[نايف علي الزهراني]

السلام عليكم ورحمة الله وبركاته ..

وصبحكم الله بالخير

أولآ : المعذره على غيابي عن المنتدى الايام اللي فاتت بسبب ظروف العمل

ثانيآ : بيض الله وجيهكم على ردودكم السابقه ... وشهاداتكم والله إنها وسام على صدري

ثالثآ : عندي قصيدة بعنوان [ خلاصة الموضوع ]



يالله ياللي كل خافـــي عـــرفته
يامن قسمت الرزق بين العبادي
بإسمك بديت اليوم قافـ"ن" نظمته
من جور الأيــام وليالـ"ن" شدادي
في موقفـ"ن" ماقد سبقلي وقفته
فيه الصديق أصبح مكان المعادي
شفته ذهب يوم الشدايد وزنته
واثره نحاس وماوصل للمرادي
من بعدها عفت الصداقه وعفته
وشلي بصحبة من يعين العوادي
كلن تغير والسبب فيه وقته
أبيض وداخله امتلئ بالسوادي
خلاصة الموضوع واللي فهمته
في دنيتـ"ن" فيها الغريب إعتيادي
إن الجمايل مثل زرعـ"ن" زرعته
لاطابت أرضه طاب كل الحصادي
لاكن ليا شانت وش اللي حصدته
غير التعب واليأس بعد اجتهادي


وسلامتـكـم ...