يا سحابة تنزف بوسط البحـر
ما فرق باليم وش ما تمطريـن
لو سيولك م المسا لين السحـر
ما بتروي شوق عتقه الحنيـن
لو تردي نوم عيني اللي انتحر
أو سهرك إزدان بأشواقه سنين
أو خذلك الفرح في عيد النحـر
أو بلغتي حزن شيخ ٍ في جنين
أو حضنتي البرد يوم الجو حر
وإلتحفتي جمر وبصدرك ونيـن
تما بلغتي حب عمره ما ندحـر
وسط صدري عايش ٍ لونه دفين
من لمحني قال تايـه وانسحـر
وش رح يقولوا إذا همي يبيـن
أدري بحبي سكن قلـب ونحـر
لكن اللي عايش بروحي ثميـن
مثل إبره شكة بوسـط البحـر
ما انزعت من داخله لو قطرتين
---------------------
ألشاعـــــــــــــــــــر صـــــــــــالــــــــــــــــح بـــــــــــــــــن فـــــــــــــــــــــــارس