[البشيري]

[poem=font="Simplified Arabic,5,tomato,normal,normal" bkcolor="transparent" bkimage="" border="none,4," type=0 line=0 align=center use=sp num="0,black"]
انا الصديق اللي الى طحت شالك
لا ضامتك دنياك والوقت بك مال
انا يمينك شدني في شمالك
يمنى بلا يسرى ترى حالها حال
انا عزاك وعزوتك لا جرالك
من تاعس الدنيا هواجيس واهوال
ماني من اللي لا اغتنى ما وفالك
لو لك عليه من الجمايل والافضال
وماني صديقك كان وقتك صفالك
انا صديقك لا ادبرت فيك الاحوال
خذني عصى موسى اذا كنت هالك
لامسحلك بحور القهر قول وافعال
فالك عسى الله يسعد اليوم فالك
فالك عقب صوم الدهر عيد شوال
وبالك يجي في خاطرك يوم بالك
انك تغيب ولا تجي لي على بال
لا لا تفكر انت في مثل ذلك
اني اتخلى عنك لو الزمن طال
انا ليا شح الزمن في وصالك
تمد لي النخوه على وصلك حبال
انا عمى عين العدو لا نوالك
انول روحه قبل ما روحك تنال
بينك وبين الشمس شجرة ضلالك
ما للشجر قيمه اذا ماله ضلال[/poem]