[مسفر العدواني]

يا بلادي شي عادي
لما نبقى في نهاية (لا نهايه) شيء عادي
لما نسقط في غدير الجهل عمدا شيء عادي
يابلادي ..!!
أنتي أنتي في فؤادي
بس عندي ألف وادي
يا بلادي
لما يصبح عندنا تسعين نادي شي عادي
لما يصبح عندنا مليون لاعب
والله عااااااااااادي
هم حماتك في نهار الحرب من كيد الأعادي
ما يهم الجيش ...لا تقولي ليش
يا بلادي
عندنا مليون شاعر
عندنا مليون مفتي
عندنا مليون شارع
عندنا مليون منفي
ربما هذا الكلام اللي يغث الروح باطل
والحقيقة والأكيد/ مالقينا في رياضك يابلادي شخص عاطل
يا بلادي لما نصبح في مجال الصحة والتعليم تحت الصفر عادي
والله عاااااااااااااااااادي
لما واحد (يسترق) مية ريال حتى يأكل يسجنونه
شي عادي
ولما واحد يسترق مليار طبعا يتركونه
شي عادي
والله عادي
والله عادي
يا بلادي يا بلادي
ما خدعنا غير تصفيق الأيادي
ما ذبحنا غير تقديس الرقادي
يا بلادي يا بلادي
لون أسود
لون أبيض
ما قدرنا نفهم اللون الرمادي
صحصحي بالله ساعه
وقفي بالله ساعه
فكري بالله ساعه
بعدها لا صرت أنا مجنون /هادي
صادري شربي وزادي
يا بلادي يا بلادي
شي كثييييييير ماقدرت أفصح عنه
خايف أغرق يابلادي

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا غالية..! ذا (الوطن) ما عاد ينفع لي=خليّني آطير وابحث عن وطن غيره
ضيّعت عمري يا ليت العمر يرجع لي=حلم(ن) مضى في عيوني صعب تفسيره!
والشعر يمكن مع الترحال يشفع لي= يا شعر بيتين وإلا بيت تصبيره ..!!
غربة وطن ما هقيت الهم يزرع لي=في دربي الشوك..! بدري يالله الخيره
من حقي أعيش مثل الناس واجمع لي=قرشين وآخذ بها (شاهي وتعميره)
آصيح لكن خساره مين يسمع لي=ماني بمرتاح يلعن جدّها ديره!
هاوشني الحزن ما حد قام يفرع لي=كملي وأنا اقول حزني صعب تبريره
شيخ الجروح انتخابي قام يبدع لي=ما يدري إني كشفت اليوم تزويره
يا شيخ أنا لو هزمتك كم بتدفع لي=يا خي كرهت القصايد: فكّها سيره
لك ست زلات يا مسكين ورابع لي=زد فوق تكبيرة الاحرام تكبيره
غبنا عن الوعي واللاوعي يودع لي=في بنك الأحزان تسعين ألف تكشيره
كل العيون التي تبكيك تدمع لي=يا خي كفايه كفايه: واسقنا بيره ..!![/poem]