قلبي تعلق بين بر ومدينه = لاعايش هنيه ولا عايش هناك
يوم ان غيره في قرار وسكينه = مشغول باله بين هذا وهذاك
الله على شغل الخواطر يعينه = ويريحه من كثر دورات الافلاك
دايم وهو ثاير بقلبه حنينه = عزاه ياقلب مدى البعد عناك
قضى سنينه للمحبه رهينه = يمشي ورا رغبات ذولا و ذولاك
مشاعره في وسط صدره دفينه = متشربكه في داخله مثل الاسلاك
المبتلى ساعات عمره ثمينه = حذراك ياقلبي من الشوق حذراك
راشد الجمعان ( المحيط )