خلوني ابكي يا هلي وارفع الصوت = خفوا الملامه يا هلي واعذروني
في داخلي بركان ثاير وموقوت = احرق حنايا القلب واسهر عيوني
خايف عليه الوقت ينساق ويفوت = اصبر وكثر الصبر يخلف ضنوني
يشمت عليه جاني التين والتوت = واهل المعاني والمثل يشمتوني
ما يعلمون اني تحت ضغط مكبوت = يبغى يوردني حياض المنوني
حالي خطير ولا على حالي سكوت = اشكي ولا كن البشر يسمعوني
وبعض الحقايق ما بها مزح ونكوت = يسمع صداها كل قاصي ودوني
دليلها لأهل المفاهيم مثبوت = والدمع شاهد بين عيني ونوني
راشد الجمعان ( المحيط )