قصيدة الرايد شريف العطاوي في الامير نايف بن عبدالعزيز
رحمه الله واسكنه فسيح جناته0
بعنوان( (اهتزت ابراج المدن والميادين))
[poem=font="Simplified Arabic,6,black,normal,normal" bkcolor="transparent" bkimage="backgrounds/2.gif" border="double,5,gray" type=3 line=0 align=center use=ex num="0,black""]
تبكي عليك العين يا اغلى من العين= ياسيفنا المسلول يابن المغيره
ليتك سلمت ومات منا ملايين=اعداد لكن فيك ماهي كثيره
لك ترخص الارواح ياقاضي الدين=لكن هيهات المصيبه مريره
رحيل نايف في جميع العناوين =باخبار يوم السبت قبل الظهيره
واهتزت العالم شعوب وسلاطين=واهتز منها نجد قلب الجزيره
واهتزت ابراج المدن والميادين=واهتز شبه الكوره المستد يره
من نجد الى لندن الى سور برلين=كل البلاد الا00جنيف الشهيره
كنت اعتبرها قمة الحسن والزين=واليوم بعيوني ارآها صغيره
على ارضها نايف رحل قبل يومين=وتغيرت عندي بصوره شريره
والموت حق ولآ منه قوم ناجين=لكن صدمتنا بنايف كبيره
ترجّل الفارس وغيث المساكين=وودع العالم بكلمة اخيره
يقول في مضمونها يأ هل الدين=امن الوطن مطلب وحاجه خطيره
كونوا يداً وحده بوجه المعادين=يبقى لكم في صفحة المجد سيره
وأهم من هذا قضية فلسطين=والقدس وحواله والارض الاسيره
وحنا عزانا فالرجال الميامين= للي بعد نايف تقود المسيره [/poem]
(الشاعر الرائد /شريف سلوم العطاوي)