03-04-2011, 11:57 AM
|
|
يابحر جده
يابحر جده
على شط البحر سجت بي اقدامي وانـا سجيـت
مـع ذكـرى لهـا عاميـن بالافكـار ممـتـدّه
على ذكرى الهنوف اللي بنت وسط الضماير بيت
غلاهـا تبطـي الايـام ماتقـدر علـى هــدّه
وقفت ووقفتي كانت بنفـس الوقـت والتوقيـت
وفي نفس المكان اللي وقفنـا فيـه مـن مـدّه
اروح إن راحت الأمواج والياجات معهـا جيـت
هواجيسٍ مثل موج البحـر فـي جـزره ومـدّه
أناجي يابحـر موجـك ولامنـه هـدر غنيـت
بطـاروقٍ صـداه ايبيّـح اللـي خافـيٍ سـدّه
اليا مني ذكرت آخر لقاء عن عالمـي صديـت
تباغتنـي همومـي كنهـا هجـمـات مـرتـدّه
بعد صار المقدر ياجنـاب الحـظ وش خليـت؟
توادعنـا وكـلٍ راح دمعـه جــارحٍ خــدّه
تفارقنا وأنا باقـي علـى رجـوى لعـل وليـت
ولا لي حيلةٍ غير الصبـر لـو زاد عـن حـدّه
تفارقنا وهو ماأخطأ وأنا مثلـه بعـد مااخطيـت
عليـنـا جــارت الأقــدار لا ودي ولا ودّه
وأنا لا هزني شوقي زبنتـك يابحـر ماابطيـت
تركت الناس من حولـي وجيتـك يابحـر جـدّه
|