عرض مشاركة واحدة - ساعات العمل في الدول المتقدمة مقارنة في السعودية .

الراس الصغير · 10-10-2019, 03:02 AM

رد: ساعات العمل في الدول المتقدمة مقارنة في السعودية

والله باتكلم لك وانا اخوك عن خبرة لا تقل عن 12 سنه مابين خاص ( مستشفى حكومي ) وايضا وظيفة حكومية
بكل امانه ابتلينا باناس يدرس بالخارج ويجي يبربر عليك وعلى بعض المناصب القيادية
في امريكا والغرب اهم نقطه عندهم انضباطك والحضور والانصراف وتجي بالوقت المحدد وتطلع بالوقت المحدد
وللعلم حصلت معي شخصيا لشخص دارس بالخارج وقال هالكلام طبعا طال عمره يجي تسعه الصباح
ويمشي متى مابغى وعلى مزاجه ان كان عنده اشغال على صلاة العصر جلس عشان يطلع مره وحده يخلصها
الحاصل تعطيه عمل يقولك والله ماهي من مهامي
تعطيه امور يخلصها على النظام يقولك مو مهام عملي
طيب وش عملك بالضبط تفتح موقع حراج وتتفرج فيه وفي الصحف الالكترونيه ؟

وكل اجتماع يجيبونه ويفتي من راسه

طيب انا صاحي صاحي الصباح مافيه مشكله اصحى الساعة سته الصباح عشان العمل
انزين مسافة الطريق للعمل يصادفني حادث تحويله تعطل اشارة مروريه الخ من مصادفات الطرق التي يشاهدها كل شخص
تحسب علي تاخير ليه ؟
يقولك ليه ماتحسب حسابك ؟
يعني اصلي الفجر ولا اقوم الساعه ثلاثه واكمل نومي في السياره ؟
هذا كوم والمراجعين اللي فاضين يمسك لك الشوارع ويفرفر على الوزارات فضاوه ولقافه لا موعد ولا عنده اي سالفه غير العماله اللي لا تعرف القياده ولا اساسياتها وتسبب لك زحام في هالشوارع

اقسم بالله فترة من الفترات كلفنا بعمل من قبل مسئول لمدة ثلاثة اشهر وقال بالحرف الواحد
تخلصون عملكم الاساسي ثنتين وربع تنزلون للقاعه تجلسون للمغرب تكملون العمل المكلفين فيه
طبعا احنا كنا قروب
قالوا الشباب معصي ورانا اهل ولا نقدر نسوي هالشي ابدا ونهائيا وقال المدير علينا اذا ماتبون نشوف غيركم
قلنا بندخل عليه نكلمه
قال لا تدخلون خذوا العلم مني
قام احد الشباب قال انا بادخل عليه ودخل عليه وقاله السالفه كذا وكذا
قاله طيب خلي الشباب يجون اسمع منهم
دخلنا وتحدث احد الشباب قال يابو فلان انت تبي نخلص عملنا الصباحي والمكلفين فيه ؟
قال ايه نعم وبدون اخطاء وابي انجاز في هالفتره
قال طيب انت معطينا فترة ثلاثة اشهر
لا تسئلنا متى نجي ولا متى نمشي
مالك الا هالثلاثه شهور نخلصه لك
بعد هالثلاثه شهور تعطل عملنا الاساسي او عملنا المكلفين فيه
حدد اي عقوبه تشوفها
قال المسئول متفقين على كلام زميلكم قلنا اي نعم
اتفقنا نجي تسعه ونص الصباح
نمشي على وحده ونص واحيانا نصلي الظهر ونمشي
نخلص اعمالنا الاساسيه مبكر
نجتمع في القاعه نخلص الامور المكلفين فيها بقدر معين
انجزنا العمل بمدة شهر واسبوع

والنفسيات ولا اروع
لا زحام ولا وجع راس

والغريب يوضع اناس في مسئلة الحضور والانصراف دوامهم على كيفهم
ويجي يعطيك مسائله ويقولك ليه تتاخر
طيب ياللي ماتستحي على وجهك انت اكثر غياب اكثر واحد يمشي مبكر اكثر واحد يتاخر
تجي تتفلسف على راسي ليه ؟
عشانك مقرب من المدير ؟

اتمنى يطبق العمل بالانجاز وصل الله وبارك
وبخصوص المشاريع والمحال التجاريه وايضا المقاهي والخ
يكونون لهم قروبات ويتفقون على اوقات عمل مريحه لهم ومتفق عليها الجميع
وبتنجح الخطه
ولا ذبحنا الا اللي يجيك يقولك في امريكا والدول المتقدمه كل وقتهم عمل ويرجع بيتهم بس يبي ينام فقط
منطقيا ماتخش العقل نهائيا الا في حالات شاذه جدا وندارة

10-10-2019, 03:02 AM	#16
الراس الصغير	رد: ساعات العمل في الدول المتقدمة مقارنة في السعودية . رد: ساعات العمل في الدول المتقدمة مقارنة في السعودية والله باتكلم لك وانا اخوك عن خبرة لا تقل عن 12 سنه مابين خاص ( مستشفى حكومي ) وايضا وظيفة حكومية بكل امانه ابتلينا باناس يدرس بالخارج ويجي يبربر عليك وعلى بعض المناصب القيادية في امريكا والغرب اهم نقطه عندهم انضباطك والحضور والانصراف وتجي بالوقت المحدد وتطلع بالوقت المحدد وللعلم حصلت معي شخصيا لشخص دارس بالخارج وقال هالكلام طبعا طال عمره يجي تسعه الصباح ويمشي متى مابغى وعلى مزاجه ان كان عنده اشغال على صلاة العصر جلس عشان يطلع مره وحده يخلصها الحاصل تعطيه عمل يقولك والله ماهي من مهامي تعطيه امور يخلصها على النظام يقولك مو مهام عملي طيب وش عملك بالضبط تفتح موقع حراج وتتفرج فيه وفي الصحف الالكترونيه ؟ وكل اجتماع يجيبونه ويفتي من راسه طيب انا صاحي صاحي الصباح مافيه مشكله اصحى الساعة سته الصباح عشان العمل انزين مسافة الطريق للعمل يصادفني حادث تحويله تعطل اشارة مروريه الخ من مصادفات الطرق التي يشاهدها كل شخص تحسب علي تاخير ليه ؟ يقولك ليه ماتحسب حسابك ؟ يعني اصلي الفجر ولا اقوم الساعه ثلاثه واكمل نومي في السياره ؟ هذا كوم والمراجعين اللي فاضين يمسك لك الشوارع ويفرفر على الوزارات فضاوه ولقافه لا موعد ولا عنده اي سالفه غير العماله اللي لا تعرف القياده ولا اساسياتها وتسبب لك زحام في هالشوارع اقسم بالله فترة من الفترات كلفنا بعمل من قبل مسئول لمدة ثلاثة اشهر وقال بالحرف الواحد تخلصون عملكم الاساسي ثنتين وربع تنزلون للقاعه تجلسون للمغرب تكملون العمل المكلفين فيه طبعا احنا كنا قروب قالوا الشباب معصي ورانا اهل ولا نقدر نسوي هالشي ابدا ونهائيا وقال المدير علينا اذا ماتبون نشوف غيركم قلنا بندخل عليه نكلمه قال لا تدخلون خذوا العلم مني قام احد الشباب قال انا بادخل عليه ودخل عليه وقاله السالفه كذا وكذا قاله طيب خلي الشباب يجون اسمع منهم دخلنا وتحدث احد الشباب قال يابو فلان انت تبي نخلص عملنا الصباحي والمكلفين فيه ؟ قال ايه نعم وبدون اخطاء وابي انجاز في هالفتره قال طيب انت معطينا فترة ثلاثة اشهر لا تسئلنا متى نجي ولا متى نمشي مالك الا هالثلاثه شهور نخلصه لك بعد هالثلاثه شهور تعطل عملنا الاساسي او عملنا المكلفين فيه حدد اي عقوبه تشوفها قال المسئول متفقين على كلام زميلكم قلنا اي نعم اتفقنا نجي تسعه ونص الصباح نمشي على وحده ونص واحيانا نصلي الظهر ونمشي نخلص اعمالنا الاساسيه مبكر نجتمع في القاعه نخلص الامور المكلفين فيها بقدر معين انجزنا العمل بمدة شهر واسبوع والنفسيات ولا اروع لا زحام ولا وجع راس والغريب يوضع اناس في مسئلة الحضور والانصراف دوامهم على كيفهم ويجي يعطيك مسائله ويقولك ليه تتاخر طيب ياللي ماتستحي على وجهك انت اكثر غياب اكثر واحد يمشي مبكر اكثر واحد يتاخر تجي تتفلسف على راسي ليه ؟ عشانك مقرب من المدير ؟ اتمنى يطبق العمل بالانجاز وصل الله وبارك وبخصوص المشاريع والمحال التجاريه وايضا المقاهي والخ يكونون لهم قروبات ويتفقون على اوقات عمل مريحه لهم ومتفق عليها الجميع وبتنجح الخطه ولا ذبحنا الا اللي يجيك يقولك في امريكا والدول المتقدمه كل وقتهم عمل ويرجع بيتهم بس يبي ينام فقط منطقيا ماتخش العقل نهائيا الا في حالات شاذه جدا وندارة ـــــــــــــــــــــــــــــــــــــ التوقيع لا اله الا الله أخر مواضيعي