[عاشق المستديرة]

السلام عليكم ورحمة الله وبركاته
بسم الله الرحمن الرحيم
تمام أن شاءلله؟...طيب..وانا كمان كويس بس مو رايق..ومزرقنه..ومقهور...

وما ابغى اشوف مباريات زياده!!

ياهوووه...ايش المشاكل المتلتله ذي!!...نطلع من حفره...نطيح في حفره تانيه!!....وكلو بأدينا!!

في حاجه غلط...حاجه كبيره!!

مدوخه الجماهير العاشقه..ومتعبه محبي الأخضر!!

ما أعتقد ينجح اي مدرب مع الأخضر...لأنو المنهجيه غلط...التخطيط سيء..

مركزيه+أنانيه+ بهرجه+ سوء تخطيط

دمرت المنتخب..واصابة الكره السعوديه في مقتل!!

حتى دورينا متلخبط...ومافي حاجه تغيرت!!

عملو هيئة محترفين!...وهمه مو محترفين!!

غيروا شعارات الأنديه...وما تغيرت شعاراتهم!!

عملو تشفير..وضاعت قروش التشفير خلف الكواليس!!

الدوري هوه هوه..مافي حاجه تغيرت....السنه هادي زي العام واللي قبلو..واللي قبلو!!!

زادت البهرجه..والمؤتمرات..والكلام الكثير...ومافي عمل!!

مافي أنتاج!!....وكل واحد يزبط للتاني....وواحد يصلح والتاني يديها في الباب!!

وكل مسؤل يمدح في التاني!!....ياهوووه....مو كدا الأداره..يابشر مش كدا التخطيط!!

المتغيرات كثيره...وسبل التنميه والتخطيط تعددت...اذا ماتصلح خطأك بسرعه...ماحتقدر نكمل الصعود للقمه...

صدقني حتدحدر وترجع لنقطة البدايه!!

اذا ماتكون جاهز...ومستعد...وتملك ادوات النجاح...حتفشل...وحتدقر بسرعه!!

اذا ماتلبق على جنب...وتصلح البنشر...حتمشي في النهايه على الجنط...وانتا عارف أيش معنى انك تمشي على الجنط!!!!

أنا معاك انو الجنوط كثرت عندنا....بس ماحتفيدنا بحاجه....وفي النهايه مجرد جنط!!

أدو الناس مجال للعمل معاكم..ادوهم مجال لأبداء الرأي...حتى لو مخالف ليكم..أدوهم صلاحيات..وخلوهم يعملوا....أحذروا من البطانه السيئه...اللي بتظللكم...وتديكم معلومات مغلوطه..وتحرشكم على لاعبي بلدكم...وجماهير بلدكم...نتفهوم..وابعدوهم عنكم..واستبدلوهم بالناس الصادقه..المحبه لللرياضه السعوديه!!!!..في النهايه انتو المستفيدين والله....لأنو حينجحوا...ولمن ينجحوا....حينسبوا النجاح ليكم...ولدعمكم...وتوجيهاتكم الساميه!!

لأنوا نحنا بنحوبكم والله..وبنعزكم..ونبغالكم الخير..والنجاح...بس لازم تسمعوا..وتنتبهوا..وتستفيدو من تجارب الماضي المؤلمه...ويمكن تكون الحاضر كمان!!!.....بلاش تمشوا على الجنوط ربنا يسترها معاكم...لازم تلبقوا على جنب..وتشفوا حل مع الكفرات..والأستبنه المنسمه..والعفريته المسروقه!!!!

ربنا يديكم الصحه والعافيه يارب...

يا أسعـــــد......عندك حبتين تميس بالسمن والسمسم للحبايب......لزوم النقنقه وقراءة الموضوع

قواااام ياواااد جاتك البلى



سلامي للكل

أسيبكم ذحين......وراجعلكم بعد حين