[غربة مشاعر]

[align=center]السلام عليكم ورحمة الله وبركاتة
كيفكم جميعا
اتمنى انكم تكونوا بصحه وعافيه
الموضوع اللي حابه اني اتكلم فيه اتمنى انكم تتقبلوه بصدر رحب
وابغاكم تعرفو اني والله اتمنى لكم كل خير واخاف عليكم مثل ما اخاف على نفسي من اي اذى
الموضوع اللي ابغى اكلمكم فيه اعتبروه نصيحه من اخت
نصيحه تشمل الشباب والبنات
الى كل وحده همها انها بس تجري ورا الموضه وانها تلبس احسن اللبس وانها تكون اكشخ البنات وما تفكر في اللبس اللي تلبسه هل فيه اي شي يغضب ربها
انا ما اقولك لا تتكشخي بالعكس البسي بس الشي اللي يسترك مو الشي اللي يطلع فضايحك
والبنات اللي تلبس عبايات الكتف المخصره واللثمة والاشياء هذي والله العظيم انها تقلل من قدرك عارفه هالشي والا لا والله العظيم لا تتوقعي ان اي احد يطالع فيك معجب بشكلك يمكن تلاقينه يقول الحمدلله على العافيه
انا والله ما اقول هالشي الا اني خايفه عليكم وخايفه عليكم من عذاب ربي يوم القيامه احنا مانتحمل اي تعب في الدنيا ولا نتحمل حرق النار ولو كان بسيط بالله اجل كيف بنار جهنم يوم القيامه الله يبعدنا واياكم عنها
والبنات اللي تقص شعرها مثل الاولاد وهذي الظاهره صايره منتشره بكثره الله يعافينا بس مدري وش قصدها والظاهر انها متناسيه حديث الرسول صلى الله عليه وسلم (لعن الله المتشبهات من النساء بالرجال)
يابنات انتم تدرون ان المرأه اذا ماتت يظفرون شعرها ثلاث ظفاير تدرون وش الحكمة من هذا
سبحان الله قالتلنا وحده من المعلمات ان الملائكه ماتلمس جسم المرأه اذا جو بيسألونها فهم يجلسوها بسحبهم للظفيرتين وبعدين يرجعوها بالظفيره الثالثه اللي تكون بالخلف
هيا بالله اذا كانت قاصه شعرها كيف بيسحبوها الملائكة نسأل الله السلامه
يابنات اجعلو الله امامكم عند قيامكم باي امر ترى والله مافي احلى من ان الانسان يسوي الاشياء اللي ربي يكون راضي عنها
وانتو ياشباب المستقبل
اتمنى انكم تحافظو على صلاتكم وتبعدو عن الاغاني اللي مالها اي داعي وابعدوا عن الموضه الل تتبعوها من الغرب
واهم شي انكم تبعدو عن الدخان اذا كنتم مدخنين ترى والله ماوراه الا المصايب نسال الله ان يحميكم من شره
والله يا اخوان انا ماقلت هالكلام الا لاني اعتبركم مثل اخواني واخواتي واخاف عليكم من الشي اللي اخافه على اخواني
وفي الختام اتمنى انكم تتقبلون النصيحه بصدر رحب

اختكم في الله

غربة مشاعر[/align]