[نسيم السروات]

اقتباس: المشاركة الأصلية كتبت بواسطة جمرة غضى      هلا وغلا بالغلا كله نسيم السروات من طول الغيبات جاب الغنايم وينك البارح مالك حس ولا خبر ولا علمتينا عن عروس الباحة ايش صار معاكم آخر يوم يالله مالك عذر تعالي علمينا وزودينا بالصور الرائعة لبيت الباحة

شكل معك خبر عن عرائس البارح ياجمورة والله كانت أحلى ليلة ليلة البارح واللي قبلها ليلة الجمعة .

يوم الخميس ليلة الجمعة زفينا عروسنا من بيت الباحة إلى مقر معرض الأنشطة النسائية . كان قريب من بيت الباحة

والله الحمد ما بيننا وبينه إلا المطاعم اللي شرق عن بيت الباحة . المهم وأنا أختك جمعنا حريم خلق الله كل ما جانا

زائرات قلنا خلوكم تروحون معنا بالعروس بعد العشاء إلى مقر الأنشطة النسائية وبعد العشاء تجمعت علينا أمة محمد

حتى بنات الرياض ماخلونا ولقينا عروس فلقة قمر طالعة لأمها زهرانية وأبوها غامدي بسم الله ماشاء الله عروس تجمل

وزيناها ولبسناها وغرزناها وحطينا في يدها حزمة كادي وريحان وبعيثران وغطينا وجهها بمنديل أصفر ولبسناها

العباية وأتفقت أنا والأخوات وقلت لهن من البيت نروح سكاتي ولا نبي احد يحس بنا من الرجال اللي برى خذن الدففه

في أيديكن وأمشينه بسكات حتى نصل داخل حوش الأنشطة النسائية ودقين الدففه وأسدحن القصائد قلن أبشري بسعدك

خلاص اتفقنا والله وأخذت عروسنا بيدها وأنزل بها من الدرج وفجئة قمن كهيل غامد وزهران وتجيهن الشلابة والقالات

وغيرن الأتفاق دقين بالغطاريف من رأس الدرج ومشين وهن يدقين بالدففه وأنا والله جاني رعب من الموقف وأخذت

العروس أنا ووحدة من البنات ومشينا جري مسرعات خوف من تجمعات الشباب والهمج علينا وكان بيني وبين اللي

يدقين الدف مسافة والبنت الزهرانية اللي معي تقرب للعروس كانت بطلة مع اني مت عليها من الضحك إلا أنها أعجبتني

في بعض تصرفاتها في الطريق نزلت جزمتها أسبورت من رجلها وأنتم بكرامة وكل ما شافت همج يستهبل ويرقص

كمخته بالجزمة وبعدته من الطريق .

المهم وصلنا وجلسنا ننتظر بعضع حتى تجمعنا كلنا عند الباب وكان عندهم خبر مسبق بنا ودخلنا دفعة واحدة ندق ونغني


واكان الأستقبال حار بالتصفيق والزغاريد وطلعونا على المنصة وعليها كنبات وسمعات ومكرفونات أخذت المايك وسلمت وقلت كلمة عن الباحة وعن عروستنا وعن بعض عادات الزواج في منطقة الباحة حيث أعطيتهم فكرة مختصرة وردت علي

المذيعة فاطمة العنزي حيث كانت متواجدة في الحفل .

الكهيل اللي معنا كانوا كلهن شاعرات أخذن المايك وقصدن ولعبنا لعب على مستوى وكذلك لعبنا خطوة ومسحباني وبع

دذلك أخذنا عروسنا ورجعنا بيتنا سالمين غانمين .

الجدير بالذكر أني استأجرت حصان يجر عربه من العصر عشان أركب العروس فيها قلت له بعد العشاء تجي بيت الباحة

لكن أعتذر بسبب الزحام وقال ما أقدر أجي إلا بعد الساعة العاشرة إذا خفت الزحمة وطبعاً بعد عشرة ما تصلح الزفة .

أما ليلة البارحة أخر ليلة فقد جبت العيد أنا وصديقتي فاطمة الغامدي طلب منا الجمهور أنا نكون عرائس الليلة أنا وهي

وطبعاَ ماصدقنا أنا وهي نبي نجدد الماضي وتلبسنا وأنتصينا هي عروسة غامد وأنا عروسة زهران هههههههههههه

وكانت ليلة أحلا ليلة ضحك واستهبال والكهيل وقعنه فينا بالكلام العروس لازم تستحي والعروس ما تغني والعروس ما

ترقص وأنا وخويتي كسرنا القوانين ما عرفنا نمثل عرائس ونستحي

بصراحة وناسة يارب تعيد الجنادرية وأحنا وياكم سالمين غانمين . رغم أنا بلعنا العافية من التعب وباقي أجلس

أسبوع وأنا أعاني من أثار التعب . ولكن الباحة وأهل الباحة يستاهلون التضحيات .