عرض مشاركة واحدة
  #1  
قديم 01-08-2022, 07:59 PM
ألمحيط ألمحيط غير متواجد حالياً
 






ألمحيط is on a distinguished road
افتراضي ياجمال الطبيعه في جبال الجنوب

ياجمال الطبيعه في جبال الجنوب = يبهر العين منظر شوفة الوانها
الرياح العليله لابدت بالهبوب = مع عبير الزهور اللي على اغصانها
كل هما على قلب المعنى يذوب = والقلوب الحزينه تهجر احزانها
والله اني لها بالحيل قلبي رغوب = اقطع اميال من بعدي على شانها
قلبي ياللي وقع في حبها مايتوب = والخلايق تحن لشوف ديرانها
لجل وصل الحبايب من غلاهم وجوب = كل ذكرى جميله تحكي ازمانها
صوت طير السعد فيها يغرد طروب = يعزف اجمل معانيها على الحانها
من الصباح البهي حتى يحين الغروب = والسعاده ترافق كل سكانها




راشد الجمعان ( المحيط )

ـــــــــــــــــــــــــــــــــــــ
التوقيع
طفت المحيطات عرض وطول = وعندي ركوب الخطر عادي
وعندي لها سيطره واسطول = من يوم تاريخ ميلادي
أخر مواضيعي
رد مع اقتباس