[الوضاح]

مساكم الله بالخير يالربع ....

بشرونا عنكم وعن احوالكم ...

هل الغربية وهل الشرقية هل الوسطى وهل الشمالية ... هل الجنوبيه ...

تحيه مني واغلى تحية للوجيه النيرة والمستحيه ...

قصيدة ولا مثل كل القصايد .... فيها من الغرابه جدايد ...

جبتها من كاتبها وراعيها ... تحداها الروعة والزين حاديها ...

على العموم انا طولت عليكم والظاهر انكم تبون تقرونها ...

طولت عليكم بالحيل ...

لكن الحين ابتركم ويا القصيدة ...


أذبحوني وأدفنوني فـي مغـاره
دام مالي عندكم قـدر ومعـزّه


موتتي بسكات لو فيها صغـاره
رحمةٍ تكتب على إيدين الأعـزّه


غارةٍ في ثارها تسعيـن غـاره
ياهل الطلات والعرض المنـزّه


بايعٍ عمـري طنـخ ولاّ فغـاره
عادة ماهي تجي حـزّه وحـزّه


في زمانٍ صارو كباره صغـاره
صاملٍ ماهمني لو رحـت كـزّه


وقّفت بي في صلا ناره وغـاره
وقفة المبلي على عـزّه وبـزّه


يذكرون النسر الاسود من جغاره
ويمدحون الحر الاشقر من ملزّه


أكتبو عنّي طريـح ابوشغـاره
صقر وأشهر هيلعٍ تشبُكـهْ وزّه




والغريب :





... والغريب فيها ... اذا قلبت البيت الشطر الاول صار ثاني والثاني صار أول ... لا ينقص من القصيدة من معانيها وجزالتها شي ... !!!!!

وهذا سر ابداعها وغرابتها لانها جت من شاعر كبير ولاهو من بعض شعار اليوم اللي يلفله كلمتين ويطلعلي بالمجلات

ويسولف مع النسوان ويقول شاعر ... شعروا بك ... >>>> عصب

وشوفوا يوم نقلبها وش تصير ....


دام مالي عندكـم قـدر ومعـزّه
أذبحوني وأدفنوني فـي مغـاره


رحمةٍ تكتب على إيدين الأعـزّه
موتتي بسكات لو فيهـا صغـاره


ياهل الطلات والعـرض المنـزّه
غارةٍ في ثارها تسعيـن غـاره


عادة ماهي تجـي حـزّه وحـزّه
بايعٍ عمـري طنـخ ولاّ فغـاره


صاملٍ ماهمني لو رحـت كـزّه
في زمانٍ صارو كبـاره صغـاره


وقفة المبلي علـى عـزّه وبـزّه
وقّفت بي في صلا ناره وغـاره


يمدحون الحر الاشقر من ملـزّه
ويذكرون النسر الاسود من جغاره


صقر وأشهر هيلـعٍ تشبُكـهْ وزّه
أكتبو عنّـي طريـح ابوشغـاره


وسلامتكم جميع ...

علما ان القصيدة ليست ملطوشة من المنتديات الاخرى وانما من مصادرها مباشرة ...

الله الله بالردود السنعة يالربع ..

تحياتي للجميع ... الوضاح