!!!
ملاك تبكي : انا ما ابي منك عيال ...انت عارف اني ميته واجيب لك عيال
ام فادي انقهرت: كافي تمثيل يا ملاك اكيد كنتي طمعانه بفيصل ...نزل هالكلام على ملاك مثل الصواريخ
فيصل : من متى وانتي خادعتني ..من متى وانتي تمثيلين دور البريئه
فريدة وقفت بصف ملاك: بــــــــــــس ويش تقولون انتم ...على طول هاجمتوها ماعرفتم ليش سوت كذا ويش السبب؟؟؟
فيصل : يالله ننتظر جوابها والا مالها عين بعد اللي سوته تتكلم
ملاك: حـــقير ....طول عمرك حقير ...وطلعت لغرفتها تبكي ...ما تدري ويش تسوي تكلم أهلها يجون لها أو تصبر وتذل نفسها كانت بحيره ..حيره فظيعه
ملاك ((هذي النهايه هذا أخر الطريق ..تردد على أذنها كلمات فيصل
{ طــــــحتــــــــي من عيــــــــــــني ...وقل مقدارك بقلبي }
{ مستحيل نرجع مثل اول}
ملاك ((ليش ماتفهمني ليش ...أنا سويت كل ذا عشاني وعشانك ...ليش كل شيء ضدي بهالدنيا ...أنا لازم ما أذل نفسي لهم ..لازم ))
دقت فريدة الباب ...ودخلت ..وشافتها بحاله يرثى لها ضامه مخدتها لحضنها وتبكي وشهقاتها يتردد صداها حست ببرود يملئ الغرفه كل شيء جامد
فريدة : مـــــــلاك
ملاك: اتركيني يافريدة ...((وتشهق ))...خليني بروحي
فريدة: طيب انـــ...
ملاك: خلاص قلت لك اتركيني لا تضغطين علي كافي اللي فيني
حزنت عليها وكرهت اخوها كيف يطنعها تخيلت نفسها بمكانها وهي اللي تعاني بمعاناتها صحيح مايعرفون السبب اللي اضطرها لكن هي متاكده انها انغصبت على ذا الشيء
دخلت غرفتها وهي حزينه بدت المشاكل تقتحم حياتهم ..مابقى غير اقل من شهر على زواجها وكل يوم تطلع لهم مشكله جديده ..كيف راح تكون سعيده بزواجه واهلها بدت الاعاصير تدمر حياتهم ..شلون بتكون احوالهم وهي بعيده عنهم
فريدة((ويش اللي قاعد يصير ...اللهم لا اعتراض ..يارب دلنا على الطريق الصحيح ))
اما بالنسبه لفاديا كانت جالسه بغرفتها ...وهي تفكر باللي صار ..وقلبها مع ملاك وعقلها ضدها ومع اخوها ماتدري كيف تفسر اللي صار تحس انها بدوامه مالها نهايه كل شيء فيها ظلام ..ومفتاح السر عند ملاك هي الوحيده اللي تقدر تكشف كل شيء ....فجاءه خطر ببالها وارتجفت اطرافها كانت خايفه تخسره وتخسر حبه لها اكيد اذا عرف باللي صار واللي سواها فيصل مع اخته ماراح يسكت وراح يكون مع اخته قلبا وقالبا حتى ولو اضطر انه يدوس على قلبه وحبه
فاديا والدمع متجمع في عينها (( اكيد راح يكرهني ايه ...راح يكرهني ..لاني اخت فيصل لا ما ابي اخسره انا احبه وتعلقت فيه ؟؟!!....آآآآآآآآآآآآآآه خلاص راسي راح ينفجر من التفكير ...))
بفرغه ابو فادي
راشد: تهقين ليش سوت كذا ياهناء
هناء: مدري والله مدري بس هم لهم اكثر من سنه وست شهور متزوجين ...ويش اللي خلاها تخبي هالموضوع الفتره ذي كلها
راشد: ماندري عن ظروف البنت ..يمكن بينها وبين فيصل مشاكل وما احد منهم يبين
هناء: بس مو معقوله سنه وهم يخبون علينا لازم نكون حسينا
راشد: والله مدري ولدنا ذا بيذبحني ...اخ بس
كان طالع مايدري وين يروح او لمين يلجا يحس نار بجوف وحقره والم يعتصر قلبه ماكان متوقع ذا الشيء الا ذا الشيء ماخطر بباله ابد ...لان الحب اللي بقلبه اكبر من هالإشياء تصير بينهم ..كان يفكر ويفكر
ليـــــــش؟؟؟ كـــيــــــف ؟؟؟ مــتـــى ؟؟وويـــن ؟؟
فيصل ((ليه يا ملاك ويش اذيتك انا فيه عشان تجرحين هالجرح ...والله غير اخليك تندمين على سوات هذي ..راح اخليك تذوقين طعم الالم والجرح ...حتى لو كلفني اني ادوس على قلبي وانسى كل اللي بيننا
يلعنك قلبي .. والأحآسيس تلعنك ..!!
ويلعنك دمع صــــآدق لك نـثرته ..
جننتني يآ جعل ربي يجننك ..
لآ وآحسآفه ليلي اللي سهرته ..
بالنسبه لملاك
كانت منهاره من البكاء ..تبكي على سريرها مر ليلها بين الدموع والالم ..تشوف مكانه خالي ..وتحس بالكره تجاهه ..ماتدري بويش ودها نفسها تفهمه كل شيء لكن تفاجئها الافكار بانه مستحيل يصدقها او يتقبل عذرها ..لحظة تامل نفسها بانه يحبها وراح يسامحها ولحظة تتذكر نظرات الكره والحقد اللي كانت بعيونه وتتحطم امالها وكانها سراب عابر
فجأه ..انفتح الباب ..ودخل فيصل ...فز قلبها بداخلها ..فرحت انه جاء ...لكن ما عدت ثواني ..الا وتبعثر كل شيء بداخلها ....تقابلت نظراتهم ..نظراتها كلها انكسار وترجي وعيونها تتامله وتطلبه السماح
اماهو قلبه اصبح حجر او اشد قسوه من الحجار يجاوبها بالحقد
فيصل بشده وقسوه مامرت عليها ابد : خلاص عـــــافك الخـــاطـــر
سهم صاب قلبها الجريح وزاد الالمها الم كلمته حسستها بالاهانه وانعدم الامل عندها بالرجوع له
اخذ ملابسه واغراضه ونقلها لغرفته الثانيه ...وطلع وتركها تبكي ...وتبكي ...نامت بعد طلوع الشمس لكن للاسف ما حست بدفا الشمس ..ااجتاح البرد عالمها ..واكتسى الثلج ارضها ..
اليوم اللي بعده
بالمدينه
عبدالله: يبه
ابو محمد: هلا
عبدالله: يبه ويش ابيك تخطب لي بنت ابو فادي
ابو محمد: بنت ابو فادي ...مو بتتزوج
عبدالله: لا في وحده اصغر من اللي بتتزوج
ابو محمد: بس ياولدي اخاف يرفضون وانت تعرف البنت طول عمرها عايشه بعز ..وانت....
عبدالله: يايبه الفلوس ماهي كل شيء وبعدين الحمدلله انا مكون نفسي وعندي بيت ومتوظف ولله الحمد يعني مانقصني شيء واهم شيء الاخلاق
ابو محمد: والله مدري يا ولدي
عبدالله: تبيت خطبها لي او لا
ابو محمد: يصير خير
عبدالله: يبه حنا بنروح نحضر زواج بنته وبعدها خلنا نتكلم بذا الموضوع معهم
ابو محمد: على بركه الله اذا رحنا نكلمهم ..واذا كان لك نصيب فيها راح تاخذها وماحد ياخذ غير المكتوب له
عبدالله: الله لايحرمنا منك ياتاج روسنا
ابو محمد: ولا يحرمني منكم انا اسعد الايام عندي يوم اشوفكم كل واحد فيك مكون له بيت واسره وعايش بسعاده
عبدالله: كله من فضل الله ثم فضل رضاك علينا
ببيت لمياء
لمياء: ناصر ودي اروح لملاك اليوم ويش رايك توديني
ناصر: زين بس حاكيها اول يمكن تكون مشغوله
لمياء: اوكي بكلمها واشوف ...دقت على جوال ملاك لقته مغلق دقت مره ثانيه وثاله وعشره لكن مافي فايده نغزها قلبها حست ان صاير لملاك شيء
لمياء: من متى وانا ادق من العصر وجوالها مغلق والحين الساعه عشر باليل ومافتحته غريبه عليها
ناصر: يمكن طالعه او جوالها خربان
لمياء : اجل بكلم فيصل ....ودقت على جوال فيصل
فيصل : الووووووووو
لمياء: السلام عليكم
فيصل: وعليكم السلام ...هلا لمياء
لمياء: كيف حالك فيصل شخبارك
فيصل: الحمدلله بخير انتي شخبارك وشخبار زوجك القاطع
لمياء: بخير الحمدلله ....اقول فيصل
فيصل: هلا امري
لمياء: بغيت اسئلك عن ملاك من العصر ادق على جوالها ومغلق
فيصل ارتبك حس انه توهق : ايه اذكر امس قالت لي ان جوالها طاح وانكسر ..
لمياء: طيب ليش البيت ماحد يرد علي
فيصل: دقي تحويلة غرفتها
لمياء: اوكي ..ان شاء الله ما ازعجتك
فيصل: لا ويش دعوه ...انتي تدقين باي وقت
لمياء: فيصل تكفى دير بالك على ملاك احس ان فيها شيء
فيصل ((آآآه يالمياء ..ويش بتسوين لو تعرفين )): امرك
لمياء: مع السلامه ....وقفلت
ناصر: شنو قال ؟؟
لمياء بشك: والله مدري صوته ماريحني احسه يكذب او يصرفني قال ان جوالها طاح وانكسر
ناصر : يا شيخه هذا وسواس ...لا تخافين مافيها الا العافيه
لمياء : انت ماتعرف ملاك ماتغيب عني الا اذا في شيء
ناصر : يابنت الناس لاتتفاولين على البنيه ..
لمياء: يارب مايكون في شيء ...يارب
ببيت ابو فادي
جات سراب مع فادي ..واجتمعوا كلهم بالصاله
سراب : خالتي وين ملاك
ام فادي : بغرفتها نايمه
سراب: اها ...خساره كان ودي اسولف وياها
فريدة: المره الجايه ان شاء الله
سراب : ان شاء الله
بالدور الثاني ..كانت فاديا بتنزل للصاله ...ومرت من غرفة ملاك ...وتسمع صوت بكاها ..وشهقاتها ..
فاديا : مسكينه ياملاك ...الله يعينك ..ونزلت للصاله ...وسلمت عليهم ..وتحس ان امها متوتره شوي
بغرفتها ..عالم ثاني عالم
ظلام ×ظلام
حزن ,كأبه ,الم ,عذاب
هم / و دمعة / و ضيقة !
مكسور" قلبيـے "
مات بإول شبابه ~
و الله ، غيابهـ ماني قادر أطيقهـ
الله " اييسر لا أموت .. بـ غيابهـ !
ودي بـ قربهـ
بس !
بعده حقيقهـ
شلون بـ أنكر / هم أو قسوة عذابهـ !
و دي بشوفهـ
حتى !لو بس دقيقهـ
ودي أشم عطره / و ألمس ثيابهـ !
القلب / حاير .. "
و المشاعر حريقهـ
الحال من بعده ، هموم و كآبهـ ~
يا من " يعلمني .. لـ وصلهـ
طريقهـ ؟
يا من" يوصل .. قلبيـے
لعند بابهـ ؟
اما بالجهه الثانيه وبغرب الرياض
فيصل جالس لحاله ..واقف جنب سيارته اللي وصلته لمكان موحش مكان بعيد عن تواجد وحركه الناس ,...فيه من الهدوء والظلام الشيء الكثير ..يحس انه المكان يعبر عن حالته الحين حس بالقهر وماحس الا بيده تمسك الجوال وتكتب لها هالسطور
وطيت ذاك الحب وعهود ماضيــك,,,,,,ابعد خلاص اليوم بعدك غناتـــي
مات الوفاء والقلب ماعاد يرجيــك,,,,,,ودفنت ماضـــــي حبك بذكرياتي
وصل المسج لها وزاد تعذيبها كتبت له بدون شعور ووعي منها :
مصير اللي مقاطعني
يجي يوم ويوصلني
ولو في اخر ايام
يجي ويعزي اخواني
لما قراء هالابيات حس بضيقه وقلبه انقبض من كلماتها ...بس غلبت القسوه على مشاعره او تغلف قلبه بالامبالاه ..تنكر بزي عناونه الانتقام ..الانتقام من حبه ...الانتقام لكرامته المجروحه ..لانه يحس بانه طعنته في رجولته ..
((اصعب شيء على الرجل ان يحس او يرواده شعور الطعن في رجولته ))
اما ملاك ..كانت تبكي عليه تبي تبرر له تبي تقول له كل شيء خافت تخسره كل شيء يدل على هالشيء كلامه ..تصرفاته
بعد يومين
دخل ابو فادي عليها مع ام فادي ...لانها حابسه نفسها بغرفتها ماتبي تشوف احد ولا تتكلم عايش على الدموع
لااكل ...لا حياه ..بس دموع ..والالم
ابو فادي حزين على حالتها: يابنتي مو زين اللي تسوينه خلاص انسي
ملاك: انس ...وقامت تبكي ...وشلون تبيني انسى ..مو كافي اني مارحت لاهلي ..انا ياعمي احس بالذل والمهانه
ابو فادي: ماعاش اللي يهينك وراسي يشم الهواء
ملاك: وفيصل ياعمي ..وفيصل ليش يسوي كذا
ام فادي: هي فتره وتعدي بس اصبري ترى الصبر زين
ملاك:..........................................
ابو فادي: عشان خاطري انزلي اتغدي معانا
ملاك: ماني مشتهيه
ابو فادي: اذا لي قدر ومعزه عندك ...
بعد اصراره ومحاولته لاقناعها غسلت وجهها وبدلت ملابسها ونزلت لغرفه الاكل ...اول مافتحت الباب الزجاجي ودخلت
ملاك: سلااااام
الكل: وعليكم السلام
فاديا: هلا وغلا..... تو مانورت الغرفه
ملاك: تسلمين
فيصل ياكل ويطقط بالصحن ...ويبين انه مو هامه ..وهي محتاره تجلس جنبه او تروح اخر كرسي ...
نادر اللي موداري عن شيء لكنه حاس بشيء : اجلسي جنب فيصل ....اعطاه فيصل نظره ..وملاك ارتبكت
فريدة بتطلف الجو: ويش فيك ملاك خلاص اجلسي باي مكان يعجبك ....راحت بسرعه وتداركت الموقف
وجلست جنب فيصل ...يمكن يتغير او شيء يصير بينهم ويرجع المياه لمجاريها ....حطت لها الخدامه الصحن والعصير والشوكه ...وهي مالها نفس للاكل نفسها مسدوده ....وجالسه تتطالع بالصحن وتلعب..وتحس بشوق لفيصل لكن واضح انه ماهمه شيء ابد ا ...جلست تنتظر منه كله او حركه تامل نفسها وتصبرها لكن ..ولا شيء ...بالاخر وقفت بعد ماحست ان وجودها غير مرغوب فيه من قبل فيصل
ام فادي: وين ...بعدك ما اكلتي
ملاك: الحمدلله ...شبعت ...
ابو فادي: وين بتروحين يابنتي اجلسي معانا نشرب شاي
ملاك: تعبانه ودي اروح انام
نادر: انتي بس تعبانه ...من متى ماجلستي معانا ..لايكون ماتبين تجلسين معانا او طفشتي منا
ملاك: لا يا حبيبي بس من جد تعبانه ..وابي ارتاح
فاديا: طيب خذوي راحتك
بعد ماطلعت ...لغرفتها ...والكل انتهى من الغداء
ابو فادي : فيصل الى متى راح تكون كذا مع زوجتك
فيصل : مدري
امه: يا يمه ماشفت حالتها كيف ..نحفت ..واضح انها مهمومه
فيصل: ماعاد تهمني بشيء ان شاء الله تموت ..ماعادت تهمني
فاديا عصبت: ويش جالس تقول انت ..تتفاول عليها بالموت
فيصل عصب: وانتي ويش دخلك ...رجاء بيني وبين ملاك ماحد يتدخل سامعين
ابوه: ياولد علامك صاير ماتسمع الكلمه
فيصل : رجاء ما ابي احد يضغط علي
فريدة: فيصل ...لاتظلمها ..اسئلها تكلم معاها شوف اسبابه يمكن يكون الحق معاها وانت ظالمها
فيصل: خلاص اسكتوا ما ابي احد يفتح الموضوع ...وطلع لغرفته ...وقب ما يدخل لغرفته ...سمع صوتها
ملاك وصوتها باين فيه البكا : فـيصــــــــل ...مارد عليها
ملاك: رد علي ليش تحقرني
فيصل: انتي ادرى ....وبليز ما ابي اشوفك ولا اسمع صوتك ...ودخل غرفته وقفل الباب ..
نزلت دموعها بغزاره ...تحس بحرقه بقلبها ..
ملاك ((حرام ...والله حرام ...ليش تصد ...ابي افهمك ..ابي اقولك ليش ماتبي تسمعني ...آآآآه يافيصل حرام اللي تسويه فيني حراااااااااااااام ))...رجعت خطواتها اللي مشتها ودخل غرفتها
كان ورى الباب ...يسمع صوت خطواتها ...
فيصل ((..ليش جبرتيني اعاملك كذا ياملاك ...ليه ؟؟؟ ))
كانت واقفه عند الدرج شافت صده عن زوجته ..حست بشيء غريب يسري بدمها ..تقطع قلبها على حالتهم ...ذرفت دموعها وراحت لغرفتها ...ولسريرها وجلست تبكي ...حست بحب لهم الاثنين ...اخوها وزوجته اللي من جاتهم ماسمعوا منها شيء زعلهم ولاتصرف اغضبهم وفرضت محبتها عليهم
فاديا ((معقوله اذا حبينا ..نكره !!! ما اصدق ذا فيصل اللي يموت عليها ينقلب عليها ...في حب ينقلب لكره ...والمذله ايه المذله اللي شفتها بعيون ملاك ودموع الحرقه ..ممكن اذرفها بيوم ...وربي حرام ...حرام لازم اساعدهم ايه لازم اساعدهم ..واحاول اقربهم من بعض ...راح تضيع حياتهم بسبب غلطه كثير يغلطونها ))
بالمدينه
عبدالله خطرت ملاك على باله ...حس بشوق لاخته الوحيده ..اخذ جواله واتصل عليها
شافت رقمه على الشاشه ..فرحت وبنفس الوقت تمالكت نفسها عشان ما تحسس بشيء
ملاك: هلا وغلا ...هلا باخوي ..وعزوتي
عبدالله: هلا فيك يا حبيبتي ...شخبارك
ملاك: بخير ..وانت اخبارك واخبار الاهل
عبدالله: كلنا بخير ..بس ناقصنا شوفتك يالغاليه
ملاك: والله انكم وحشتوني ...ودمعت عيونها وماقدرت تتمالك نفسها ...وبكت
عبدالله: ملاك ياختي فيك شيء
ملاك: لا ابد بس مشتاقه لكم ..ولهانه عليكم لي فتره طويله ما شفتكم
عبدالله: لاتخليني اتهور الحين واجي للرياض
ملاك: ياحبي لك ياعبود ..طمني عنكم ..واخر اخباركم
عبدالله: تمام ...وعلى حطت ايدك الاوضاع مستقره ..وماعندنا غير مهندوه ..صك راسي بصياحه ..
ملاك: ههههههه تحمل هذا الصغيرون
عبدالله: وانتي هاه بشري مافي شيء بالطريق ...تقطعت بداخلها خلاص بتبكي ..تبي تفضفض ملت من الكتمان ...سنه ونص كاتمه على قلبها ..وبالاخر هي اللي تنلام
ملاك: لا تونا
عبدالله: كل ماقلت لك قلتي تونا ..متى ناوي يشرف ولي العهد
ملاك: كل شيء بامر الله
عبدالله: والنعم بالله ..واخبار فيصل ..
ملاك: زين
عبدالله: على فكره ترانا بنجي الرياض قبل العرس باسبوع
ملاك فرحت : صدق
عبدالله: ايه يعني بعد اسبوع بنشرف
ملاك: حياكم ..وربي فرحتني
عبدالله: ايه بس هاه زبطي لي شيء ابي اسمع شيء يفرحني
ملاك فهمت قصده: ابشر ماطلبت شيء
عبدالله: توصين على شيء من المدينه
ملاك: سلامتك سلم على الكل
عبدالله: الله يسلمك ...في امان الله ..وقفل الخط .
.وانهارت هي ...بكت لين مل البكا ..خلاص صارت تبكي بدون دموع خلص الدمع في عينها ليلها صبحها نهارها ..كل دموع ..ودموع ..ودموع ..حياتها صارت مصاحبه للدموع والاحزان ..محتاجه لاحد يصبرها او تشكي له ..تبي بس تفضفض تطلع اللي فيها ...عزمت انها تروح للمياء هي اللي راح تفهمها ..ومتاكده انها مستحيل تلومها وراح توقف معها ...
المغرب ...
نزلت وهي لابسه بنطلون جنز وبلوزة وردي حبل ..ورافعه شعرها وواضح فيها الارهاق والتعب ..والهالات تحت عيونها ...وهو كان جالس ..وكاشخ ناوي يطلع مع خوياه ..انفطر قلبها وهي تشوفه قدامها ومو حاس فيها ..اول ماشافها وهي شايله عبايتها وشنطتها ..وماكان في احد غيره وغير امه
فيصل باستغراب : على وين يا مدام ملاك ؟؟
ملاك تناظره بنظرات غريبه وقويه: طالعه
فيصل: ايه شايف انك ناويه على الطلعه بس وين
ملاك: للمياء
فيصل: مافي روحه ...ارجعي ...طلت فيه كيف يمنعها ...اول مره يردها
ملاك بصدمه: ارجع ؟؟؟؟
فيصل: ايه ارجعي
ملاك: ماني راجعه ..وبروح للمياء ..يعني بروح
فيصل بدأ يعصب: بترجعين ورجلك فوق رقبتك
ملاك بقوه: ماني راجعه لو يصير اللي يصير ...وقف ومسكها مع يدها بقوه وهي ماتحركت من مكانها
فيصل: خلي العناد تراه مو بصالحك
ملاك طلت فيها من فوق الى تحت: يعني ويش بتسوي بتمد يدك علي الظاهر انك بتاخذها عاده
فيصل خلاص عصب وزاد بالضغط على يدها: واظن انتي ما تادبتي ..وتبيني اادبك من جديد
ملاك: لا ياشيخ جايه من بيت اهلي ماني متربيه ...وتناظره ...صح والا انا غلطانه ؟؟؟
فيصل ترك يدها ومشى متجه للباب ويبي يقهرها : الحمدلله انك عرفتي من دون ما اقول ...والظاهر اللي تطلع مع واحد واهلها مادروا عنها وتكلمه من وراهم ..ويش تكون ذي ؟؟؟
((صـــــــــــــــــــــــــدمــــــــــــــــــــ ه ** دهـــــــــشـــــــــــــــــه ))
اعترتها بذي اللحظات ...مين يقول ذا الكلام عنها ...((هــــو)) اللي حبته ,اللي تخلت عن الدنيا كلها عشانه ,رمت نفسها للموت لجل يفرح ,ضحت بكل شيء تملكه حتى روحها عشانه ...بدون وعي مسسكته بقوه ولفته على جهتها ..ودموعها على خدودها لكن دموع ونظرات من نوع اخر ... ...اول مالف عليها وطاحت عينه بعينها ..وقف قلبه حس بشيء زلزله
ملاك اعطته كف على وجهه : غلطانه يوم حبيتك ...وماتستاهل الحب اللي بقلبي لك
وركضت لغرفتها ...ولمت اغرضها ..هالمره ..مستحيل احد يمنعها ...ولو تخسر كل شيء ..لكن الا كرامتها ...كرامتها فوق كل شيء
فاديا وفريدة كانوا نازلين وحظرو كلمه فيصل لها ...تاثروا ..فيها
فاديا : اتق الله ...يافيصل
فريدة مصدومه: انت ...انت تقول ذا الكلام ...ياحيف ..ياحيف على الرجال ..نزلت وشهقاتها تسبقها
ام فادي : ملاك يا يمه ...وين رايحه
ملاك تبكي اول مره يشوفنها كذا عمر مامرت عليها حاله بهذا الشكل حتى يوم فيصل اهانها ماكانت كذا
ملاك: رايحه لجهنم الحمراء ...
فاديا تمسكها: تكفين ياملاك ..لاتروحين ...تكفين
ملاك تتطالع فيصل : للاسف ..عمر ما مرت علي لحظة كرهتك فيها كثر هاللحظة ...
وسحبت شنطتها ..وتركت وراها زوجها وبيتها اللي عاشت فيها احلى ايام عمرها ...تركت وراها ناس يحبونها ..ويموتون عليها ..
راحت لخالتها ..مالها ملجا غيرها ..هي الحضن لها وقت الدنيا تبرد عليها ..يوم تضيع بطريق حياتها
اندق الجرس بقوه ودقات ورى بعض
ناصر: مين اللي يدق كذا
لمياء: خير ان شاء الله ..وراحت فتحت الباب ....اول ما انفتح شافتها ...شافتها بشكل ثاني ..شافت السواد بوجهها
لمياء صرخت : مــــــــــــــــــــلاك .؟.....رمت نفسها بحضنها ..وبكاها يهز العماره هز
لمياء تدخلها ..وناصر يسحب شنطتها ...دخلها وطلع بسرعه لان واضح ان في مشكله كبيره ..وخلاهم على راحتهم
ملاك: الحقي علي يا لمياء
لمياء بخوف: علامك ...ليش صايره كذا ...
ببيت ابو فادي
ام فادي تصرخ على فيصل: ليش قلت هالكلام ....ليش ؟؟؟؟
فيصل: ماحسيت بنفسي وانا اقوله
فاديا : انت ماتحس ...ماتحس ...كيف تجرحها كذا ...كيف
فيصل يصارخ: اسكتوووووووووووووا ...وطلع وصك الباب ...باقوى قوه يملكها
ببيت لمياء
لمياء تبكي وتضم ملاك : يا قلبي عليك يا ملاك ....كل ذا فيك وماتقولين ....ليه ليه ماقلتي
ملاك : آآآآآآآآه يالمياء قلبي بيوقف ...بيوقف من كلمته ...ذبحتني بالحياه يا لمياء ...ذبحتني بالحياه
لمياء: سلامة قلبك يا حبيبتي ....فيه ولا فيك
حاولت تهديها ...واخذتها للغرفه وخلتها تنام ...وعلى طول تنامت ....قامت تتاملها
لمياء ((ياخوفي ...من اللي بيصير ..اشوف غيمه سواد بتجي ...اخ يا ملوكه ..قلبي يتقطع عليك حظك مايل ))
دق جوالها ...اخذته لمياء وطلعت من الغرفه عشان ماتزعجها
لمياء: نعم
فيصل: اعطيني ملاك
لمياء: استح على وجهك ...صدق انك مانت برجال بعد ذا كله ..تبي تكلمها
فيصل: ودي اكلمها
لمياء : الحين هي نايمه ...ولا تعتقد انها بتسامحك على طول انت جرحتها يافيصل جرحتها
وقفلت الخط بوجهه
لمياء: صدق اللي استحوا ماتوا ...قاطعها صراخ ملاك اللي نفض قلبها ...ركضت لها ...وشافتها على السرير ...ووجهها مليان عرق
لمياء بخوف وقامت تبكي: ملاك ..ويش فيك ..وتهزها ...ملاك ويش فيك ردي علي
اما ملاك ...تتذكر الحلم اللي شافته ..ايه هو الحلم ....نفسه رجع لها بعد كم سنه .. بعد سنتين رجع لها
تتذكره بادق تفاصيلها يرجف قلبها بداخلها ...وتي تشوف احداثه تمر قدام عيونها
((شافت نفسها عند درج طويل مره ....طلعت هالدرج ..ولما وصلت لنصه طاحت ...ورجعت عند اول درجه...وشافت نفسها تتالم ..وتحس ظهرها انكسر من الطيحه ..وبعدين تشوف ..فيصل يحاول يساعدها ..وهي ترفض مساعدته ...وتصد عنه ..شوي ..حست نفسها احسن ...وقفت واتغير عليها المكان ...مكان مزحوم من الناس ..ناس رايحه وناس جايه ..وهي ماشيه بطريقها .قابلت رجال غريب عنها يناظرها نظرات خافت منها ...وقفت وشافت فيصل واقف بعيد عنها ..شكله متغير ..صاير نحيف ..وله لحيه وشعره طويل ...وجالس لحاله على كرسي ودموعه على خده ...كملت طريقها ومارجعت له والرجال الغريب يتبعها بكل مكان ...جلست بمكان هادي ...وهي هاديه جدا ...تشوف ابوها واخوانها حواليها ..وكل اهلها ...وعايشه حياتها وهالرجال ..جالس بجنبها ..لكن ما اعطت لوجوده اهميه ...فجاءة تغيم السماء ..وتسمع صوت رعد يخوف ..لكن هي ما خافت منه سمعت صوت يناديها صوت غريب ..جدا ..راحت وراه ...تحس ان الصوت هو دليلها ...تسير باتجاه الصوت وهذا الرجال يتبعها وماتركها ابدا ...تشوف وحده تشبها لدرجه كبيره ..تشوف نفسها تبكي ..على حضن لمياء ...ولمياء تواسيها مستغربه من اللي تشوفه لابسه فستان حلو ومكياج ..وهي في كامل اناقتها ...تبكي ..وتبكي ..لكن فجاءة تشوف فيصل جاء واخذها معاه والرجال اللي يتبعها راح وراها هي وفيصل ..كانه يراقبهم او يبي شيء منهم ...تحول بكاها الى ضحك والفرح يشع من عيناها ..ماحد معاها الا فيصل ...وبعد فتره ...شافت طفلين بجنبها ..حاولت تمسكهم لكن الرجال الغريب مسكها ..وفيصل كان اسرع واخذهم ....استغربت من الرجال كيف يمسكها وهي راضيه ..وفيصل بعد راضي ابيتسمت ..لفيصل ..حاولت تقرب ..لكن ماقدرت من قوه هذا الرجل اللي يمنعها ....حاولت تتحرر منه لكنه زاد قوته عليها وسحبها معاه ...وهي تناظر فيصل وتبكي ..تحاول ترجع له ..لكن كل شوي تبتعد عنه اكثر واكثر ..اللين اختفى من قدام عيونها ..وتشوف هذا الرجال يخنقها ..وانفاسها كل ثانيه تضيق اكثر ))...
لمياء تمسح وجهها بمويه وتسمي عليها : ياعمري ردي علي ...شنو فيك ...اكيد كابوس
ملاك: نفس الحلم ..نفسه يالمياء
لمياء: تعوذي من الشيطان ياقلبي ..هذي اضغاث احلام
ملاك: اعوذ باله من الشيطان الرجيم ..وشربت مويه وهي تفكر خافت كثير من الحلم ..ماتدري ليش ..كانت تتذكر كلام فيصل لها بكل دقه بتفاصيله
ملاك تغمض عيونها وتنزل دموعها بحرقه على خدها ((ليش يافيصل ..ليه قلت لي هالكلام معقوله كرهتني ..آآآآه ماتوقعتها ابد منك ...ماتوقعتها ))ظلت تبكي بهدوء وصمت ..وهي تناجي نفسها وقلبها وتلملم جراحها
نسيتك قالها قلب يعاني
لحظه السكرات .!.
وعلى نعش الهوى
كلمه نسيتك من شراييني .!.
خلاص مرحومي شيعته
صدمني واندفن بسكات .!.
تقبلت التعازي وانت
ولا فكرت تعزيني .!.
اما فيصل كان مع ماجد صديق روحه ورفيق دربه ملجئه وقت الضيق ...مايدري ليش حب انه يشاركه بهمه
ماجد عصب عليه: الله يهداك يافيصل معقوله هانت عليك وتقول عنها ذا الكلام ...وهذي ماهي رجوله منك
فيصل يصارخ : انتم ماتحسون فيني كلكم ...تتوقعون فرحت لما جرحتها ..انا طعنت نفسي قبل اطعنها تظن سهل علي اشوف بعيونها كره لي ..وانا اللي احبها
ماجد: من عذرها تكرهك ..وما الومها اذا طلبت الطلاق منك
فيصل اهتز وكان مويه انكبت عليه : ويش ...طــــــــلاق ...مستحيل ما اطلقها لويصير اللي يصير
ماجد: الله يهديك ..فكر زين ..وخل العناد والكبرياء عنك
فيصل: أي كبرياء ..وهي ماتبيني ...
ماجد عصب: شلون ماتبيك ...تذكر ..تذكر ويش سوت لك يوم تعبت لما كنت بجده ...تذكر برمضان ...تذكر يوم ملكتها ..وصرخ عليه ...تــــــــــــذكر والا اذكرك
فيصل وصل ضغطه للمليون وحمر وجه: بــــــــــــــــــــــس ...اذكر ...اذكر ...بس ليش ماتبي عيال ..انا اعد الايام والساعات ..عشان اشوف عيالنا ...وبالاخر وبكل بساطه ..الاقيها تاخذ موانع ...والله انها قهرتني ...
ماجد حس فيه وسكت لان بهذي معه حق ...بعد ربع ساعه من الصمت والهدوء
ماجد : طيب انت مافكرت ...انها متعقده من الحمل ؟؟؟!!!
فيصل يطالعه باستغراب: كيف متعقده ...((ضحك بسخريه ))
ماجد: يمكن فقدها لامها ..خلاها تكره هالشيء ..ماتدري عن اللي بداخلها
فيصل: ليش تدورون لها اعذار ليش؟؟!!!
ماجد: هذا لاننا كلنا عارفين انها تحبك ..وعارفين انك انت مستحيل تعيش من دونها
فيصل : كــــنت ...كنت احبها ...اما الحين ...عافها الخاطر
ماجد انصدم من فيصل وكلامه: انا الغلطان اللي اتكلم معك ..وراح وخلاه
ببيت ابو فادي
ابو فادي معصب مرره من اللي سمعه من ام فادي عن اللي صار
ابو فادي: هذا جن وقعد ...كيف يقول لبنت الناس كذا ...هذي لو تطلب الطلاق من حقها وراح اوقف معها .وولدك ذا انا غاسل يدي منه ...
ام فادي ..وفريدة وفاديا مصدومات من كلام ابو فادي
دخل فيصل وسمع كلام ابوه
فيصل : تفضل الغريبه علي يا يبه
ابوه : الغريبه اللي عصيتني وتحدتني وفشلتني مع اعمامك ...عشانها ..واللي بعد اخذناها من ولد خالتها اللي كان يبيها ...لو دريت كان رفضت وخليته ياخذها ..عشان يصونها اكثر منك ...يافيصل
فيصل يطالع ابوه باستنكار : يبه كيف تقول ذا الكلام
ابوه عصب: انا اقول الحق ..انت ولدي وهي بنتي ..والبنت اصيله ماشفنا منها الا كل خير هي واهلها .....
فيصل بتحدي: طلاق ماني مطلق ..وراح اخليها معلقه ..
ابوه تفاجئ من كلامه ..وسكت لانه ناوي بداخله علي شيء : فيصل لاتكابر ...ولاتخسر زوجتك ..وتخسر حياتك بعدها ..وحبك لها ...وراح لغرفته ...
اما فيصل دخل غرفته ..وهو يفكر بكلام ابوه اللي يرن باذنه ..
فيصل ((معقوله تطلب الطلاق ...لا تكون كرهتني ...وتردد على اذنه كلمتها
{ عمر ما مرت علي لحظة كرهتك فيها كثر هاللحظة}
رد عليه صوت بداخله : وتظن راح ترجع تحبك وتسامحك بعد اللي سويته ..
فيصل ((لالا هذي ملاك مستحيل تعيش بدوني ..))
رد عليه الصوت : زي ما قدرت ذي الايام تعيش بدونها ..اكيد راح تهون عليها
فيصل ((لا انا ماقدرت ..انا كل ليله اتذكرها ..خيالها مايفارقني ..كلامها ..ضحكها ..كل شيء فيها ..عايش معي ..شلون اقدر اعيش بدونها ))
تعوذ من الشيطان ونفض الافكار من راسه ...وريح جسمه على السرير بعد الصراع اللي بداخله
اما بالنسبه لفريدة ..كانت تكلم ماجد
فريدة وهي تبكي : تتوقع حبنا يموت بعد الزواج يا ماجد
ماجد يضحك: هههههههههه شكلك متاثره مره من المشكله يافريدة
فريدة : لاتضحك ترى من جدي اتكلم معك
ماجد: لاتفكرين كذا ...ان شاء الله تكون ايامنا حلوه
فريدة: بس بعد ماشفت فيصل ..وربي حسيت ان الحب ينتهي بعد فتره
ماجد: فيصل يكابر يا فريدة.. واعرفه زين هو ميت عليها
فريدة: يارب يرجعون لبعض
ماجد: امين
اما بالمدينه
عبدالله يفكر باللي عايش بباله من فتره مو بسيطه (( خلاص لازم اطلبها من ابوها يارب ابوها يوافق يارب )
ببيت لمياء
ناصر: لاتقصرين عليها يالمياء حطيها بعيونك واضح انها تعبانه
لمياء ودموعها على خدها: هذا ولد عمتك فقع مرارتي
ناصر يضحك: ههههههه وانا ويش دخلني تحطين حرتك فيني
لمياء: قاهرني كيف يهاوشها عشان شيء بسيط كذا
ناصر: هي غلطت وهو بعد غلط
لمياء: صح بس مو لذي الدرجه
ناصر: الله كريم ..يالله نامي ..
اما بالنسبه لفيصل كان يتذكر كيف طاحت الحبوب بيده
كان لابس بيطلع للعمل العصر وضيع مفتاحه ...مايدري وين حطه وهو يدور بالدروج ..استغرب وجود روشته وحبوب جديده ...اخذها وقراء محتواها وزاد استغرابه ...واخذ الحبوب ..واخذ المفتاح ...وطلع ...وبعد ماخلص من اجتماعه المغرب ..تذكر الحبوب ومر على صيدليه وسال الصيدلي عنها
الصيدلي: هذي يا استاذ ..حبوب منع حمل ..وما تنصرف الا بوصفه طبيب لان.....قاطعه فيصل وهو معصب
فيصل: شكرا ..وسحب الحبوب ...وطلع ...وراح للبيت معصب وصار اللي صار
فيصل: يارب ارحمني ...ارحمني
بعد يومين
ابو فادي: انا بروح لها
ام فادي: بس فيصل ماراح يرضى
ابو فادي: بالطقاق ..هو الطالع وهي الداخله ...والبيت لها قبل يكون لنا ...وطلع واتجه لبيت ناصر
ببيت ناصر
اندق الباب ..وفتح ناصر الباب
ناصر متفاجئ: عمي ابو فادي
ابو فادي: سلااااااااااام
ناصر: هلا هلا وغلا وعليكم السلام ..حياك ياعمي ..تفضل
ابو فادي: زاد فضلك يا بو عزام ...ودخله المجلس لزوم الضيافه
بالغرفه اللي فيها ملاك
لمياء: ايه عمك
ملاك : ويش يبي
لمياء: اكيد يبي يكلمك ...بخصوص موضوعك
ملاك: طيب ..طيب
بالمجلس
ابو فادي: والله ياناصر ودي اكلمها
ناصر: حقك ياعمي ...الحين ابلغ خالتها تقول لها ...
ناصر ينادي لمياء: قولي لملاك اني عمي ابو فادي يبي يقابلها ..وانا بطلع عشان تقدر تاخذ راحتها
لمياء: طيب الحين اقول لها
بعد عشر دقايق ....دخلت ملاك للمجلس عشان تقابل عمها اللي تعزه من معزة ابوها
ابو فادي: هلا هلا يابنتي ..كيف حالك
ملاك: الحمدلله ...انت كيف حالك وكيف خالتي والبنات ونادر
ابوفادي: بخير وكلهم مشتاقين لك
ملاك: تشتاق لهم العافيه
ابو فادي : ملاك يابنتي ..انا جايك ومقدر وضعك وانا معك باي قرار تبينه وتتاخذينه ...بس انا ابي اطلبك طلب وما ابيك ترديني
ملاك: امر يا عمي ..ويش طلبك
ابو فادي: ابيك ترجعين معي
ملاك : مستحيل ياعمي ...فيصل اهانني وتبيني ارجع للبيت مره ثانيه ..ماهي حلوه بحقي
ابو فادي: يا بنتي مايصير تجلسين عند خالتك وزوجها ماهو محرم لك ..واهلك محملينا مسؤليتك وانتي مثل بناتي واغلى بعد
ملاك: تسلم ياعمي هذا من طيب اصلك
ابو فادي: عشان كذا ابي اهلك يوم يجون هنا يعرفون كل شيء ..مانطيح من عينهم ونكون قد المسؤليه واذا على فيصل مستعد اخليه يترك البيت كله عشان تاخذين راحتك
ملاك: بس ياعمي انا كرامتي داسها فيصل
ابو فادي: عشان خاطري ..يابنتي ..اذا لي معزه عندك ...ترددت باختيارها
ملاك: موافقه بس عشان خاطرك ولانك ابوي الثاني ولغلاك بقلبي ياعمي
ابو فادي فرح: اجل يالله لمي اغراضك ..عشان ترجعين لبيتك
ملاك: طيب بروح ..المها ..
وراحت وهي تودع لمياء اللي عاتبتها لكن هي بينت لها انها ماتبي تحسس عمها انه قصر معاها بشيء وماتبي ثقت ابوها فيه تنهز ...ماردت لمياء عليها لانها مقدره وضعها
رجعت مع عمها ..اول مافتح ابو فادي ..كان هو طالع من البيت يبي يتحاشى لقاها ...وتلاقت عيونهم
وشاف بعيونها نظرات غموض وملام وعتاب..وشيء غريب انقبض قلبه من هالنظرات
ابو فادي: حياك يابنتي ..مشت من عنده ولاكانها شافته ..اول مادخلت جات ام فادي وضمتها وسلمت عليها ونزلت فاديا ..ونادر ..وهم فرحانين برجوعها لانها قريبه منهم مره
نادر: ليه رحتي ..والله اشتاقنا لك
ملاك: وهذا انا جيت ..عشانكم ....
بعد ماجلست شوي معاهم ...طلعت لغرفتها اللي اشتاقت لها ..اللي جمعتها مع حبيبها الوحيد وفيها اجمل ذكرياتها ...نزلت دموعها تحس كل شيء له صوت وصدى ...بكت بالم وترددت باذنها هذي الكلمات :
ليت ربي ماكتب لحظة وداع
ولافراق ولادموع ولاضياع
ليت كل الناس خل مع خليل
وكل ماقيل النهاية بين الاحباب
الرحيل قلت احبه حيل
لو يوقف لحظة الفرح الزمان
والمكان عيونك انت احلى مكان
في يدي يديك والحاسد ذليل
وان غدت كل الاماني في يدي
ابتدي مع كل لحظة تبتدي
اعشق الدنيا مثل طير جميل
اه ياحلو الامل والذكريات
والسعادة ماتجي بالامنيات
صبحها يبطي وانا ليلي طويل
كل ماادفن خيالك ياعنيد
تمطر الدمعة وينبت من جديد
شفت وش سوى بي الحب الاصيل
شفت وش سوى بي حبك يابخيل
لونويت اعاتبك القى الكلام
يعتذر لي منك ويلوم الملام
والقى حتى كلمة احبك قليل
كنت اهدد بك همومي والارق
كنت انت النار وهمومي ورق
لين صرت اليوم همي المستحيل
ياللي طيفك يملي دايم مدمعي
قلي ليه وانت معي منت معي
لو تجاملني تسوي بي جميل
من يقول الحب بسمة ماتفوت
لو يحب يشوف كم مرة يموت
في الجفا وقبل الجفا وبعد الرحيل
مرت الثلاث الايام الاول ..وكل شيء هادي ..ملاك بغرفتها ماتطلع منها ابد ..وفريدة مشغوله بالتجهيز لزواجها ..اما فاديا قررت ..انها تروح لملاك بغرفتها ..دقت عليها الباب
ملاك: تفضل
فاديا : هاااااااااااااااااااااااااااااااي
ملاك: هااايااااااااااااااااااااااااات
فاديا: شخبار القمر اليوم ؟
ملاك:تمام ..وانتي
فاديا: زينه ..تعالي انتي ..وين فستان زواج فريدة
ملاك استغربت: ليش هو انا ماوريتك الفستان
فاديا تبوز: لا يانذله
ملاك توقف : افاا عليك الحين اجيبه لك ...وراحت لقسم الملابس وجابته
فاديا تصفر: ياذووووووووووق انتي ...خطيررررررر
ملاك: حلووو صح
فاديا: مررررره ...اما لونه يطلع جنااااااااان
ملاك: ايه عجبني اول ماشفته ...(حطت الفستان على جنب)...واخبارك ياعسل ..كيف استعدادك
فاديا: والله انا ماني بعروس مرتاحه ..ومريحه على الاخر
ملاك: عقبالك
فاديا استحت : ملووووووكه
ملاك: على فكره ترى اهلي بكره يوصلون ..
فاديا: يوصلون بالسلامه
ملاك تغمز لها: بس ..ماودك تقولين شيء ثاني
فاديا : لا
ملاك : وعبوووووووووووود
فاديا تمثل عدم الاهتمام: ويش فيه
ملاك : فديوووووووووووه قولي قولي اللي بخاطرك
فاديا: ولا ماعندي شيء اقوله
ملاك: طيب ما تحسين بشيء تجاهه
فاديا: امممممممممم الا بس
ملاك: فاهمتك ماتبين ...توضحين صح
فاديا : صوووووووووووح
ملاك: هههههههه والله لو اقوله كلامك غير يذبحني
فاديا : ههههههههههههههههه حلاله
ملاك تتخصر : لا بالله ...اجل هين اوريك
فاديا: خلا ص لا تزعلين ..ترى امزح
ملاك : لا زعلت
فاديا ترمي المخده عليها :طقي راسك بالجدر ..
ملاك توقف : انا اطق راسي ...
فاديا تركض: ايييييييييييييييييييييييييييييييه ...ملاك تركض وراها وتطردها ...وهي طالعه صدمت بفيصل ..وكانت بتطيح ...لكنه مسكها قبل ما تطيح ...على طول دفته ..ورجعت غرفتها وقفلت الباب ..وهي تتنفس بسرعه وتحس كل شيء مر بلمح البصر وبسرعه
اما فيصل دخل بعد غرفته ..وطنش فاديا اللي قهرها
اليوم اللي بعده ...وصلوا للرياض
ابو فادي: لازم تروح لهم يافيصل
فيصل: اكيد ..بروح لهم
ام فادي: وزوجتك مين بيوديها
ابو فادي: فيصل مافي غيره ..
فيصل رضى بالامر الواقع ..وطلع لها ..ودق باب الغرفه
ملاك فرحانه اول مره تحس حياتها تحسنت بعد كل اللي مرت فيه : مييييييييييييين
فيصل دخل عليها : يالله بوديك لاهلك
ملاك تملكها البرود ماحست بشيء عادي ماهمها انه هو اللي بيوديها : طيب
فيصل: انا تحت اذا .....قاطعته
ملاك تشيل طرحتها وعبايتها: انا جاهزه ..
.وطلعت قدامه وهي قاصده انه يكون ورى ظهرها عشان تحسس بالاهانه ...ونزلت هو مولع من حركتها ...لكن سكت مايبي يصير شيء قبل يوصلون للفندق عند اهلها ..ركبت السياره ..
ملاك ((ليش ماعدت احس تجاهه بشيء ..يعني معقوله ماتت مشاعري تجاهه او صابني تبلد من تجريحه ))
فيصل شغل اغنيه ياهي قويه ((لـــ سعد الفهد )) وهو قاصد انها تسمعها ..وطبعا فهمت قصده على طول لكنها تبي تقهره طفت المسجل
فيصل يطالعها: ليش طفتيه
ملاك: لان اغانيك بايخه ومالها معنى
فيصل فرح انه نجح بقهرها : وانا ماطلبت رايك بذوقي
ملاك: لما تكون بروحك حط اللي تبي ...لو اغاني سودانيه ماهمني
فيصل : ما اهتم لرائي وحده رمت الامومه وراها
ملاك انقهرت مره: وانا ما اهتم بواحد ماعنده رجوله ...الـــــــــخ ...
فيصل ولع وده يذبحها الحين: انا ماعندي رجوله هاه ؟؟؟ طيب ياملاك ..ان ماذليتك اليوم وخليتك انتي وبنات الشوارع واحد ..ما اكون فيصل
ملاك خافت ..وانرعبت اول مره يهددها ..وحاولت تجمع قواتها وترد عليه لانها مستحيل تسكت عن حقها : بنات الشوارع ......وتبكمل الا هو وقف على جنب الطريق وخنقها لاشعوريا
ملاك: اتركني ...اتركنيراح اموت حرام عليك ...انتفض من كلمتها ..وتركها والدم متجمع في وجهها وضغط على شفايفه بكل قوه ...وضرب الدركسون بكل قوته ....اول مره تشوفه بذي الحاله ...حست انه وحش بهئيه فيصل ...زاد التوتر والكل سكت وكمل فيصل طريقه
ملاك ((معقوله جرحته لهدرجه ,يالله متى ارتاح متى ))
فيصل ((ويش اللي صار فيني ...كنت ......كنت باذبحه اغلى انسانه بعد امي بحياتي ..ما اصدق ويش اللي صابني ...ليه صاير مو طايق أي شيء منها )) نزلت دمعه من عينه ماقدر يمنعها بس خفها بسرعه لان رجولته ماتسمح له بالضعف قدامه ...صحى على صوت بكاها ...وشافها مخبيه وجهها بين يديها ومنزله راسها وتبكي ...قرب يده منها ..يبي يمسح عليها لكن فجأه بعد يده حس بالقسوه ..وتذكر كلامها وطعنها فيه
اما ملاك كانت بعالم غير هالعالم ..تتذكر كيف جمعتهم الصدفه ..كيف حبها وحبته ..تتذكر يوم كانت تبكي وضمها يوم يخفف عنها ..لما يقطع مسافات لاجلها ..تذكرت حضنه الدافي اما الحين تحس بجفاه وقسوه اللي تعتبرها مو من طباعه ومافكرت بيوم انه يكون معها كذا ...نفسها تصارخ وتضمه وتعتذر منه
مرت الدقايق كانها سنين ...وصلوا للفندق ..وقبل تنزل
فيصل بنبره غريبه: تذكري ان اليوم راح اوريك مقدارك ....ارتجفت منه ومن نبرته اللي تخوف
فيصل: وعلى فكره لاتحاولين تسوين أي حركه عند اهلك ..سامعه ...
طنشته وقفلت الباب ...وراحت دخلت الفندق وقفت عند المصعد ...وهي بالها عنده تفكر بكل كلمه قالها وتحاول تفسر كلامه لكن بالنسبه لها كان مبهم ...كان بجنبها واحد يتحرش فيها وهي ساكته لان روحها فارقت جسدها بعد بُعد فيصل عنها كانت دموعها مبلله طرحتها ...والولد لازال يتحرش فيها
جاء فيصل وشافها واقفه تنتظر المصعد يفتح ...وولع لما شاف الولد يمد يديه بيمسك يدها ..ثارت براكينه الخامده ..واعلنت عن غضبها ..والشرار يطلع من عيونه ..مسك الولد
فيصل وهو ثاير: شنو تسوي انت ؟؟؟
الولد بكل وقاحه : ويش خصك انت ..لما تكون لك تعال تكلم ..
فيصل : لاياشيخ ...واعطاه بوكس ..وبدأ الضرب والمضروب ...وهي واقفه بمكانه ماتدري ويش تقول قلبها خايف على زوجها وبنفس الوقت تحس ان الولد برد حرتها بفيصل ...
وطبعا الولد كان مايقل قوه عن فيصل بجسمه القوي ...جاو بعض الرجال ..وحاولوا يفكونهم من بعض ..ويهدون الوضع ...
اما فيصل بعد ماهدأ وكان يتنفس بسرعه ...
الولد يبي ينرفزه : قول انك تبي تغازلها انت ....مسكه فيصل مع ثوبه ..وخنقه
فيصل: هذي زوجتي يالواطي ...سكتوا الكل ...وتفل فيصل بوجهه ..وعدل شماغه ..ومشى وسحب ملاك مع يدها بقوه ..وكأنه هي الغلطانه ..دخلوا المصعد ...والكل متوتر ..وكان يناظرها نظرات كانها هي المتهمه
سكتت ماتبي توتر الجو زياده ...لما وصلوا عند غرفه اهلها ...وقفوا على صوت واحد وراهم ..ولفوا وكان الولد اللي تحرش بملاك
الولد: لو سمحت ممكن اتكلم معك شوي
فيصل عصب يوم شافه : ........................
ملاك تجر فيصل ماتبي يتمشكل معاه : خلاص يافيصل ..خلنا نمشي
الولد باصرار: انا حبيت اعتذر منك ...وانا غلطان ..وسامحني ياخوي
فيصل سكت شوي : ترى الدنيا دوراه وانتبه على عرضك ..ودقوا على الغرفه ودخلوا
الولد تاثر بكلمه فيصل وراح
عبدالله وثامر: ياهلا ..وغلا
ملاك تضم اخوانها ونزلت دموعها : مــشتاااااااقـــــــــــــــه لكم
عبدالله : واحنا اكثر ...شخبارك يافيصل
فيصل: طيب الحمدلله ..انتم كيف حالكم
ثامر: بخيرر ...حياكم تفضلوا ..
ملاك: وين ابوي
عبدالله: راح لواحد من خوياه ...وراجع
ملاك: ومضاوي
ثامر: بالغرفه مع مهند ....ملاك تركتهم وراحت لمضاوي ..اول مادخلت الغرفه
ملاك: ميمااااااااااااااااااااا
مضاوي : ملاااااااااااااااك ...ضموا بعض
ملاك تبكي : كيفك ..ويش اخبارك
مضاوي: تمام ..انتي كيفك ...ويش مسويه
ملاك: زينه ...ياناس هذا خيو الصغير ...
مضاوي: ايه هذا هنودي ..شرايك فيه
ملاك تشيله ..وتبوسه وانهبلت عليه: ياناس يزنن ...ياربي يهبل يا مضاوي نفسي اكله
مضاوي: يشبه لمين ؟؟
ملاك: يشبه لعبود ..مره مره يشبه له
مضاوي تضحك: حتى انتي ...
ملاك: ليش من قال بعد
مضاوي: كلهم حتى جدتك وخالتك يقولون كربون عبووود
ملاك: اصلا يحمد ربه عبود ان هنودي يشبه له
مضاوي : عاد لو تشوفين عبدالله ياملاك ما يطيقه ...دايم يقول خذي ولدك ذا ..صك راسي ببكاه
ملاك تشيل مهند.. وتضحك: الحين اوريك فيه يا هنودي ..راح اخليه يحرتمك كم مهند عندي
مضاوي: هاه حطي كل حرتك فيه
ملاك: لا توصين ...وطلعت لهم وهم بالصاله
ثامر : ياحركااااااااااات ...
عبدالله: ههههههههههههههههههه شكلك يضحك
ملاك تقلب عيونها : ويش عرفك بالامومه انت ....وطل فيها فيصل بنص عين وسخريه ..وانتبهت له ..وحزت بخاطرها ..وغيرت على طول الموضوع
ملاك: الا تعال عبود ليش حاط نقرك من نقر هنودي
عبدالله يصرف : اقول انتي ويش فيك ..ذبلانه مره .((يغمز ))لايكون ولي العهد بالطريق ...تغير وجه ملاك وفيصل ..وماخفي على عبدالله ..وحس انه زل ..وماكان لازم يقول هالشيء اما ثامر
ثامر يضحك: اما عاد ..والله ان ملاك بجهه والامومه بجهه ..وقفت بتروح لانها ماتقدر تحبس دموعها اكثر وراحت بدون ماتتكلم للغرفه ..وجلست عند مضاوي وهي متضايقه مرررره
عبدالله عصب : ثامر ويش اللي قلته
ثامر مستغرب: عادي ويش فيك ماقلت شيء كنت امزح
عبدالله سكت ..وهو متاكد اني في شيء بين ملاك وفيصل وهذا واضح من اشكالهم ..ولان ماتكلموا مع بعض زي عادتهم
بعد مرور الوقت جاء ابوها ..وجلسوا كلهم مع بعض ..
فيصل : يالله انا استئذن ياعمي
ابو محمد: وين بدري يا ولدي
فيصل: لا ياعمي انتم جايين من سفر والوقت تاخر لازم ترتاحون ...طل بملاك ..مشينا
ملاك خافت منه: لا انا بجلس عند اهلي ..
ابوها: لا يابنتي روحي مع زوجك وتعالي لنا بكره
ملاك تناظر عبدالله بعيون لها رجاء لكنه ماقدر يسوي لها شيء ..واخذ موقف الحياد
فيصل: يالله يا ملاك ...تامرون بشيء
الكل : سلامتك
وطلعت معه وهي تتذكر تهديده لها ..وطول الطريق كان هادي وهي متوتره خايفه من تهديده ..
لما وصلوا البيت ..لقت فريدة وفاديا ..وجلست معاهم ..وشوي دخل فيصل
فيصل: سلاااااااااااااااااااام
الكل: وعليكم السلام ....طالع ملاك بنظرات اربكتها
فريدة: هاه عساكم استانستوا
فيصل: ايه انبسطنا خصوصا مع عبدالله وثامر
فاديا ((وه ياقلبي ..ماتوقعت سيرته بتفرحني كذا...يالبى قلبه بس ))
فيصل : فريدووووه ..كيف مع مجوووود
فريدة استحت: الحمدلله
فيصل: اخص تستحين ..يادنيا ...مادرى عنك مجوووووود ..<<اندمج بالسالفه ..
ملاك وقفت بتروح لغرفتها
فاديا: على وين
ملاك بهدوء ماتبي تلفت انتباه فيصل اللي داخل جو مع فريدة : بروح انام .
.وطلعت لغرفتها قبل ماتفتح الباب ..حست بقشعريره من اليد اللي مسكتها
فيصل: على وين
ملاك:.............................سحبها مع يدها ودخلها لغرفته وقفل الباب ...دفها على الجدار
فيصل : بتهربين مني ...((يضحك بسخريه وتغيرت بعدها نبرته وبحده))..الحين تدفعين ثمن كلامك معي وهمس باذنها ...ياملااااااااااااك
شاف بعيونها الخوف ..والالم ..وحس بتلذذ وهو يعذبها بافعاله ...مسكها ودفها على السرير
ملاك تبكي : ويش بتسوي ..مو انت اللي تغصب احد على شيء مايبيه
فيصل : مو على قد كلامك انا ..((قاالها وهو مصر على اسنانه وبانفعال )) ماعندي رجوله ؟؟؟ هـــــــــــــــاه ..الحين اوريك رجولتي
ملاك تبكي : بعد عني ...ولكن ويش تساوي قوتها قدام الجبل اللي قدامها
لكن فيصل ما اهتم لها ولا لترجيها .....مشــــــفر ..ل
((ادخـــــــــل الكود الخاص بالقناه )) <<<<< لايسمح بالمشاهده لمن هم دون 18 ....خخخخخخ نذلــــــــــه
*************
بالمدينه ..وتحديدا ببيت محمد
محمد فرحان: والله شكلك بتجبين لي درزن وراعين يا وصوفه
وصايف: قول مشاء الله لا تحسد نفسك ترى لهم ولدن عندنا ..وهذا الثالث
محمد: يارب احفظهم لي ..ويخليك يا زوجتي الغاليه
وصايف متضايقه: افففففف ..في ريحه بالسياره ماهي زينه
محمد كشر : بدأت سوالف الحريم ...مافي ريحه ولاشيء
وصايف: الا في ...وووووع عليت قلبي بريحتك ..بالله افتح الشباك الريحه كتمتني
محمد تضايق: ياحوووووووووووووول طيب طيب ..
لما وصلوا عند بيت ابو فراس
محمد يقول لخالته اللي صار بالسياره وهي تضحك عليه
ام فراس : يمكن متوحمه عليك
محمد كشر : ويش يعني ياخالتي
ام فراس زاد ضحكها: هذا وعندكم ولدين قبل ..يعني راح تكرهك ..وبدأت تشرح له
محمد طلعت عيونه: اربع شهور ياخالتي ...ياليل ما اطولك
ام فراس تضحك : الله يتمم لكم على خير ...ويرزق كل محروم
محمد عرف مقصدها : اميييييييييييييييين
وصايف : اقول يمه ..محمد ..ابي اخذ رايكم بشيء ..كلهم اتفلتوا لها ومبين من شكلها الجديه
وصايف: ويش رايكم اللي ببطني يربيه فارس وابتهال ..
امها دمعت عيونها: ياخوفي تنجرح اختك
محمد يفكر : انا اقول نشاورهم اول واهم شيء راي ابتهال
وصايف: يعني انت موافق
محمد يطالعها بحب: اكيد ...يكفي انك تفكرين باختك واخوي ..((والله كبرتي بعيني يا وصوفه))
نرجع للرياض
تحس جسمها مكسر ...والم فظيع يسري بجسمها ...فتحت عيونها بتعب ودموعها على خدها ..لمت الشرشف على جسمها ..وقامت تبكي ..وقف ..وهو ماشي ..
فيصل باحتقار: تذكرين يوم قلت راح اخليك انتي وبنات الشوارع واحد ..طالعها باحتقار... ابي اروح للحمام ..وما ابي اطلع واشوفك هنا ...سامعه .....
تمنت ان الارض تنشق وتبلعها ولا تنهان كرامتها ..ومن مين ؟؟..من اغلى انسان.... لملمت شتاتها وبقايا انوثتها المتحطمه ...راحت لغرفتها ..وهي تبكي ..دخلت تحت المويه ..وتخالطت دموعها بقطرات الماء اللي بللت جسمها..وقفت قبال المرايا وهي تشوف شكلها والاثار على جسمها ..حست بتقزز وقشعريره تمنت تمحي اثار لمساته اللي تذكرها بانوثتها المنهانه ....راحت وحطت راسها على سريرها ومن التعب نامت كانها طفله يتيمه فقدت الحنان والامان
يـا خـايـن
كيـف تتجـاهـل ..!
مـدايـن كنّـا نسكنهـا وصـروح
بيـدي وبيـدك تعـلّـت وانبنـت فينـا .!!
ايـا نـاكـر
كثيـر اشيـاء ابـد مـا اقـدر احصيهـا ..
دخيلـك
كيـف بـس تقـدر تغمـض جفنـك / بلـيـلـك .. !
وفينـي كـانـت الصـدمـة
كبيـرة حيـل / مـن يمـك ..!!
طلع من غرفته وحس بالبرود وكره الذات ..وكيف تحول لوحش كاسر ..كيف ما اهتم لصرخاتها وترجيها ..وقف عند غرفتها وحس بهدوء فظيع عرف انها نامت ..فتح الباب بشويش ..ودخل ..لما قرب من مكان السرير طاحت عينه عليها شاف بقايا دموعها على خدها ..حس بسكاكين تنغرز بصدره ..قرب من السرير
فيصل " ياعيونه ..
علميه ! إني أحبه ..
وأعشقه..
وإني لايمكن أخونه..
علميه !
إنه حياتي .. قصتي .. عمري .. وذاتي..
ماأبي الدنيا بدونه..
علميه !
بكثر شوقي..
بكثر حبي..
وإنه أغلى من عروقي..
آآآآه .. ماأغلى عيونه
والله إنه عطر نفحه في سنيني..
والله إنه قصتي ..
حبي ..
حنيني ..
والله إنه نبض قلب
عاش فيني..
والله إنه حلم عمري لويجيني..
والله إنه ياعيونه ..
شي أكبر من كلامي
لو جفاني .. لو تركني..
" هم أحبه "
لو يباعد عن عيوني يازماني..
" هم أحبه "
لو يقولون باع عهدي وإرتحل ونساني..
" هم أحبه "
لو رمى حبي وهد اللي بنيته وحب له إنسان ثاني..
" هم أحبه "
حبه أصبح جزء لا بل صار حبه هو كياني.
اليوم اللي بعده
الصباح على طاوله الفطور
ام فادي : ماري ..روحي صحي ملاك عشان الفطور ..
ماري: انا في روح ياماما هو يقول تعبان مايبغى فطور
ام فادي: اهااااااا طيب خلاص ...
فاديا: غريبه مانزلت دايم تطلب فطورها فوق
نادر: قالت ماري انها تعبانه
فريدة: اقول فاديا تروحين معي للسوق اليوم
فاديا: وليش ؟؟؟
فريدة: بس ودي تروحين معي تساعديني ..خلاص مابقى الا شيء قليل مره
فاديا: اوكي راح اروح معك
فيصل: الحمدلله ..وقام وراح لشغله
فريدة تهمس لفاديا: أخوك علامه
فاديا: علمي علمك بس شكله متضايق
نادر يضحك: هو عمره ضحك
أمه: استح على وجهك ذا أخوك الكبير
نادر يحط يده على فمه: فهمنا ...
بالفندق عند أهل ملاك
مضاوي ..وعبدالله كانوا هم الصاحين
عبدالله: ويش رأيك نزور ملاك اليوم
مضاوي: اوكي ..ماعندي مانع
عبدالله :اجل جهزي نفسك بنروح الساعة 10 ونرجع 11 ونص
مضاوي : اجل بروح اقول لأبوك ..والبس ..وفعلا راحت ولبست وراحوا لملاك
ببيت أبو فادي
ملاك كانت تتذكر حياتها وكيف تدهورت بغمضه عين وتعامل فيصل معها
ماري تدق باب الغرفة: ماما ملاك
ملاك: ادخلي ياماري
ماري بعد مادخلت : ماما هزا في تحت ضيوف يقول يبغى أنت
ملاك استغربت : ضيوف ولي أنا
ماري: يس ماما
ملاك : اوكي الحين البس وانزل ..
وبسرعة لبست بنطلون اسود وبلوزه ابيض وطالعه كيوت مره ..ورفعت شعرها ونزلت خصل على وجهها وحطت روج وكحل يبرز عيونها ويخفي التعب اللي فيها
مضاوي انهبلت عند بيت ابو فادي: لا اله الا الله البيت يجنن
عبدالله: اكيد هذا بيت راشدالــ.........
مضاوي: مشاء الله ماتوقعت ملاك تكون عايشه هنا
عبدالله: خخخخخخخخخ اجل توقعتي ساكنه بعشه
مضاوي تكشر: ياكرهك اذا خففت دمك
عبدالله: ما كانها طولت ؟؟؟
مضاوي: شكلها تبي ترزعنا هنا ونطول
عبدالله: مشكله العز والله
مضاوي: أأأأأأأأأأش اسمع احد جاي ....
طبعا كانت ملاك جايه لهم ..وماكانت تتصور انهم مضاوي وعبدالله اول ماشافتهم فرحت ولمعت عيونها المرهقه
ملاك: ميما ..وعبود
مضاوي: مفاجأه
ملاك: واحلى مفاجأه والله
عبدالله: والله صحينا بدري قلنا نجيك ونغير جو
ملاك بفرح: حياكم الله باي وقت البيت بيتكم
مضاوي: اجل كل شوي بنرز الفيس ونجي
ملاك : مو تصدقون ...تراكم مغثه
عبدالله يقلب عيونه: مناك انا نجلس ببيتك اصلا بيزيد حلاه لو جلسنا فيه
ملاك : ايه كثر من هالكلام ...
مضاوي: اقول شخبار لمياء
ملاك: تمام ...اقول ويش رايكم الليله اعزمكم على العشاء بمطعم ونكلم لمياء
عبدالله: تسوين فينا خير ...والله اني مشتاق لها هالدبه ولا تعرف تتصل
ملاك: اعذرها لاهيه بزوجها وولده
عبدالله: الليله وخير ...ان ما دبست فيها عزيمه
مضاوي: مو تحرجها ماتدري عن ظروفها
عبدالله: والله لاسويها مشتهي اتنذل
بعد صلاه العشاء
كان عبدالله ينظرها عند البوابة ..لبست عبايتها ..وأخذت شنطتها وطلعت من غرفتها ..وصادفته على الدرج ..وكل واحد يتجاهل وجود الثاني وطبعا فيصل طنشها ولا سألها وين رايحة
نزلت وراحوا للمطعم هي ومضاوي ولمياء وثامر
لمياء : والله اشتقت لكم
ثامر: هب يالنصب ..اقول انصبي على غيرنا
عبدالله: وهو صادق ليش ماترفعين السماعه وتكلمينا
لمياء: ليه على بالكم فاضيه اسولف والا مثلكم ماعندي مسؤليات تراني متزوجه ومسؤله عن بيت وولد وزوج
ثامر: اخص يا ربة المنزل داري انك من جنبها
مضاوي: احقريهم هذول ما ينعطون وجه
لمياء : والله انك صادقه ...لاحظت شرود ملاك وحست ان فيها شيء مو طبيعي
لمياء: ملوووووكه ..وين وصلتي
ملاك بتافف: استناكم تخلصون مناقره ....هاه خلصتوا ؟؟؟
ثامر: افاااااا ياملاك هذا ولك شهور ماشفتينا وتقولين كذا ..والله انك متغيره وصايره لاتطاقين
ملاك عصبت : ماحد طلب رايك انت ورجاء احتفظ برايك لنفسك سامع !!!!
عبدالله: ترى ماقال شيء ويش فيك شبيتي فيه ؟؟؟
ملاك : اووووووف كملت عاد ..والله عاد هذا ردي عليه عجبه خير وبركه ماعجبه بالطقاق
مضاوي مستغربه من اسلوب ملاك وعصبيتها : هدي هدي اعصابك علامك كذا ...مافي شيء يستاهل كل هذي الاعصاب
ملاك: والله عبدالله وثامر يطلعون الواحد من طوره
لمياء: هدووووووووووووء بليز ...وانتي لاتحطين حرتك بناس مالهم ذنب
ملاك ماقدرت تتحمل كذا ..وانفجرت : وبعد حتى انتي يا لمياء ...ويش فيكم علي كل الدنيا علي ..استاهل انا اللي جايه معاكم ...مسكت جوالها وهي معصبه مره وكلمت السواق يجي ياخذها
ثامر: ملاك حقك علينا وروقي والله مافي شيء يستاهل كل ذا
ملاك : ثامر ارجوك اسكت او انك بتطلع زعلان مني
لمياء: ايش فيك انتي ...من جيتي وانتي مو على بعضك ؟؟
ملاك: مافيني شيء
عبدالله: كل هذا ومافيك شيء ...اجل ليش معصبه علينا وخربتي طلعتنا ووناستنا
ملاك : انـــــــــــــــا اللي خربتها ..وقفت ..مشكور ويجي منك ياعبدالله ...والشرهه علي اللي جايه ..واخذت شنطتها وطلعت ...وجاء السواق واخذها
لمياء : لالا في شيء هذي علامها انقلبت فجأه
مضاوي: اكيد متضايقه من شيء
ثامر: اكيـــــــــــــــــــــــــــد
وصلت للبيت وطلعت لغرفتها على طول وقفلت جوالها ..ورمت عبايتها على الكنب ورمت نفسها على السرير ..ودخلت في دوامتها المعتاده دوامه بكاها والمها
اسـرق مـن الـدمعـة فـرح
واضـوي مـن الظلمة شمـوع
اعـزف مـن جـروحـي نغـم
وارسـم مـع الغـربـة رجـوع
واكتـب مـع يـأسـي أمـل
اضحـك وانـا بعينـي دمـوع
اطلـب مـن الله الصبـر
واركـع لـربـي فـي خشـوع
انـزع مـن فـؤادي الـم
واخفـي بـأعمـاقـي خضـوع
مرت الايام بطيئه في مرورها ..وكل شيء راكد في محله لا جديد يذكر والعلاقات متوتره او صابها نوع من الخمول ...قبل زواج فريده بيومين
لمياء تكلم ملاك: وينك مختفيه حتى عند اهلك ماتروحين كثير
ملاك: والله منشغله مع فريده والتحضيرات انتي ادرى عاد <<طبعا هذا عذرها وحجتها
لمياء مشتها لها : طيب طيب ...اصلا خلاص هانت كلها بكره وبعدها الزواج
ملاك: على قولتك
لمياء: انتي انتهيتي من كل شيء
ملاك: ايه انتهيت
لمياء : اجل اشوفك يوم الزواج ان شاء الله ...مع السلامه
ملاك: مع السلامه
بالمدينه ..وفي بيت فارس
وصايف كلمت ابتهال في خصوص موضوع حملها وابتهال فرحت ان اختها مهتمه فيها وكافي انها بتضحي بولدها عشان تشوف البسمه والفرح يملئ حياتها
ابتهال: ويش رايك فروسي
فارس: ماعندي اعتراض ...والمهم انتي تكون قد المسؤليه تراها امانه عندنا
ابتهال: افا عليك ان شاءالله قدها وقدود
فارس : اتمنى ..بس كيف جت هذي الفكره على بال وصايف
ابتهال: لان قلبها كبير ..وتهمها سعادتنا
فارس: اله يوفقها بحياتها مع محمد
ابتهال: امـــــــــــيــــــــــــــن
نرجع للرياض
فريده تفتح فستانها وتجربه : ويش رايكم
ملاك وفاديا: واااااااااااااااااااااااام جناااااااااااااان
فريده: كيف شكلي فيه ...طولي جسمي كلي يعني
ملاك: تهبلين وربي ....راح يخق ابو مجيد عندك
فريده حمرت خدودها: تهقين ؟؟؟
فاديا: اقص يدي اذا ما قال ((وتقلد ))...يا حبيبتي يا فريده اموت على ذا الجمال ..
فريده تضربها : مالت عليك ..صدق ماتستحين
ملاك: ماعليك تمون فديووووووووووه
فريده : خلي عندك حياء بكره اذا تزوجتي ....قاطعتها ملاك
ملاك: والله اللي يتزوجها غير يموت فيها ..وبجرائتها ..
فريده: وحكت شهر زاد اقول الشرهه على اللي قالت لكم تعالوا .....اووووت اوووووووت
فاديا: مقبوله منك ياعروس
ملاك: ابدعي ان ماجد ياخذ حقنا منك ...وتغمز لها
فريده ولعت ومسكت المخده : اورررررررررررررريـــــــــــــــــــــك
فاديا: والله عجزنا نعرف لكم يالبنات ...مره يستحون ومره فاصخين الحيا
فريده: علمي نفسك يا خجوله انتي
ملاك: بس بس يالله نزلي الفستان لا يخرب عليك ..وطلعوا ملا وفاديا وجلسوا بالصاله العلويه اللي بنص الدور ..يسولفون
فاديا: ملاك ...ودي اقولك شيء بس ما ابي تزعلين او تتضايقين
ملاك: قولي حبيبتي ..مستحيل ازعل منك
فاديا : انتي ليش ماتبين تحملين ؟؟؟ سكتت ملاك ماتدري بويش ترد
فاديا: فيصل قصر عليك بشيء ....زعلك او سوا شيء ضايقك
ملاك طاحت دمعتها بعفويه: لا
فاديا : اجل ليش ؟؟؟ الى متى بتبقين انتي وهو كذا ...تظنين اننا راضين والله مايرضينا ..حتى على السفره ما تجتمعون ..
ملاك: ارجوك يا فاديا لا عاد تفتحين هذا الموضوع لانه يفتح علي ابواب ما تنسكر ..وبعدين انا ماسويت كذا الا لشيء انا ودي فيه
فاديا: ويش ودك فيه ...؟؟
ملاك: شيء ماحد راح يفهمه ابد..حتى فيصل مستحيل يفهمه
فاديا ستت ماحبت تضغط عليها لان واضح انها تتحسس مررررررره ..دخلت غرفتها ..وهي كاتمه على نفسها
ملاك: ليش ماحد يفهمني ..انا ما ابي اتكلم ..لكن مابي احد يلومني ...والله مو بيدي ..والله ...رفعت عيونها ...يارب يارب افرجها معاي وحنن قلب فيصل علي ..ورجعه لي ياررررررب
{يــــــــــــــــــوم زواج فـــــريـــــده }
بعد ما اتجهزوا وخلصوا
ام فادي : انا بروح القاعه ..ازبط انا والخدم اغراضك يافريده ..
فريده: اوكي انا خلاص مابقى لي شيء واجي انا وشيماء <<صديقتها اللي بتجلس معها
ام فادي: اجل بروح انا يالله ملاك اذا خلصتي كلمي فيصل يجيبك لان السواق راح يجيب بعض الحجوزات
ملاك : فيصل
ام فادي تداركت الموقف وطلعت برى الغرفه ونادت ملاك: انا راح اكلمه واقوله لاتخافين حبيبتي
ملا: بس ياخالتي
ام فادي: لابس ولا شيء الحين الساعه 7 على 9 كوني جاهزه
ملاك: انا جاهزة بس باقي اليمك اب
ام فادي : هاه حبيبتي اكشخي ..لا اوصيك ...
ملاك ابتسمت : الله لايحرمني ياخالتي
ام فادي: ولا منك
الساعه 8 ونص وصل فيصل للبيت ..واتجه لغرفتها ...دق الباب
ملاك: تفضل ...دخل فيصل وانبهر من شياكتها واناقتها
ملاك كانت تلبس احلاقها : فيــــصل ..
فيصل: اجهزي بروح البس ونروح للقاعه
ملاك: اوكي انا جاهزة
فيصل لف بيروح لغرفته: اوكي انتظريني ...بروح البـــــــ....قاطعته
ملاك: لحظة لا تروح ..
فيصل : ليش ؟؟
ملاك سكرت باب الغرفه ..: انا كنت مجهزه لك الثوب والشماغ من قبل ....بـــــــــــس
فيصل: لا تكلفين على عمرك
ملاك: بس انا مجهزتها ...كانت حاطتها على السرير دخلت وجابتها ..واعطتها فيصل
ملاك: اتمنى انك تلبسه ..مو لاجل خاطري لجل العشره اللي كانت بيننا ...وطلعت وراحت لفريده عشان ياخذ راحته
ملاك: مشاء الله تبارك الله يافدفد ...وطالعه اميره
فريده: حلو الميك اب والتسريحه
ملاك: وربي روعه
شيماء: قولي لها ماهي مصدقتني
ملاك: وربي هباااااااااال
فريده: بتروحين
ملاك: ايه بس انتظر فيصل يلبس ...
فريده همست باذنها : ملاك تكفين حاولي ترجعين كل شيء زي ماكان ...
ملاك تبتسم لها: انا حاولت وبعد زواجك يحالها الحلاال
فريده: ويش تقصدين ...؟؟
ملاك: يالله اشوفك بالقاعه ... ورجعت غرفتها ...ولبست صندلها العالي اللي لونه فضي وفيه فصوص وشنطتها الفضيه ..وعطرها المفضل ..
فيصل يزبط شماغه : انتهيتي ؟؟!!!
ملاك تطالعه بنظرات احتقار لانها تتذكر اللي سواه فيها : ايه ...وانت خلاص
فيصل : بس باقي الجزمه <<وانتم بكرامه ...طبع مافاتها هالشيء ..وراحت للدولاب وجابتها وكانت سوداء وتلمع من بعيد ...استغرب منهافيصل لكنه متعود على اهتمامها فيه ...واستغرابه ان العلاقه بينهم متوتره
فيصل (يمكن تبي تمهد لشيء بخاطرها ...نشوف ) جلس على الكنب يلبس جزمته ....اخذت عبايتها وحاولت تكون هاديه لابعد حد
وهم بالطريق للقاعه
فيصل: راحت فاديا او بعدها ماخلصت
ملاك: لا راحت ..
وعم السكوت الجو ...لا فيصل تكلم ولا ملاك لكن كل واحد بداخله مشاعر كابتها
بالزواج ...
كانوا الحضور بفوقون الوصف القاعه ممتلى جدا ...من اهل واعمام وخوال فريده الى اهل وقرايب ماجد والاصدقاء والمعارف ..
هند تبي تشوف سراب زوجه فادي : وينها المنحوسه خطافة الرجال
ام هند: هند اعقلي لا تفشلينا حنا جايين عشان زواج بنت عمك مو عشان زوجه زوجك
هند: النار شابه فيني يا يمه
امال: ماعليك انتي احلى اكيد واشيك وبنت عز وهي ماتسوى شيء عندك
دانا: وامال صادقه ..خليك واثقه من نفسك واكسري غرورها
هند: اوكي
دخلت ملاك وفاديا القاعه ..والعيون عليهم
ملاك لابسه فستان لونه طحلبي ((اخضر مايل للازرق )) وساتان وطويل ومفتوح من عند الصدر وفيه بروش بالوسط لونه فضي ..والميك اب غالب عليه الاخضر والاسود والفضي ..وطالعه قمه في الذوق والاناقه والجمال ..خصوصا انها سمنانه شوي
فادا لابسه فستان موف غامق وذهبي طويل وله ذيل والظهر له مفتوح ومعطيه هيئه ملكيه بجسمها المخصر وزايد بياضها ..
فاديا: ياحوووووول العين علينا
ملاك: اوف ما احب كذا ..
فادا: تعالي نسلم على المعازيم ..واخذوا لهم لفه وسلموا على اللي يعرفون والاهل ..وبعدين
لمياء: اخيرا انتهيتي من السلام
ملاك: تعبت دخت وانا اسلم ..مكياجي خف كله من السلام
مضاوي: بالعكس ..ماخف ولا شيء بس طالعه نعومه بالميك اب
ملاك: وفستاني كيف
لمياء: خطير ولونه خطير ميته واشتري هذا اللون
ملاك: احسه مسمر فيني
مضاوي ولمياء بحده: حراااام عليك
مضاوي: مخليك لقه ياخبله ...لقه ((يعني بيضا مره)
لمياء: جد صايره عمياء
ملاك: خلاص خلاص ياكلمه ارجعي مكانك ..يالله بطلع الكوشه برقص
مضاوي: على مهلك يادبه
ملاك تغمز لها: ماندري من الدبه
لمياء تضحك: دقه قويه يا ملوووووووكه
طبعا رقصت هي وفاديا وصديقات فريده ..وهيصوا
جاء وقت الزفه ...وانزفت فريده ..وابهرت الكل وانزف معاها ماجد ..ورقصوا مع بعض
بعد الزواج
وتحديدا بسياره فيصل ...
ملاك ((خلاص انا بعد الذل اللي شفته منه ماراح اعيش معه حتى لو قلبي متعلق فيه ))
فيصل ((الى متى وانا قاسي عليها وعلى قلبي ...يمكن ماجد صادق عندها ظروف او تخاف من هالشيء ))
تاملها وشاف بعيونها شيء غريب وراح مسك يدها وهمس : ملاك
ناظرته بنظرات مافهم معناها وسحبت يدها من يده ...طالعها بعيون اعتذار
ملاك: فيصل
فيصل فرح حس ان روحه رجعت من نطقت باسمه : هـــــــــــــــــــــــــــلا
ملاك : طـــلقــــــني
فيصل تفاجأء من طلبها حس بشيء زلزل كيانه ..مر شريط ذكرياته معاها وقف السياره : ويش قلتي ؟؟؟
ملاك تصد عنه: مو انا زي بنات الشوارع على قولتك ..شافت الصدمه بعيونه وكملت كلامها ... مو انا اللي خنت اهلي وكلمتك ...مو انا اللي عافني قلبك ...حتــــــــى انا عفتك ...
فيصل يطالعها بصمت ...وقام يغني
نفس البدايه هي حديث النهايه
بدموع حبيتك وودعك بدموع
عذري خطا دام المحبه خطايا
يامن قسيتي قسوه الخوف والجوع
الحب عندي نزف ماهو هوايا
الحب فوق الكم والكيف والنوع
الحب ياحبي وليد الهدايه
الحب وعد بمهجه الفجر مزروع
قلبي طفل غاوي عديم الدرايه
يطرد عصافير البراءه بلا طوع
خذاه حبك وانتهى بالبدايه
وانا اغتربت ولابقى ود وربوع
تكفين من شحن العواطف كفايه
الثرثره في نظره عيونك تلوع
كُفي عتب عاقل على قلب تايه
انهي العتب يا رغبه الحسن مرفوع
ودي ابوح بلوعتي وبشقايا
والصمت بايامي سفر غير مشروع
وان صرتي بفواه العواذل حكايه
الزين خافي الصوت والشين مسموع
لو تشتكي مامن المشاعر حمايا
كم ذبلت ورود وكم طفيت شموع
نفس البدايه هي حديث النهايه
بدموع حبيتك وودعك بدموع
نزلت دموعها وهي تسمعه وصدت عنه ...حست كأن الروح فارقت جسمها ...سكت فيصل وكمل طريقه ..
وصلوا للبيت ...بسرعه طلعت لغرفتها ..وقفلت الباب وجلست تبكي ..وتبكي ...وقف عند باب الغرفه وهو يسمع بكاها ...حس ان دمعته بتخونه ..ودخل غرفته بسرعه
بعد ساعتين
حست ملا بنفسها وهي لسى ما بدلت ملابسها ..قامت بتنزل فستانها ..وتحاول تفتح السحاب لكن مو راضي ينفتح ...
ملاك : وقته الحين ...طلعت وراحت لغرفته فاديا ودقت الباب
ملاك: فاديا ...افتحي ابي تفتحين السحاب علق معي ..دقت ودقت لكن للاسف كانت نايمه
طلع من غرفته وسمعها ..لما شافته رجعت لغرفتها ....بعد دقايق ...دخل عليها ..كانت واقفه قبال المرايا تحاول وتحاول بس مافي فايده ...لما دخل تفاجئت كيف يجي وهي طالبه الطلاق
جاء وراها وحط شعرها على جنب ...وفتح السحاب بهدوء ..وهي قلبها يرجف رجف بداخلها تتامله بالمرايا لكن ترتجف اطرافها ..حس بارتباكها ...لفها على جهته
فيصل ضمها وهمس : بـودعـك وأنـتِ الـي
سـاكنـة دمـي
ابقـي بعيـدة وروحـك
مـعـاي فـي ثيـابـي
وان سـولفـوا فـي حضـورك
عـن بعـض همـي قـولـي لهـم
كـان يعشـق ريحـة تـرابـي
قـولـي لهـم
لاشـرب دمـع الحـزن كمـي
هـذي دمـوعـه لـكـن
هـي مـن اسبـابـي ..!
بعدته عنها ونزلت دموعها بغزاره ...طلع وتركها ..
تركها بحيره من كلامه ماتدري هو وداع او عتاب ..او رجاء ..احتارت تفسر ..لكن اللي تاكدت منه انها ماتبي تجرح كبريائها
اليوم اللي بعده
بالفندق
عبدالله: يبه اليوم نروح لهم
ابو محمد: ايه كلمت ابو فادي وقال بعد المغرب
عبدالله فرح: ياسلااااااااااام .. بروح اكشخ وراح للغرفه
المغرب
ابو محمد: والله يابو فادي يشرفنا اننا نطلب يد بنتك فاديا لولدي عبدالله
ابو فادي ابتسم لانه كان يعجبه عبدالله بعقله ورزانته: والله انا اللي لي الشرف ان عبدالله يكون نسيبي
عبدالله: ماعليك زود يا عمي
ابو فادي: انا ماعندي أي مانع بس لازم اشاور البنت
ابو محمد: حقكم ...شاورها واعطنا خير ..وحنا اهل ومابيننا شيء
ابو فادي: والله انكم ناس ينشد بكم الظهر
عند ام فادي وفاديا وملاك
ملاك فرحانه: مبرو يا فاديا ..وبتصيرين زوجة اخوي
فاديا مستحيه مره : انا بطلع غرفتي ...
وطلعت بسرعه وهي تفكر بعبدالله ..وتتخيل حياتها معاه وكيف بيعيشون مع بعض ...اللي حبيته هو اللي بيكون زوجها
فاديا : آآآآآآآآآآآآآآآه ....يا عبدالله ..ماني مصدقه
ام فادي: والله ماتوقعت اخوك يخطب فاديا
ملاك: وين بيلقى احسن منها ...
ام فادي تضحك: تدافعين عنها ..وهي اخت زوجك
ملاك: هههههههههه كم فاديا عندي انا
ام فادي: يا بختها كسبت حبك
طلعت غرفتها وهي فرحانه لاخوها وفاديا
بعد اسبوع
بالمدينه
ام فراس: مبروك يا عبدالله الف مبروك وزين ما اخترت
عبدالله: الله يبارك فيك ياخالتي
ام فراس: ومتى ناوي الزواج
عبدالله: والله مدري بشوف الاوضاع اول ..والتجهيزات ..وبعدين اقرر
ثامر: ويش رايك زواجي وزواجك بيوم واحد
عبدالله: والله فكره ...
ثامر: ونسوي زواجين واحد بالمدينه وزواج لك بالرياض
عبدالله دخلت الفكره مزاجه : شيء وناسه بعرس مرتين
الجده: من الحين تبي تعرس مرتين اجل تطق الاربع انت
عبدالله: لا والله ياجدتي تكفيني فاديا
ام فراس: ههههههههههههه الله يوفقك يا يمه
بالرياض
كلهم كانوا مجتمعين بالصاله ....
ملاك: كيف فريده ياخالتي ماكلمتك؟؟
ام فادي: ايه كلمتني وتقول مبسوطه
فاديا: اكيد بتنبسط اجل بتبكي ...تكون بجنب حبيب القلب
امها عصبت: فاديا ويش ذا الكلام
ملاك تغمز لفاديا: عقبال ماتكوني انتي بعد جنبه
ام فادي ابتسمت يوم شافت الاحراج على وجه فاديا: ايه شوفي شكلك كيف صار ...
فاديا بتصرفهم: اوووووووف منكم ..بروح على النت ابرك لي
بعد ماراحت
الكل: ههههههههههههههههههههههههههه
نادر: يلعن اوم التصريفه اللي كذا
ملاك وقفت : انا بطلع بعد غرفتي ...قبل ماتمشي فجأه حست بدوخه وجلست
ام فادي خافت عليها: ملاك يابنتي ويش فيك
ملاك : مدري ...بس لي كم يوم احسب دوخه والم ببطني
ام فادي تضحك: يمكن ولي العهد
ملاك تطالعها بعيون حزينه والدمع مجتمع فيها : ما اظن ياخالتي
ام فادي حزنت عليها من قلب طيب يالله قومي اوديك المستشفى
دخل فصل على كلمة امه
ملاك: مايحتاج ياخالتي الحين اروح ارتاح ..ومايكون فيني شيء
فيصل: السلام عليكم
الكل : وعليكم السلام
امه: الله جابك ياولدي ..ملاك تعبانه ..ودها المستشفى
فيصل: خير ويش فيك
ملاك: مافيني شيء ...بطلع غرفتي
فيصل باصرار: لالا يالله بوديك ..واضح على شكلك انك تعبانه ..يالله جيبي عبايتك
ملاك ماتبي يصير بينهم مناوشات على شيء تافه : طيب ..طلعت وجابت عباتها ...وراحت للمستشفى وعملت التحاليل اللازمه
وهم راجعين ... شغل فيصل اغنيه عشان الحب ..
فيصل (( آآه يا زمن ..ويش اللي صار بيننا اخرتنا كذا ...ليتني ما مديت يدي ..ولا تكلمت عليها ياليتها صارحتني باللي سوته قبل مايصير اللي صار ..ياليت ماتفيد الندم )
بـدايـه مالـهـا مـعـنـى , نـهـايـهـ مـالـهـا مـضـمـون
تعـبـت أشقـلـب الدنـيـا وأعـــدل فـيـنـي أوضـاعــي
نسـيـت أقــول لـ أيـامـي " عـلـى هـامـان يا فـرعـون "
نسـيـت أوقــف الغـربـهـ وأدورهــا عـلـى أصـبـاعـي
تعبـت أقـول أنـا أعمـى وغيـري لــهـ ثـمـان عـيـون
كـفــا لا تـنـبـش بـ جــرح ٍ يـقــرّب لـويــهـ ذراعــــي .
بعد مارجعوا للبيت ..كانت على السرير ومغمضه عيونها تتذكر كل حياتها من بدايتها الى يومها هذا ..فتحت عينها بكسل وتعب شافته واقف
ملاك خافت : ...........................
فيصل حز بخاطره شاف بعيونها الخوف
ملاك : ويش تبي جاي ؟؟؟ نسيت لاترمي علي كلمه وجاي ترميها
فيصل:ملاك خلينا ننسى اللي فات ...ونفتح صفحه جديده
ملاك بسخريه: ننسى !!!!...انت يمكن تنسى لكن انا لا مستحيل انسى انك ذليتني وحسستني بالاهانه وخليتني اشوف نفسي رخيصه
فيصل بترجي: انتي غلطتي وانا بعد غلطت ....بس كافي لحد هنا ..خلينا نرجع حياتنا مثل قبل
ملاك عصبت: ويش غلطت انا غلطت ايه لكن كنت ابي افهمك واقولك بس انت ماخليت لي فرصه ..ودخلت اهلك بيننا
فيصل تنرفز من نبرتها: يعني انتي مصره على الطلاق ...
ملاك: ايه مصره فطلقني بالطيب احسن
فيصل وقف ...ومشى خطوتين : طلاق ماني مطلق ..والموت اهون علي من ان اشوفك مع رجال ثاني
وطلع ..
بعد يومين
كانت تلم اغراضها ..واتخذت قرارها تبي تنهي كل شيء بنفسها
ملاك: الحين اروح عند لمياء وبعدها احهز على المدينه ....اخذت شنطتها ونزلت ..البيت هادي لابعد حد مافي أي اثر لحركه او لوجود اشخاص والظلام هو السائد ماتشوف طريقها
حطت شنطتها ..تبي تفتح الاضاءه ..لكن سمعت صوت جاي من الصاله الداخليه
ملاك: فــــــــــــــــــاديــــــــــا ...فـــاديــــا
اول مادخلت تفاجئت من اللي تشوفه .....طالوه بيره عليه جاتوه كبير وشموع والجو رومنتك مره وباقه ورد فخمه جدا ..وجنبها بطاقه مكتوب فيها
"أنْآ ( قلْبيْ ) مَن گثرْ شوْقيْ + مَلى صدْريْ +
---------وْ .. أنَآ صْدريْ مَن گبْرَ .. قلبيْ .... | نفذْ صبْرهَـہ |
مِنَ صْبآحَ آلخيْرْ .. ليْن آلشْمسْ مآتَسَ سَ سَِ ـرْي َ
---------وَ .. مْن مسْاءَ [ الِخيْرْ ] ... ليْن نصْيرْ فيْ ~ بَگرهَـِہ !
وَ ... آلْغلآ فْيَ دآخلْي مثلْ .. ( النْهرْ يجريْ )
---------ليْتگ تْدريْ بـ غلآگ دآخليْ وشْ گثـِرْهَـ "
فيصل : احــــــــــــــــــبــــــــــــــــك ...لفت وشافته وكلها دهشه من اللي تشوفه
ملاك: ..........................
بدون أي مقدمات ضمها وصار يدور فيها
ملاك: فيصل يا مجنون شنو صار لك
فيصل : احبك ام راكان ....احبــــــــــك
ملاك : نزلني ...نزلني دوختني ...
ملاك : شنو السالفه فهمني ...ليش كل ذا ..على بالك برضى عليك او بسامحك !!!!!!
فيصل يضحك: انا خلاص اليوم احلى ايام عمري
ملاك بسخريه: بالله ....عساه دووووم
فيصل: انتي سبب فرحتي كلها
ملاك عقدت حواجبها (اكيد جرى لعقله شيء انا بروح عند لمياء وبعدها بسافر للمدينه وذا يقول انتي فرحتي )):؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فيصل : مبروك يا ملاك ....انـــــــــتي حامـــــــــــــــــــــــــــل
صدمه × دهشه × استغراب × فرحه × مشاعر متضاربه ..حست فيها
ملا ك : حـــــــــ...... حامل
فيصل : ايه حامل ..ياحبي حامل ...نزلت دموعها ورمت نفسها بحضنه وقامت تشهق من البكا
ملاك: كيف صار كل هذا ...كيف ؟؟؟؟
فيصل: بدون كيف وشلون ..هذا احلى خبر سمعته بحياتي ..اخذ باقه الورد ومدها لها ..وجلس على ركبه
فيصل : سامحيني يالغلا ...سامحيني
ملاك تمسح دموعها مثل البزر ..لازم تضحي عشان يفرح ويشوف عياله : مسامحتك ...وربي مسامحتك
اما بالجنب الثاني كان نادر يتجسس عليهم ...ويتفرج على الموقف الدرامي <<<منسجم الاخ معاهم على باله مسلسل
جات فاديا بهدوء وكفشته
فاديا: ويش تسوي ياقليل الادب ؟؟؟هــــــــاه ..جاوب يالله
نادر تلخبط وتلعثم: والله ماسويت شيء فيصل قال حط الكاميرا عشاان تصوروهم ..وانا حطيتها
فاديا: قال حط الكاميرا ماقال اجلس وتفرج ....ياللي ماتستحي
نادر: فاديا تفين لاتخربن علي وربي كانه مسلسل ..حتى كنت بابكي
فاديا تبتسم: تنكت انت ...امش امش او بعلم عليك
نادر: خلااااااااااااص يا مفرقه الجماعات
فاديا : قم بس قم
نرجع لحبايب قلبنا ...وعصافير الحب
ملاك: ماني مصدقه ..احس اني احلم
فيصل: لا صدقي ياقلبي
ملاك : مهما قلبي مر به .. غيرگ وطاف
مايخونگ قلب علمته وفا ..
ايه " أحبگ " وهذي مافيها خلاف
إمسك إيدي وحس فيها العاطفه
ما أخاف ] البرد [ لو غيري يخاف
كيف أحس البرد ؟! وطيفگ لي { دف
فيصل: امشي ابي اقولك سالفه خطيره ..بالغرفه
ملاك: ايه صدقتك بس ..
لما طلعوا الغرفه ....
ملاك تجلس على الكنبه : ويش السالفه الخطيره
فيصل قام يغني لها اغنيه ..انتي حلوه
ملاك حمر وجهها : بس بس وربي حمر وجهي
فيصل: يالبى قلب المتسحي فديتك
*******************************************
بانتظار توقعاتكم وارائكم باخر احداثنا ونهايه مسيرة قافلتنا
ونهايه قصه حب فاقت التصورات ...وتحدت المستحيل والا مستحيل
انــتـــظروا الجــزء الأخــيــر