[غلا الشيخي]

للشوق لحساس الغلا للمواليف
لليل للقمرا وروعة بهاها

للبر ل انسام البحر للنفانيف
وريضان ورد وحسنها قد زهاها

اهدي من الخفاق حلو المقاطيف
والمفردات تبين لذة حلاها

غلفتها من صادق الود تغليف
خلاصة التعبير في محتواها

ويجيز لي هالصبح كشف المضاريف
واكشف عن احساسي وابين خفاها

حب خذا حد السيوف المراهيف
حب سكن قلبي ونبضي غشاها

مشاعري ما طالها اي تحريف
فيها شراييني تلاقي دواها

وذا زعلت وبان للصد تطويف
ناري بتحرق من برجله وطاها

واقولها من القلب من دون تزييف
محبوبتك ما غير حبك خذاها

ي الشاعر اللي في صفون السراجيف
ارسل كتاب الحب واعلن جواها