[عميد العزوبيه]

هذه المحاوره اقيمت بيني وبين
حنان باحد المنتديات

وحبيت اجيبها لكم عسى ان تجدون فيها مايسركم


بدع عميد العزوبيه

بسم الله ابدا بتكبيره لرفــــــع الاذان
عشان بقعا تروح تقابل اعيالهـــــــا
وان كان يزعجكم ايات الذكر ياحنان
باقرى عليك اية الكرسي وزلزالهـــا

رد حنان

يامرحبا دام علمك قد وصلنا وزان
ياللي العرب في كتوفك دوم تشتلها
المتهم يالعزوبي طول عمره مـدان
وأهل المعاصي عسى يارب تغفرلها

بدع عميد العزوبيه

من فو ق كتفي ثلاث نجوم والتاج امان
واحاسب اهلى الجرايم واكشف افعالها
انا عزوبي ومكرم شاربي بالسمـــــــان
والا الهزيله تركناها على حالهــــــــــا

رد حنان

نجومك اللي على كتفك حملها جبان
ياكثر من شلته ياقل مـن شالهـا
أبوك من سوريا وعمتك من عمان
والسالفـه نفسهـا وتعيـد موالهـا

بدع عميد العزوبيه

نبدا من اول وندخل صالة الامتحــــــان
لكن خلو حنان تصك جــوالهــــــــــــــا
وان كان غشت فهذا طبعها من زمـان
من محو الاميه عندي شاهد (ن) قالها

رد حنان

الحمـدلله عنـدي الجامعـة مـن زمــان
يوم العزوبي جنوب الأرض وشمالها
والغش ماهو بطبعي يافصيح اللسـان
شهـادة الـزور شرهتـهـا لـمـن قالـهـا

بدع عميد العزوبيه

الليل طول وهي ماصدرت لي بيـــــان
والضاهر ان الثعل قاعد على جالهـــا
تخاف من صفعته تكسر ثلاث او ثمان
وتروح تشكي من الثعلب على خالهـا

رد حنان

ماتنفـع البلبلـه ماتنفعـك ليـل دان
الجوهره في حروز وصعب ترقى لها
لا تفتكر يالعزوبي إنك بديع الزمـان
فعل الرجاجيل مصداق(ن) على أقوالها

بدع عميد العزوبيه

شهادتك في فنون الرقص ع المسحبان
امحق شهاده خجيلتها لمن نالهــــــــــــا
اذا تجولت هذي داري اغلى مكــــــــان
لكن غيري في ارض الكفر وامثالــــها

رد حنان

ريلاكس ياصاحبي لا تفقد الإتـزان
الرقص للبنت له وقت(ن) ويحلالها
مير البلى من شباب اليوم يافيهمان
يلبس لباس اليهود وضاعت خصالها

بدع عميد اعزوبيه

تفضلي عندنا للهيل والزعفـــــــــــــــــــران
واسقيك من دلة (ن) يعجبك فنجالهـــــــــــا
وان كان حولك من اهل الشكشكه والجنان
ماعندن الا رجال (ن) تبدي افعالهــــــــــــا

رد حنان

عساك دايم على الـدلّات ياجنبخـان
اكرم ضيوفـك ولا تبخـل بمكيالهـا
عطنا علومك وخذلك من جليل المعان
علم الكرامه يجمّـل مـن تعزوالهـا

بدع عميد العزوبيه

ابغا اوسم الناقه الجربا بوسم(ن) يبان
من شان ماتعدي البدوان وحلالهــــــــا
وكل من شافها يقلون ناقة فـــــــــــلان
رمى بها (ف) الخلا واقفا ولا جالهـــــا

رد حنان

الوسم للقافلة ماهو لراعي الحَصـان
بيت العلى فوق والمقهـور مانالهـا
عرفت قدرك وعندي شاهد(ن)بالعيان
حالتك من شافها يبكي ويرثـى لهـا

بدع عميد العزوبيه

يطربك لا فرقعت بالفم قطعة لبـــــان
ويجذبك مرسدس مفتوحه اقفالهـــــا
العقل ناقص عسى ربي يزيدك كمان
مادام نفسك عدو الله زها لهــــــــــا

رد حنان

الظاهر انك ولاعمرك قريت القران
نسيت يوم القيامه وشـدة أهوالهـا
قذف العفيفات حكمه جلد بالخيزران
وتصير للناس تمثال(ن) وعبره لها

بدع عميد العزوبيه

احسبتك امباخ لكنك كما جمس فـان
قربعـ (ن) من سنه مامر غسالهــــا
من شين وجهك يخرع يالله المستعان
وصاختك غالي الصابون مازالهــــا

رد حنان

انســـــــــــــــــحاب